Yeshaya 6:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² tô ne halua Yehowa kumusha bantu bua kubateka kule, tô ne havulangana makolo.

MUKANDA WA MYIDI MUKULU

¹² Eyowa, Maweja-Nangila neipate bantu mu ditunga diabu. Madimi abu neashale amu mbuba nkayayi.

Yeshaya 6:12 교차 참조

2 Bakalenga 25:11

Bantu bakashiyabo mu musoko diambedi ne bakadi banyema ne bakadi baya kudi mukelenge wa Babulona, Nebuzaladana, kapitene ka masalayi, wakaya ne buonso buabo mu buhika.

2 Bakalenga 25:21

Mukelenge wa Babulona wakabashiha mu Libela mu buloba bua Hamata. Nunku bakumusha Bena Yuda mu buloba buabo, bakaya nʼabo mu buhika.

Yeshaya 13:12

Nenvishe bungi bua bantu butamba bua or bukese, nembuvuishe butamba bua or wa Ofi mene bukese.

Yeshaya 26:15

Wewe wakuvudisha ba mu tshisamba tshietu, Yehowa, wakuvudisha ba mu tshisamba tshietu; wewe udi mutumbishibue; wakulehesha mikalu yonso ya buloba buetu.

Yeshaya 5:9

Yehowa wa misumba udi wamba mu matshu anyi ne, Bulelela, nsubu ya bungi neyikale munda mutuhu, yoyo mene mminene ne miakane, kayiyi ne bantu bashikamemu.

Yirmeya 12:7

Nakulekela nsubu wanyi, nakubenga buhianyi buanyi; nakufila wanyi munanga mu bianza bia badi nʼandi lukuna.

Yirmeya 15:4

Nembatangadishe eku ne eku munkatshi mua makelenge a ha buloba bualu bua malu a Manashe, muana wa Hezikiya, mukelenge wa Yuda, akenzeye mu Yelushalema.

Yirmeya 4:29

Ba mu misoko yonso badi banyema bua tshiona tshia bena nvita, badi babanda ha nyima ha tubalu ne tshiona tshia bena mata; badi baya mu bihuka, badi babanda ha mutu ha mabue; badi bashiya misoko yonso hatuhu, kakuena muntu udi mushikamemu.

Yirmeya 52:27

Mukelenge wa Babulona wakabakina, wakabashiha ku Libela mu buloba bua Hamata. Nunku bakumusha Bena Yuda mu buloba buabo, bakaya nʼabo mu buhika.

Muadi 5:20

Bualu kai udi musue kutuhita muoyo tshiendelele, ne kutulekela musangu bule nunku?

Sefanya 1:3

Nembutule bantu ne nyama, nembutule nyunyu ya mulu ne minyinyi ya mu mai manene; nengumushe bilenduishi ne benji ba malu mabi diatshimue. Yehowa udi wamba ne. Nembutule bukua bantu hanshi ha buloba.

Rome 11:15

Bua bikata kumushibua kuabo kuakulua dilengesha dia ba ha buloba ne Nzambi, ditabushibua diabo nedilue tshinyi tshikuabo, anu muoyo wa ku bafue mene?

Dielulula 28:64

Yehowa neanumuangalashe munkatshi mua bantu bonso ku ditengu edi dia buloba tô ne ku ditengu dikuabo; nenukuatshileku nzambi mikuabo ya mitshi ne ya mabue mudimu, mudi kanuyi bamanye, ne bankambua benu kabakayimanya kabidi.