Yeshaya 57:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

MUKANDA WA MYIDI MUKULU

¹ Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

Yeshaya 57:1 교차 참조

1 Bakalenga 14:13

Bena Isalele bonso nebamujinge, nebamujike, bualu bua nebamujike anu yeye wa mu nsubu wa Yalobama, bualu bua yeye udi ne tshituha tshia malu adi asankisha Yehowa, Nzambi wa Isalele, munda muandi mu nsubu wa Yalobama.

2 Bakalenga 22:20

Nunku nenkusangishe ne bankambua bebe, wewe neubuele mu lukita luebe talalâ; mesu ebe kaena atangila malu mabi onso andi ngenzela muaba eu. Bakamanyisha mukelenge mei au.

2 Kulondolola 32:33

Hezikiya wakalala tulu ne bankambua bandi, bakamujika ku mukuna mu nkita ya bana ba Davidi; Bena Yuda bonso ne ba mu Yelushalema bakamutumbisha mu lufu luandi. Manashe muanʼandi wakakokesha mu muaba wandi.

2 Kulondolola 34:28

Mona, nenkusangishe diatshimue ne bankambua bebe, neubuele mu lukita ne ditalala; mesu ebe kaena amona malu makole andi ntuma ku muaba eu ne kudi bantu badi bashikamamu. Bakalua ne dî adi kudi mukelenge.

2 Kulondolola 35:24

Nunku bantu bandi bakamûmusha mu dikalu diandi, bakamuteka mu dikalu diandi dikuabo diakadiye nʼadi, bakaya nʼandi ku Yelushalema; yeye wakafumaku, bakamujika mu nkita ya bankambua bandi. Bena Yuda bonso ne ba mu Yelushalema bakashila Yoshiya madilu.

Misambu 12:1

Yehowa, unkuatshishe; bualu bua muntu muakane kenaku kabidi; bualu bua badi mua kueyemenyibua badi bajimina munkatshi mua bukua bantu.

Misambu 37:37

Tangila muntu udi ne mutshima mutoke bimpe, mona muntu udi muakane; bualu bua tunkanunuma netuikale kudi muena ditalala.

Yeshaya 42:25

Nunku yeye wakahumuna bukole bua tshiji tshiandi, ne bukole bua nvita hamʼbidi habo. Nvita yakabatemeshila kahia mu nseke yonso, kadi kabakajingulula bualu ebu; kahia kakabosha, kadi kabakateka bualu ebu mu mitshima yabo.

Yeshaya 47:11

Nunku makenga neakukuate, ne kuena mua kuihata ne kutempa kuebe kua mbuku; kabutu nekahone hamʼbidi bebe, kuena mumanye mua kuamusha kûdi; kubutuka nekulue kûdi lukasa kûdi kuyi mumanye mua kuehula.

Yeshaya 47:7

Wewe wakamba ne, Nengikale mukelenge mukashi tshiendelele, kadi kuakateka malu â mu mutshima webe, ne kuakelangana meji bua kunfudilu kuau.

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 22:10

Kanuashidi muntu eu mufue muadi, kanumujingi; kadi nudile bikole bua muntu udi uya kukuabo, bualu bua kena uhingana kabidi, kena umona buloba buakamulelabo.

Yezekiyele 21:3

Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Dibadika 23:10

Udi mumanye mua kubala bana ba Yakoba nganyi? udi mumanye mua kubala tshituha tshinai tshia Bena Isalele nganyi? Nfue bianyi lufu lua muntu muakane, ne kunshikidilu kuanyi kuikale bu kuandi.