Yeshaya 61:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua bu mudi buloba bumenesha lutonga luabu, bu mudi tshibidi tshitolesha maminu adibo bakunamu, nunku Mukelenge Yehowa neameneshe buakane ne butumbi ku mpala kua bisamba bionso bia bantu.

MUKANDA WA MYIDI MUKULU

¹¹ Bushuwa, Maweja-Nangila Mvidi Mukulu udi upatula lupandu ne lumu, kumpala kua bisamba bia bantu. Amu bu mudi mu buloba mutoloka mitshi, nansha bu mudi mu budimi bumena ntete idibu bamiaminamu.

Yeshaya 61:11 교차 참조

Yeshaya 58:11

Yehowa neakulombele matuku onso, neaukutshishe muoyo webe mu tshikondo tshia munanga, neakoleshe mifuba yebe. Wewe newikale bu budimi budibo bamiamina mai, bu mushimi wa mai udi mai au kâyi akama.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Yeshaya 62:7

kanumuki yeye dikisha kabidi tô ne hajadikeye Yelushalema, ne hamuvuisheye musoko udi ne butumbi ha buloba.

Yeshaya 62:1

Bua bualu bua Siona tshiena mpuwa talalâ, ne bua bualu bua Yelushalema tshiena ngikala hola, tô ne haluhuka kubingishibua kuandi bu dinkenke, ne luhandu luandi bu tshimunyi tshidi tshitema.

Yeshaya 45:8

Diulu, witshikishe biebe buakane hanshi ha buloba, ne matutu alokeshe buakane, buloba bunzuluke bua buhatulemu luhandu, bumeneshe nʼalu buakane diatshimue; meme Yehowa nakubufuka.

Musambu wa Solomo 4:16

Luhehele lua ku nôde, tabala, wewe, luhehele lua ku sude, heha! Nuhehe mu tshibunda tshianyi bua muhuya wa manananshi anyi uhatuke. Wanyi munanga abuele mu tshibunda tshiandi, adie biandi mamuma andi mimpe.

Misambu 85:11

Lulamatu lua bushuwa ludi lutoloka mu buloba; buakane bua mu diulu budi butangila hanshi.

Matayi 13:23

Yeye wakadi mumiamina ha buloba buimpe udi unvua dî dia Nzambi, udi udijingulula; yeye mene udi uvudisha maminu; manga adi avulangana lukama lukama, manga makumi asambombo asambombo, manga makumi asatu asatu.

Matayi 13:3

Yeye wakabambila malu a bungi mu nsumuinu ne, Mumiaminyi wakaya bua kumiamina maminu;

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Misambu 72:16

Blé ikale mivule ha buloba, tô ne ha mitu ha mikuna, miehu yai ihehe bu mudi mitshi ya mu Lebanona iheha. Bantu bavulangane mu musoko, badiunde bu mudi mashinde a ha buloba adiunda.

Misambu 72:3

Mikuna mile neyivuishile bantu ditalala, mikuna mihi neyibavuishiledi bua buakane buebe.

Matayi 13:8

makuabo akamata ha buloba buimpe, akavudisha maminu; makuabo lukama lukama, makuabo makumi asambombo asambombo, makuabo makumi asatu asatu.

Yeshaya 4:2

Mu dituku adi lutonga lua Yehowa neluikale lulengele ne lua butumbi, ne mamuma adi buloba bumenesha neikale mimpe ne bu tshilenge kudi ba mu Isalele batshidi bashala ne muoyo.

Yeshaya 45:23

Nakuditshiha mu dina dianyi nkayanyi, dî diakane diakuhatuka mukana muanyi, kadiena dihingana: Diamba ne, Tshinu tshionso netshintuile hanshi, ludimi luonso neluditshihe,

Yeshaya 45:24

bamba ne, Anu mu Yehowa mmudi buakane ne bukole. Bantu nebalue kudiye, bonso bakadi bakuata tshiji bualu buandi nebafuishibue bundu.

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 48:18

Aka! Bu wewe munvue mikenji yanyi, ditalala diebe diakadi kuikala bu musulu, ne buakane buebe buakadi kuikala bu mavuala a mai manene!

Yeshaya 60:21

Bantu bebe bonso nebikale bakane; nebahiane buloba tshiendelele, bu lutonga lua dikuna dianyi, bu mudimu wa bianza bianyi, bua meme ntumbishibue.

Genese 1:11

Nzambi wakamba ne, Buloba bumeneshe bimenyi bionso, midioko idi yela ntete ne mitshi idi ikuama mamuma adi ne ntete yai, bu mudi mushindu wai. Bualu buakenjibua

Yeshaya 62:2

Ba mu bisamba bia bantu nebamone kubingishibua kuebe, ne banfumu bonso nebamone butumbi buebe; nebakubikile ku dina dihia-dihia didi mukana mua Yehowa mukuinyike.