Yeshaya 5:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bua malu â tshiji tshia Yehowa tshiakatema kudi bantu bandi, ne yeye wakolola tshianza tshiandi bua kubakuma nʼatshi, wakabatuta; mikuna yakazakala, ne bitalu biabo biakalala munkatshi mua misesu bu bintu bia kuela ku diala. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

MUKANDA WA MYIDI MUKULU

²⁵ Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yeshaya 5:25 교차 참조

1 Bakalenga 14:11

Hafua wa mu nsubu wa Yalobama mu musoko, mbua neyimudie; biafuileye mu mpata, nyunyu ya mulu neyimuzokole; bualu bua Yehowa wakuamba dî edi.

1 Bakalenga 16:4

Mbua neyidie muntu yonso wa mu nsubu wa Bâsha udi ufuila mu musoko; ne nyunyu ya mulu neyizokole muntu yonso wa mu nsubu wandi udi ufuila mu tshisuku.

1 Bakalenga 21:24

Hafua muntu wa mu nsubu wa Ahaba mu musoko, mbua neyimudileku; biafuileye mu mpata, nyunyu ya mulu neyimuzokole.

2 Bakalenga 13:3

Tshiji tshia Yehowa tshiakadi kudi Bena Isalele, yeye wakabafila mu bianza bia Hazaele, mukelenge wa Sulia, ne mu bianza bia Bene-hadada, muana wa Hazaele, tô matuku abo onso.

2 Bakalenga 9:37

ne mubidi wa Izebele newikale bu tunvi ha mutu ha buloba bua Yizelele nunku kabena mua kuamba ne, Eu udi Izebele kabidi.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Yobe 9:13

Nzambi kena ukanda tshiji tshia ndi; bakuatshishi ba Lahaba badi binama ku mpala kuandi.

Misambu 106:40

Bua malu â tshiji tshia Yehowa tshiakatemena bantu bandi bua kuba kengesha, yeye wakakenuka ba mu buhianyi buandi.

Misambu 114:7

Zakala, wewe buloba, ku mesu kua Mukelenge, ku mesu kua Nzambi wa Yakoba,

Misambu 18:7

Ka buloba buakazakala ne buakanyunga, bishimikidi bia mikuna mile biakazakala kabidi ne biakakanka, bualu bua yeye wakadi ne tshiji.

Misambu 68:8

buloba buakazakala, matutu a mu diulu akalokesha nvula hakamuenekau ku mesu kua Nzambi. Sinai au wakakanka ku mesu kua Nzambi, Nzambi wa Isalele.

Misambu 77:18

Dî dia mukungulu webe wa nvula diakadi mu nvunde, miele yebe ya nvula yakahenyina ba ha buloba. Buloba buakakanka, buakazakala.

Misambu 78:38

Kadi bualu bua yeye wakadi mûle tente ne luse, wakababuikidila tshitshu tshiabo, kakababutula. Bulelela, yeye wakakanda tshiji tshiandi misangu ya bungi, kakasonsola tshiji tshiandi tshionso nansha.

Misambu 83:10

bakashihibua ku Ene-dô, bakatua bu tunvi tua kuela ha buloba.

Ekesode 7:19

Yehowa wakela dî kudi Mose ne, Wambile Alona ne, Angata mulangala webe, olola tshianza tshiebe ha mutu ha mai a mu Ejipitu, ku mutu kua misulu yabo ne tusulu tuabo ne mashiba abo, mai onso akudimuke mashi, mashi neikale mu buloba bua Ejipitu buonso ne mu milondo ya mitshi ne mu milondo ya mabue.

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 14:19

kadi wewe wakumushibua mu majambu ebe bu muana wa kabishi udibo bahetula, udi muluatshishibue bitalu bia bantu bashihibue, bakasompolabo ne muele wa nvita, badi bahueka tô ne ku mabue a mu Tshina, bu tshitalu tshidiatshibue muinshi mua makasa.

Yeshaya 23:11

Wakuolola tshianza tshiandi ha mutu ha mai manene, wakuzakasha makelenge. Yehowa wakuela mukenji bualu bua buloba bua Kanâna, bua kubutulabo misoko yabu idi ne ngumbu ya nvita.

