Yeshaya 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

MUKANDA WA MYIDI MUKULU

⁵ Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 5:5 교차 참조

Genese 11:4

Bakambilangana ne, Tuyai kuasa musoko ne tshibumba tshile, musonga watshi neufike mulu mu matutu tuikale ne dina dia butumbi, bua katutangadiki ha buloba buonso.

Genese 11:7

Tuyai bietu hanshi, tutompakashe muaku wabo, nunku kabena mua kunvuangana muaku wabo kabidi.

Nehemya 2:3

Nakambila mukelenge ne, Mukelenge ikale biandi ne muoyo tshiendelele; meme tshiena mua kubungama munyi, bualu bua musoko udi nkita ya bankambua banyi udi muhaula ne bibi biau bidi bioshibua ne kahia?

Misambu 89:40

Wakushimbula ngumbu yandi yonso; wakubutula misoko yandi minyungulula ne ngumbu ya nvita.

Misambu 89:41

Bonso badi bahitaku mu nshila badi banyenga bintu biandi; yeye muine wakulua bu tshintu tshia bena mutumba nʼandi kuhendabo.

Nsumuinu 24:31

Monai! Buakadi ne mingonge mitoloka kuonso, buakadi tente ne mpesa, ne luhangu luabu lua mabue luakadi lushimbuke.

Muambi 3:3

tshikondo tshia kushiha ne tshikondo tshia kuondaha; tshikondo tshia kubutula ne tshikondo tshia kuibaka;

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 25:10

Bua tshianza tshia Yehowa netshikole ha mukuna eu, ne nebatuale Moaba hanshi hadiye mushikame, bu mudibo badiata bisonsa hanshi mu mai a diala dia tunvi tua bimuna.

Yeshaya 28:18

Tshihungidi tshienu ne lufu netshishihibue, ne dî dinuakuhunga ne Muaba wa Bafue kadiena dijalama; hahitshilamu tshihuhu tshidi tshihongoloka, netshinudiate hanshi.

Yeshaya 28:3

Tshifulu tshia bunfumu tshia diambu tshia bakuatshiki ba maluvu ba mu Efelayima netshidiatshibue muinshi mua makasa.

Yeshaya 32:10

Hahita tshidimu tshijima ne matuku makese ha mutu, nemuikale, nuenu badi badieyemena; bualu bua mionshi ya tumuma tua nvinyo neyihange kukuama, kuhuola kuatu kakuena kumueneka.

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 21:4

Yehowa, Nzambi wa Isalele, udi wamba ne, Tangilai, nennukudimune bielelu bia nvita bidi mu bianza bienu, binudi nuluangana nʼabi ne mukelenge wa Babulona ne Bena Kasada badi banutshintshimika ha nyima ha ngumbu yenu; nembasangishe bonso munda mua musoko eu.

Yirmeya 28:8

Baprofete bakadiku ku mpala kuanyi ne ku mpala kuebe, mu matuku a kale, bakamba mei a kuhisha nʼau bisamba bia bungi ne makelenge manene, mei a kubadimusha bua nvita, bua makenga ne bua tshihuhu.

Yirmeya 45:4

Umuambile dî edi ne, Yehowa udi wamba ne, Mona, nensasule tshintu tshinakuasa, nentule tshintu tshinakukuna; nengenze nunku mu buloba bujima.

Muadi 1:15

Mukelenge wakuyisha bena nvita banyi bakole bonso bu bantu ba hatuhu munkatshi mua musoko; yeye wakubikila tshisumbu tshia bantu bua kunduishabo, bua kubutulabo bansongalume banyi. Mukelenge wakudiata muana mukashi wa Yuda bu mudibo badiata tumuma tua nvinyo mu tshikaminu.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Muadi 4:12

Bakelenge ba ha buloba ne bantu bonso kabidi kabakitabusha ne, Mukengeshi ne muena lukuna nebabuele mu bibi bia ku Yelushalema.

Danyele 8:13

Hashishe, nakunvua mukuabo wa tshijila wakula; muibidi wa tshijila wakakonka wakadi wakula diambedi ne, Kumusha kua mulambu wa kuosha wa buatshia-buatshia, bualu bubi budi buvuisha kabutu, ne kufila kua tshitendelelu ne musumba wa mu diulu bua kudiatshibuabi muinshi mua makasa, malu â akamueneka mu tshikena kumona neikaleku musangu bule munyi?

Osheya 2:12

Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

Osheya 2:14

Nunku, mona, nemmuitabushishe, nemmulombole mu tshihela, nengambile mutshima wandi mei makane.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Didimanyisha 11:2

Tshiendelu tshidi ha bule ha ntempelo, utshishîe ha bule, kutshîdikishi nasha; bualu bua bakutshiba bisamba bia bende; ne bobo nebadiate musoko wa tshijila munshi mua makasa abo ngondo makumi anai ne ibidi.