Yeshaya 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

MUKANDA WA MYIDI MUKULU

¹¹ Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yeshaya 6:11 교차 참조

Misambu 74:10

Nzambi, muena lukuna neakubuidie musangu bule bishi? Muena lukuna neahende dina diebe tshiendelele, anyi?

Misambu 79:5

Yehowa, bualu ebu nebulehe musangu bule bishi? Newikale ne tshiji tshiendelele, anyi? Mukau webe newoshe bu kahia, anyi?

Misambu 90:13

Yehowa, hingana biebe! Muanda eu neulehe musangu bule munyi? Mutshima webe ufuile bantu bebe luse!

Misambu 94:3

Yehowa, bantu babi nebenze nunku musangu bule munyi? Bantu babi nebatumbe musangu bule munyi?

Yeshaya 1:7

Buloba buenu budi bubutuka, misoko yenu idi mioshibue ne kahia; bantu ba bende badi badia bintu bia mu buloba buenu ku mesu kuenu mene, ne budi bubutuka bu mudibo bahaula musoko kudi bantu ba bende.

Yeshaya 13:12

Nenvishe bungi bua bantu butamba bua or bukese, nembuvuishe butamba bua or wa Ofi mene bukese.

Yeshaya 3:26

Ba mu bibuelelu bia ku Siona nebase madilu, nebadie; ne yeye udibo bahaula neashikame hanshi ha buloba.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Yeshaya 32:14

Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

Yeshaya 35:1

Tshihela ne buloba bûme nebikale ne disanka; tshihela tshia lusenga netshisanke; netshimeneshe bintu bu mudi tshilongo tshia nsungubidi tshienza,

Yeshaya 5:9

Yehowa wa misumba udi wamba mu matshu anyi ne, Bulelela, nsubu ya bungi neyikale munda mutuhu, yoyo mene mminene ne miakane, kayiyi ne bantu bashikamemu.

Yeshaya 60:15

Mu muaba wa kuikala biebe, musoko mushiye hatuhu wa wakadibo nʼau lukuna, kakuyi muntu wahitshila munkatshi muebe, mpindiu nenkuvishe musoko udi ne butumbi tshiendelele, disanka dia ku tshikondo tô ne ku tshikondo tshikuabo.

Yeshaya 64:10

Misoko yebe ya tshijila yakulua tshihela, Siona wakulua tshihela, Yelushalema wakulua mubutuke.

Yirmeya 22:6

Bualu bua Yehowa udi wamba bua tshiota tshia mukelenge wa Yuda ne, Wewe udi kundi bu Gilada, ne bu mutu wa Lebanona, kadi bulelela, nenkuvuishe bu tshihela, ne musoko udi kauyi ne bantu.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Yirmeya 44:2

Diakamba ne, Yehowa wa misumba, Nzambi wa Isalele, udi Wamba ne, Nuakutangila makenga onso anakutumina ba mu Yelushalema ne ba mu misoko yonso ya mu Yuda; monai, lelu eu misoko ei idi bikulu, ne kakuena muntu udi mushikamemu;

Yirmeya 52:27

Mukelenge wa Babulona wakabakina, wakabashiha ku Libela mu buloba bua Hamata. Nunku bakumusha Bena Yuda mu buloba buabo, bakaya nʼabo mu buhika.

Yezekiyele 6:6

Mu miaba yonso mudi bashikame nebabutule misoko yenu, nebashimbule bitendelelu bienu bidi ha mikuna, bua bioshelu bienu bibutudibue ne bivuishibue hatuhu, bua mpingu yenu itshibuke ne ishihibue, bua makunshi anudi nutendelela nʼau diba akoshibue ne midimu yenu ijimishibue.

Danyele 8:13

Hashishe, nakunvua mukuabo wa tshijila wakula; muibidi wa tshijila wakakonka wakadi wakula diambedi ne, Kumusha kua mulambu wa kuosha wa buatshia-buatshia, bualu bubi budi buvuisha kabutu, ne kufila kua tshitendelelu ne musumba wa mu diulu bua kudiatshibuabi muinshi mua makasa, malu â akamueneka mu tshikena kumona neikaleku musangu bule munyi?

Lewitiki 26:31

Meme nembutule misoko yenu, ne bitendelelu bienu nebikale hatuhu, bintu bienu kabiena bi tua dihembu kundi.

Lewitiki 26:33

Nennumuangalashe mu bisamba bikuabo, nempatule muele wa nvita ku nyima kuenu, buloba buenu nebuikale hatuhu ne misoko yenu neyikale mihaula.

Mika 2:4

Mu dituku adi nebanusendeke, nebanubingile bikole, bamba ne, Tuakubutudibua kabutu; yeye wakuha bakuabo buhianyi buetu; ke bu mudiye mubûmushe kutudi! Udi wabanyina bantombueshi madimi etu.

Mika 5:11

Nenshihe misoko minene ya mu buloba buenu, nenshimbule ngumbu yenu yonso ya nvita.

Mika 6:13

Nunku meme kabidi nennutahe, nennubutule bualu bua mibi yenu.

Mika 7:13

Kadi buloba nebulue tshikulu bualu bua bantu babi badi bashikamemu, ne bua mamuma mabi atu bienzedi biabo bikuama.

Dielulula 28:62

Diambedi nuakadi bungi bua mitoto ya mu diulu kadi nenushale anu banya-banya, bualu bua kanuakunvua dî dia Yehowa, Nzambi wenu.

Dielulula 28:63

Bu muakadi Yehowa ne disanka bua kunuenzela bimpe ne bua kunukumbasha ba bungi, mbu mudiye mua kuikala ne disanka bua kunujimisha ne bua kunushiha; nebanûmushe mu buloba bunudi nuya bua kubuhiana.