Yeshaya 25:11

Yeye neolole bianza biandi munkatshi mua mei â, bu mudi muombedi wa mai wolola bianza biandi bua kuombeleye; kadi Yehowa neuhuekeshe kudisua kuandi nansha bienzeye majimbu andi onso ne bianza biandi.

Yeshaya 29:2

Hashishe nentatshishe Aliele, ne madilu ne muadi nebikalemu; ne musoko eu newikale kundi bu diku dia tshioshelu.

Yeshaya 42:25

Nunku yeye wakahumuna bukole bua tshiji tshiandi, ne bukole bua nvita hamʼbidi habo. Nvita yakabatemeshila kahia mu nseke yonso, kadi kabakajingulula bualu ebu; kahia kakabosha, kadi kabakateka bualu ebu mu mitshima yabo.

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yeshaya 64:3

Hawakenza malu akatukuatshisha buowa atuakadi katuyi batekemena, wakahueka biebe, mikuna yakakanka ku mpala kuebe.

Yeshaya 66:15

Bua, monai, Yehowa nealue mu kahia, ne makalu andi a nvita neâlue bu nvunde, bua kulesheye njiya yandi ne tshiji tshikole, ne kulesheye kubela kuandi ne ndimi ya kahia.

Yeshaya 66:24

Nebaluhuke, nebatangile bitalu bia bantu bakuntombokela; bualu bua tshikusu tshiabo katshiena tshilua, kahia kabo kakena kajima, ne bobo nebikale bintu bidi bantu bonso bahetula.

Yeshaya 9:11

Nunku Yehowa wakibisha badi ne Lesine lukuna bua kuluanganabo ne Bena Isalele, wakusonsola bena lukuna babo,

Yeshaya 9:16

Balombodi ba bantu aba bakulua bahambuishi babo, ne bantu bakadibo balombela ba kuminyibua.

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:20

Mukuabo wakunyenga bintu ku luseke lua tshianza tshia balume ne wakashala ne nzala; bakuabo bakudia bintu ku luseke lua tshianza tshia bakashi, kadi kabakukuta; muntu yonso wakudia munyinyi wa muena mutumba nʼandi.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yirmeya 15:3

Yehowa udi wamba ne, Nembasunguile mishindu inai ya makenga, muele wa nvita bua kubashiha, mbua bua kubahanda, nyunyu ya mulu ne nyama ya ha buloba bua kubadia ne bua kubashiha.

Yirmeya 16:4

Bobo nebafue ne lufu lua masama mabi, bantu kabena babashila muadi ne kabena babajika; nebikale bu tunvi ha buloba. Nebashihibue ku muele wa nvita ne ku tshiole; bitalu biabo nebikale bia kudia bia nyunyu ya mulu ne bia nyama ya ha buloba.

Yirmeya 17:4

Wewe nkayebe neulekele kulama buhianyi bunakukuha; nenkuenzeshe bua wewe kukuatshila badi nʼebe lukuna mudimu mu buloba bûdi kuyi mumanye; bualu bua nsola tshiji tshianyi bu kahia kadi kosha tshiendelele.

Yirmeya 4:24

Nakamona mikuna mile; mona, yoyo yakazakala, ne mikuna mihi yakanyungakana.

Yirmeya 4:8

Bua bualu ebu nudiluatshishe ne bilulu bikayabala, asai miadi ne nudile bienu; bua tshiji tshikole tshia Yehowa katshiena tshianji kumuka kutudi.

Yirmeya 6:12

Yehowa udi wamba ne, Nsubu yabo neyifidibue kudi bakuabo, madimi abo ne bakashi babo muomumue; bualu bua nengolole tshianza tshianyi bua kukengesha ba mu buloba ebu.

Yirmeya 8:2

Nebashale ku mpala kua diba ne kua ngondo ne kua bintu bionso bia mu diulu, bintu biakanangabo ne biakakuatshilabo mudimu, ne biakalondabo ku nyima kuabi, ne biakatempabo nʼabi ne biakatendelelabo; kayena isangishibua kabidi, kabena bayijika kabidi, kadi nebayishiye hanshi ha buloba bu tunvi.

