Yeshaya 57:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nudi nuseka nganyi? Nudi nubuluila nganyi mukana bitongatonga, nudi nuhatuila nganyi ndimi yenu? Kanuena bana baledibue kudi bantombokedi, tunkanunuina tua mashimi, anyi?

MUKANDA WA MYIDI MUKULU

⁴ Unudi nuseka nnganyi? Unudi nuela bibingu nnganyi? Unudi nuela kadimi nnganyi? Kanuena bana badi bantombokela anyi? Kanuena tshisamba tshia bena dishima anyi?

Yeshaya 57:4 교차 참조

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Misambu 22:13

Badi bambuluila mukana muabo bitongatonga, bu mudi nyama wa ntambue utuanya wenda udila.

Misambu 22:17

Ndi mua kubala mifuba yanyi yonso. Badi banjosha talalâ, badi bangosha mesu.

Misambu 22:7

Bonso badi bantangila badi banseka, badi banfunkuna mishiku, badi bakuha mitu, bamba ne,

Misambu 35:21

E, badi babulula mukana muabo bitongatonga bua kunseka; badi bamba ne, Eyo, eyo, mesu etu akukumona!

Misambu 69:12

Badi bashikama mu tshibuelelu tshia ku musoko badi bayikilangana bualu buanyi; bakuatshiki ba maluvu badi bimba misambu bualu buanyi.

Ekesode 9:17

Wewe utshidi udibandisha kudi bantu banyi, udi uhidia kubalekela munyi?

Yeshaya 1:4

Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

Yeshaya 10:15

Tshisui netshimanye mua kufunyina nfumu watshi udi utaha nʼatshi, anyi? Scie neamanye mua kudibandisha kudi udi uhanda nʼandi, anyi? Ebu mbu muakadi mulangala kulembelela bantu badi baubisha, anyi mbu muakadi tshibonge kubisha muntu udi kayi mufukibue mutshi!

Yeshaya 30:1

Yehowa udi wamba ne, Mulau wikale kudi bana badi bantombokela, badi benza bualu buakudihangidishilabo, kadi budi kabuyi bufume kundi; badi bahunga tshihungidi, kadi kantshia Nyuma wanyi, bua kutentekasha bubi ha mutu ha bubi!

Yeshaya 30:9

Bua bantu aba badi batomboka, badi bana, bena mashimi, badi bana badi kabayi basue kunvua diyisha dia Yehowa.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yeshaya 48:8

Bushuwa, wewe kuena munvue, kuena mumanye malu â, ne tô ne ku mpindiu matshu ebe kakanza kujikuka. Bualu bua nakamanya ne wewe udi utamba kuikala muena bunsonge, ne wakamanyibua bu muntombokedi katshia bakulela.

Yeshaya 57:5

Nuenu badi badisonsuela lukuka lua masandi munkatshi mua mitshi ya telebinta, ne muinshi mua mutshi wonso udi ne muoyo; badi bashiha bana mu bibanda muinshi mua mitanta ya mabue.

Yirmeya 20:8

Misangu yonso hanakeba kuamba dî, ndi ndila bianyi, ndi ndila ne, Nvita ne kubutuka; bualu bua dî dia Yehowa diakulua kundi bu tshintu tshia kuhendabo ne tshia kusekabo dituku dijima.

Yezekiyele 2:4

Bana babo kabidi badi ne dikamakama ne tshitshu. Ndi nkutuma kudibo, ne wewe ubambile ne, Mukelenge Yehowa udi wamba nunku.

Osheya 10:9

Ku matuku a ku Gibea tô ne mpindiu, nuenu Bena Isalele nuakuenza bibi; mu muaba au bantu babi bakatantamena; nvita kayakafika kudi bantu babi mu Gibea, anyi?

Dibadika 16:11

Wewe ne bantu baudi nʼabo nuakudisangisha bua kuelangana ne Yehowa! Alona udi nganyi bua nuenu nudi numutontolola?

Matayi 13:38

budimi budi bantu ba ha buloba; maminu mimpe adi bana ba mu bukelenge bua Nzambi, ntete ya luhela idi bana ba mubi;

Matayi 27:29

Akaluka tshifulu tshia meba tshia bukelenge, akamuasatshi ku mutu, akateka mulangala mu tshianza tshiandi tshia balume; akatua binu hanshi ku mpala kuandi, akamuseka ne, Muoyo, Mukelenge wa Bena Yuda.

Luke 10:16

Wanunvuila udi ungunvuila meme, wanuhidia udi umpidia meme; wampidia meme udi uhidia wakuntuma.

Bienzedi 9:4

wakahona hanshi, wakunvua dî dimuambila ne, Shaula, Shaula, udi unkengeshila meme tshinyi?

Efeze 5:6

Muntu kanudingi ne mei a hatuhu; bualu bua malu â tshishi tshia Nzambi tshilualua kudi bana ba buhidia.

Kolose 3:6

bua malu â tshishi tshia Nzambi tshidi tshilua kudi bana ba buhidia;

Yoshua 10:21

Bantu bonso bakahingana kudi Yoshua ku tshitudilu tshia ku Makeda talalâ: kakuakadi muntu wakahotela Bena Isalele kahidi.

2 Petro 2:13

badi bakengeshibua bu difutu dia kuenza kua malu mabi abo; bantu badi babala kutamba kudia kuabo ne kunua kuabo kua mu munya bu disanka; badi matobe ne bilema, batamba kudia ne kunua ku bidia bia dinanga hadiabo nʼenu;