Yeshaya 48:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Wewe wakumpa bualu ebu; mona bualu ebu buonso; ne nuenu, nuenu mene kanuena numanyisha bantu ne, Buakushika, anyi? Ku tshikondo etshi tô ne ku mpala ndi nkulesha malu mahia-mahia, malu masokoka mene, audi kuyi muanze kumanya.

MUKANDA WA MYIDI MUKULU

⁶ Nuenu nuvua bumvue tshimvua mudianze kuamba. Nudi bajadike mpindiewu ne: bionsu bivua amu bikumbane mumvua muambe. Kabiena nanku anyi? Ndi nshima anyi? Kadi bituadije ku lelu, ndi nnumanyisha malu mapiamapia, amvua mulame munda, audi kuyi muelele meji.

Yeshaya 48:6 교차 참조

Misambu 107:43

Udi ne meji adimuke biandi bua malu â; bantu belangane meji a luse lujalame lua Yehowa.

Misambu 119:13

Mishiku yanyi idi ilondela bantu kulumbulula kuonso kua mukana muebe.

Yeshaya 21:10

Ke, wewe muntu wanyi mushihudibue, ne muana wanyi wa tshishihuidi! Mei anakunvua kudi Yehowa wa misumba, Nzambi wa Isalele, au mmei anakukuambila.

Yeshaya 42:20

Wewe wakumona malu a bungi, kadi kuena wabuesha mu mutshima; matshu ebe adi majibuke, kadi kuena unvua bimpe.

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Yeshaya 42:9

Monai, malu a diambedi akumana kulua, ndi nnuambila malu mahia-mahia; ndi nnuambila malu â diambedi kayi manji kumueneka.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yeshaya 48:7

Akufukibua katataka, kemu bidimu bia kale nansha; ku mpala kua difuku edi kuakanza kunvua lumu luau, bua wewe kuambi ne, Bulelela, nakuamanya.

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Yirmeya 50:2

Ambai dî edi munkatshi mua bisamba bionso, nubamanyishe lumu elu, bandishai dibendela, ambilai bantu dî edi, kanusokoki dî dimue; ambai ne, Bakuhita Babulona bukole, Bele udi mufuishibue bundu, Melodaka udi mushimbula, bintu biandi bidibo basonga bidi bifuishibue bundu, mpingu yandi idi mitambibue bukole.

Amosa 3:6

Bielabo mpungi wa nvita mu musoko, bena musoko kabena bakuatshika buowa, anyi? Bualu bubi budi bukuata musoko, bikala Yehowa kayi mubutume, anyi?

Mika 6:9

Dî dia Yehowa didi diedibua mu musoko, muena meji neatshine dina diandi.

Matayi 10:27

Nuambe mu munya malu andi nuambila mu mîdima; nuambe ha mitu ha nsubu malu anudi nunvua mu matshu.

Yowanane 15:15

Tshiena nubikila kabidi bahika; bualu bua muhika kena mumanye budi mukelenge wandi wenza; kadi nakunubikila balunda; bualu bua nakunumanyisha malu onso anakunvua kudi Tatu wanyi.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

1 Korente 2:9

Kadi bu muakafundabo ne, Malu adi disu kadi dianze kutangila, ne ditshu kadi dianze kunvua, Adi kâi manze kubuela mu mutshima wa muntu, Malu onso akalongoluela Nzambi badi bamunanga.

Didimanyisha 1:19

Nunku, ufunde malu awakatangila, ne malu adiku, ne malu adi amba kulua ku nyima kuau:

Didimanyisha 4:1

Ku nyima kua malu â nakatangila, ne mona, tshibi tshiakadi tshiunzuluke mu diulu, ne dî dia kumudilu dinakunvua diakadi bu dia mpungi diakula neanyi, diamba ne, Ubande biebe kunu, ne nenkuleshe malu adi ne bua kulua ku nyima kua malu â.