Yirmeya 9:22

Yehowa udi wamba ne, Amba biebe ne, Bitalu bia bantu nebihone hanshi mu madimi bu tunvi, ne bu mudi dianza dia maminu dimata hanshi ku nyima kua muhuodi; kakuena muntu wabisangisha.

Muadi 5:22

biwikala kuyi mutuhidie tshishiki, biwikala kuyi nʼetu tshiji tshitamba bukole.

Yezekiyele 15:6

Yehowa udi wamba ne, Bu mudi muonshi munkatshi mua mitshi ya muitu, indi nteka mu kahia bu nkunyi, nunku nakufila badi bashikame mu Yelushalema ku lufu.

Yezekiyele 30:25

Nengambule maboko a mukelenge wa Babulona mulu, kadi maboko a Palô nealembelele hanshi; nebamanye ne, Meme ndi Yehowa hanateka muele wanyi wa nvita mu bianza bia mukelenge wa Babulona, ne hawololeye ha buloba bua Ejipitu.

Yezekiyele 6:14

Nengolole tshianza tshianyi hamʼbidi habo, nembutule buloba buabo ne nembunyange, miaba yonso idibo bashikamemu, ku tshihela tô ne ku Libela. Nebamanye ne, Ndi Yehowa.

Danyele 9:16

Mukelenge, bu mudi bienzedi biebe bionso biakane udi nkusengelela ne, Tshifikʼa munda tshiebe ne tshiji tshiebe tshikole biumuke ku musoko webe Yelushalema, mukuna webe wa tshijila. Bualu bua mitu yetu ne bua malu mabi a batatuʼetu, Yelushalema ne bantu bebe biakulua tshihendu kudi bantu bonso badi batunyunguluke.

Osheya 14:4

Meme nengondahe, nenshikishe kutomboka kuabo; nembanange ne mutshima wanyi wonso; bualu bua tshiji tshianyi tshinakadi nʼatshi kudibo tshiakûmuka.

Amosa 8:8

Buloba kabuena mua kuzakala bua muanda eu, anyi? Bonso badi bashikamemu kabena mua kuasa miadi, anyi? E, buloba buonso nebubande bu mudi musulu wa Nile ubanda; nebunyungishibue, nebuhueke kabidi bu mudi musulu wa Ejipitu wenza.

Mika 1:4

Mikuna neyivingutuke muinshi mua makasa andi, bibanda nebihandike mitanta, bu dihula mu kahia, bu mai ahueka ha tshibungubungu.

Nahume 1:5

Mikuna minene idi ikanka ku mpala kuandi, mikuna mikese idi ivingutuka Buloba budi bubutuka ku mpala kuandi, buloba bujima ne bonso badi bashikamemu.

Abakuke 3:10

Mikuna yakakumona, yakadi ne didinyenga; matutu akalokeshisha nvula; ndondo wa mai wakela dî diandi, wakabandisha bianza biandi mulu.

Sefanya 1:17

Nentumine bantu makenga, nebende babubuta bu bantu bafofo, bualu bua bakuenzela Yehowa bibi. Mashi abo neahongoloke hanshi bu luhuishi, minyinyi yabo neyimashibue bu tunvi.

Dielulula 31:17

Hashishe tshiji tshikole netshinkuate dituku adi, ne meme nembalekele, nengumushe mesu anyi kudibo ne bobo nebajimishibue; ne matata ne makenga a bungi nealue kudibo; bobo nebambilangane dituku adi ne, Malu â mabi onso kaena alua kutudi bualu bua Nzambi wetu kena munkatshi muetu, anyi?

Dielulula 31:18

Meme nengumushe mesu anyi kudibo dituku adi bulelela, bua malu mabi akenzabo, hakakudimunabo mitshima yabo bua kutendelela nzambi mikuabo.

1 Tesalonike 2:16

badi batukanda bua tuetu katuakudi ne ba bisamba bia bende bua bobo basungidibue; nunku bobo badi bakumbasha mibi yabo misangu yonso; kadi hashishe tshishi tshiakafika kudibo.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.