Yeshaya 57:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Munkatshi mua mabue a mu tshibanda adi ne busenu mudi luseke luwakusungula; mabue au, mabue au mene adi luseke luebe; wakuahumuina mulambu wa bia kunua, wakufila mulambu wa bia kudia kudiu. Mutshima wanyi udi mua kuholeshibua bua malu â, anyi?

MUKANDA WA MYIDI MUKULU

⁶ Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Yeshaya 57:6 교차 참조

Yeshaya 65:11

Kadi ebu mbualu buenu badi balekela kulonda Yehowa, badi bahua mukuna wanyi wa tshijila muoyo, badi balongoluela nzambi wakabikilabo ne, Dikasa Dimpe mesa, badi belela nzambi wakabikilabo ne, Tshishikidilu maluvu masangisha ne bintu bia muhuya muimpe mu mpanza,

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 3:9

Bualu bua dikamakama diandi mu masandi andi buloba buakanyanguka, ne wakenda masandi ne mabue ne bibasa bia mitshi.

Yirmeya 32:29

Bena Kasada badi baluangana ne bena musoko eu, nebalue bua kuwosha ne kahia, bua kûshidisha, hohamue ne nsubu kuakufidilabo musenga wa manananshi kudi Bâla ha mutu hai, kuakuhumunabo nzambi mikuabo milambu ya bia kunua bua kunkuatshishabo nʼabi tshiji.

Yirmeya 5:29

Yehowa udi wamba ne, Tshiena mbakengesha bua malu a, anyi? Mutshima wanyi kawena udisombuela kudi tshisamba bu etshi, anyi?

Yirmeya 5:9

Yehowa udi wamba ne, Tshiena mbakengesha bua malu â, anyi? Mutshima wanyi kawena udisombuela bua ba mu tshisamba bu etshi, anyi?

Yirmeya 7:18

Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

Yirmeya 9:9

Yehowa udi ukonka ne, Tshiena ne bua kubakengesha bua malu â, anyi? Mutshima wanyi kawena udisombuela bua tshisamba tshidi bu etshi, anyi?

Yezekiyele 20:39

Mukelenge Yehowa udi wamba bua bualu buenu, nuenu ba mu tshisamba tshia Bena Isalele, ne, Yai bienu, muntu ne muntu, nukuatshile mpingu yenu mudimu; kadi ku nyima nenungunvuile bimpe, ne kanuena munyanga dina dianyi dia tshijila ku bintu binudi nufila ne ku mpingu yenu.

Abakuke 2:19

Mulau wikale kudi udi wambila mutshi ne, Tabala! Udi wambila dibue didi kadiyi mua kuakula ne, Bika! Tshintu etshi tshidi mua kuyisha bantu, anyi? Monai, tshidi tshilamika or ne argent, kadi munda muatshi kamuena muhuya, nansha mukese!