Yeshaya 49:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Newambile badi basuika mu nkanu ne, Hatukai; newambile badi bashikame mu midima ne, Dimueneshai. Mu nshila yonso idibo baya nebikale ne bia kudia, ne ha mutu ha mikuna yonso idi kayiyi ne mashinda nehikale madimi abo a mashinda.

MUKANDA WA MYIDI MUKULU

⁹ Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Yeshaya 49:9 교차 참조

Misambu 102:20

bua kunvueye kutua kua mikemu kua bena lukanu, bua kusululeye bantu badi bamane kuhisha bua kufua,

Misambu 146:7

Udi ulumbuluila badi bakengeshibue ne kulumbulula kuakane; udi uhesha badi ne nzala bia kudia. Yehowa udi ulekesha bena lukuna;

Misambu 22:26

Badi ne mitshima mihuekele nebadie, nebûkute; badi bakeba Yehowa nebamutumbishe. Mitshima yenu ikale ne muoyo tshiendelele!

Misambu 69:33

Bualu bua Yehowa udi unvua dî dia badi bakengela bintu, kena uhetula bantu bandi badi bakuatshibue mu nkanu.

Yeshaya 41:18

Nempatule misulu ya mai mu mikuna idi kayiyi ne mai, ne mishimi ya mai munkatshi mua bibanda; nenvuishe tshihela bu kashiba ka mai, ne buloba bûme bu mishimi ya mai.

Yeshaya 42:16

Nenye ne bafofo mu nshila udibo kabayi bamanye; nembalombole mu nshila idibo kabayi bamanye; nenkudimune mîdima bu munya ku mpala kuabo, ne miaba ya bizakalabizakala bu miaba milandakane. Au mmalu andi ngenza, tshiena mpanga mua kuashikisha.

Yeshaya 42:7

bua kutabasha mesu a bafofo, bua kuhatula bena lukanu mu tshina tshia lukanu, ne bua kumusha badi bashikame mu midima mu nsubu wa lukanu.

Yeshaya 48:17

Yehowa, Muhikudi webe, Wa Tshijila wa Isalele udi wamba ne, Meme ndi Yehowa Nzambi webe, udi ukuyisha bua wewe wikale ne diakalengele, udi ukulombola mu nshila ûdi ne bualu bua kuendelamu.

Yeshaya 5:17

Hashishe, bana ba mikoko nebadieku mashinde bu muakadibo mua kudia mu budimi buabo bua mashinde, nyama idi ne manyi ne bana ba mikoko nebidie mashinde munkatshi mua bikulu.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Yeshaya 9:2

Bakadi benda mu midima bakumona munya munene; ha bantu bakadi bashikame mu buloba bua mîdima mikole hakatemena munya au.

Yezekiyele 34:23

Nenteke mulami umue ha mutu hai, yeye neayidishe, muntu wanyi Davidi mene; yeye neayidishe, yeye neikale mulami wai.

Yezekiyele 34:29

Nenyilongoluele buloba budi ne lumu lunene bualu bua kumenesha kuabu, kayena ishihibua kabidi ne nzala mu buloba abu, kayena ifiushibua bundu kabidi kudi ba mu bisamba bia bantu.

Yowele 3:18

Hashishe, mu dituku adi mikuna minene neyimatshishe nvinyo idi ne kushemakana, mikuna mikese neyihatule mabele, ne tusulu tuonso tua mu Yuda ne bile tente ne mai. Mushimi wa mai neuhatuke mu nsubu wa Yehowa, neutume mai au mu tshibanda tshia Shitima.

Lewitiki 25:54

Bikaleye kayi muhikudibue nunku, yeye neumuke halua tshidimu tshia disanka dinene, yeye ne bana bandi.

Mika 5:4

Yeye neajalame, neadishe mikoko yandi mu bukole bua Yehowa, mu butumbi hua dina dia Yehowa Nzambi wandi. Yoyi neyishikame tshiendelele, bualu bua mu tshikondo atshi yeye neikale ne butumbi tô ne kunfudilu kua buloba.

Luke 1:79

Bua kutokeshela badi bashikame mu mîdima ne mu dileshi dia lufu, Ne bua kuendesha makasa etu mu nshila wa ditalala.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Yowanane 10:9

Meme ndi mushiku wa mbelu; wabuela kundi, neasungidibue, neabuele, neahatuke, neahete mashinde.

Yowanane 8:12

Yesu wakabambila kabidi ne, Ndi munya wa ba ha buloba; wandonda kena wendakana mu mîdima, kadi neikale ne munya wa muoyo.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Efeze 5:14

Bua bualu ebu Nzambi udi wamba ne, Tabala, wewe udi mulale tulu, Bika ku lufu, Ne Kilisto neakutemene.

Efeze 5:8

Diambedi nuakadi midima, kadi katataka nudi munya mu Mukelenge; endai bienu bu bana ba munya

Dielulula 32:13

Yeye wakamubandisha ha mutu ha miaba mile ya ha buloba, wakadia bintu biakaboba mu madimi, wakamunuisha buitshi buakadi mu mabue, ne manyi akadi mu mabue makole;

Kolose 1:13

Nyeye wakatuhandisha ku bukokeshi bua mîdima, wakatubuesha mu bukelenge bua Muana wa dinanga diandi,

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.