Yeshaya 61:3 - Mukanda wa Nzambi Dihungila Dikulukulu ne Dihungila Dihia-dihia 2003

³ bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

MUKANDA WA MYIDI MUKULU

³ bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 61:3 교차 참조

Estere 8:15

Môdekai wakumuka ku mesu kua mukelenge muluate bilulu bia bleu ne bitoke bia bukelenge, ne tshifulu tshia butumbi tshia or, ne tshikowelu tshikunzubile tshia bilulu bia lin; bena musoko bakadi mu Shushana bakela mbila, bakasanka.

Estere 9:22

bu matuku akaheta Bena Yuda dikisha kudi bena lukuna babo ne bu ngondo wakakudimunabo kanyinganyinga kalua bu disanka, ne muadi ulua bu dituku dilengele; bajidile matuku â bu matuku a kudiabo bidia bia disanka ne musangelu ne bua kuhanganabo bintu ne bua kuhabo bahele bintu.

Misambu 104:15

ne nyinyo idi isankisha mutshima wa muntu, ne manyi adi akenkesha mpala wandi, ne bidia bidi bikolesha mutshima wandi.

Misambu 149:4

Bualu bua Yehowa udi ne disanka mu bantu bandi. Udi ulengesha badihuekeshi ne luhandu.

Misambu 23:5

Wewe udi ulongolola mesa ku mesu kuanyi ku mpala kua badi nʼanyi lukuna; udi wela manyi ha mutu hanyi, luhanza luanyi ludi luhongoloka.

Misambu 30:11

Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Misambu 30:12

Bua muoyo wanyi ukuimbile misambu ya kukutumbisha nʼai, kauhuwu. Yehowa Nzambi wanyi, nenkusakidile tshiendelele.

Misambu 45:7

Udi unanga malu makane ne udi ne malu mabi lukuna. Bua bualu ebu Nzambi, Nzambi webe mene, wakukuna manyi a disanka ha mutu hebe ne diela dia manyi ditamba diakeleye bakuebe.

Muambi 9:8

Bilulu biebe bikale bitoke tô matuku onso; kuhangi kuela manyi ha mutu hebe.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 26:2

Unzululai bibi, bua ba mu tshisamba tshia bantu bakane badi balamata ditabusha babuelemu.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 52:1

Tabala, tabala, wewe Siona, udiluatshishe bukole buebe; udiluatshishe bivualu biebe bilengele, wewe Yelushalema, musoko wa tshijila! Bualu bua ku dituku edi tô ne ku mpala udi kayi mutengula ne udi mubiha kabena babuela munda muebe kabidi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yirmeya 31:13

Hashishe mishikankunde itshidi kamama neyisanke mu kuja kua maja, ne bansongalume ne bakulumpe nebasanke diatshimue; bualu bua nengandamune madilu abo alue disanka, nembasambe, nembahingashile disanka bua kanyinganyinga kakadibo nʼaku.

Yezekiyele 34:29

Nenyilongoluele buloba budi ne lumu lunene bualu bua kumenesha kuabu, kayena ishihibua kabidi ne nzala mu buloba abu, kayena ifiushibua bundu kabidi kudi ba mu bisamba bia bantu.

Yezekiyele 47:7

Hanakahinganaku, nakamona muelelu wa musulu muikale ne mitshi ya bungi dishiya dia muamua ne dia munemu.

Zekâya 3:5

Nakamba ne, Bamujingile tshitambala tshitoke ku mutu kuandi. Nunku bakamujinga tshitambala tshitoke ku mutu kuandi, bakamuluatshisha bisalu biakane; ne muanjelo wa Yehowa wakadi muimane ha buihi.

Matayi 15:13

Kadi yeye wakandamuna ne, Nebajule mutshi wonso udi kawi mutentula kudi Tatu wanyi udi mu diulu.

Matayi 5:16

Nunku munya wenu uteme ku mesu kua bantu, bamone midimu yenu mimpe, batumbishe kabidi Tatu wenu udi mu diulu.

Luke 15:22

Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

Yowanane 15:8

Tatu wanyi udi utumbishibua mu bualu ebu ne, Nudi nukuama mamuma a bungi; nunku nenuikale bayidi banyi.

Yowanane 16:20

Bulelela, bulelela, ndi nuambila ne, Nenudile, nenujinge, kadi ba ha buloba nebasanke; nenuikale ne kanyinganyinga, kadi kanyinganyinga kenu nekakudimuke disanka.

1 Korente 3:9

Bua tudi benzeshanganyi ba mudimu ne Nzambi; nuenu nudi budimi bua Nzambi, nudi nsubu wa Nzambi.

1 Korente 6:20

Bualu bua nuakasumbibua ku mushinga mukole; nunku nutumbishe Nzambi mu mubidi wenu.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

2 Tesalonike 1:10

halueye bua kutumbishibua mu basanto bandi, ne bua kukemibua mu dituku diadia kudi bantu bonso bamane kumuitabusha (bualu bua bumanyishi buetu kunudi buakitabushibua).

Ebrewu 1:9

Wewe wakusua malu makane ne udi ne malu mabi tshishi; Bua bualu ebu Nzambi, Nzambi webe mene, Wakuela manyi a disanka ba mutu hebe Ne diela dia manyi ditamba diakeleye bakuebe.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.