Yeshaya 48:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

MUKANDA WA MYIDI MUKULU

¹ Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yeshaya 48:1 교차 참조

Genese 32:28

Yeye wakamuambila ne, Kababikidi dina diebe ne Yakoba kabidi bakubikile dina ne Isalele bualu bua wewe wakuluangana ne Nzambi ne bantu, wakahatula bukole.

Genese 35:10

Nzambi wakamuambila ne, Dina diebe nYakoba, kabakubikidi ne Yakoba kabidi, nebakubikile ne, Isalele.

2 Bakalenga 17:34

Nunku tô ne ku dituku edi badi benza bu muakenzabo diambedi: Kabena batshina Yehowa, kabena batumikila mikandu ne mei ne mikenji biakambila Yehowa bana ba Yakoba bakidikeye ne, Bena Isalele.

2 Bakalenga 5:20

Kadi Gehazi, muena mudimu wa Elisha, muntu wa Nzambi, wakamba ne, Mukelenge wanyi wakafuka Nâmana, Muena Sulia, luse, hakabengeye kuangata bintu biakalueye nʼabi; bu mudi Yehowa ne muoyo, nemmulonde, nengangate bintu kudiye.

Misambu 63:11

Kadi mukelenge neusanke mu Nzambi. Muntu yonso udi uditshiha mu dina dia Nzambi neatumbilemu; bualu bua mukana mua badi bamba mei a mashimi nemubuikidibue.

Misambu 66:3

Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

Misambu 68:26

Bimba ne, Vudishilai Nzambi disanka mu masangisha a bantu; vudishilai Mukelenge disanka, nuenu mushimi wa mai wa Bena Isalele.

Misambu 68:27

Ka Benyamina mukese udiku, mukokeshi wabo; bakokeshi ba Yuda mu tshisumbu tshiabo tshinene, bakokeshi ba Zebuluna ne bakokeshi ba Nafatale badiku.

Ekesode 23:13

Nudimuke mu malu onso anakanuambila, kanuambilanganyi dina dia nzambi mikuabo, bantu bakuabo kabunvu dina adi mukana muebe.

Nsumuinu 5:16

Mishimi yebe ya mai idi ne bua kumuangalashibua mu muaba wa ha bule, anyi? Tusulu tuebe tua mai tudi ne bua kuhueka mu misesu, anyi?

Yeshaya 26:13

Yehowa Nzambi wetu, bakelenge bakuabo bakadi kabayi bu wewe bakutukokesha; kadi bua dikuatshisha diebe nkayadi netutumbishe dina diebe.

Yeshaya 44:5

Mukuabo neambe ne, Meme ndi muntu wa Yehowa; mukuabo neadidike ku dina dia Yakoba; mukuabo neafunde ha tshianza tshiandi ne, Ntshia Yehowa, neabikile dina diandi dibidi ne, Isalele.

Yeshaya 45:23

Nakuditshiha mu dina dianyi nkayanyi, dî diakane diakuhatuka mukana muanyi, kadiena dihingana: Diamba ne, Tshinu tshionso netshintuile hanshi, ludimi luonso neluditshihe,

Yeshaya 46:12

Nuenu, badi ne mitshima idi ne tshitshu, badi bashilangana ne buakane kule, telejai matshu enu kundi.

Yeshaya 51:1

Telejai matshu enu kundi, nuenu badi balonda buakane, nuenu badi bakeba Yehowa. Tangilai ku dibue kuakanuhandabo, ne ku tshina tshia mabue kuakanumbulabo.

Yeshaya 51:2

Tangilai kudi Abalahama tatu wenu, ne kudi Sala wakamuela; bualu bua hakadiye ha nkayandi nakamubikila, nakamuvudishila disanka, nakamuvudisha bua ikale bantu ba bungi.

Yeshaya 58:2

Kadi badi bakeba lungenyi kundi ku dituku ku dituku, badi ne disanka bua kumanyabo nshila yanyi, bu mudi bantu badi benza malu adi makane, ne badi kabayi balekela kulonda mikenji ya Nzambi wabo benza; badi bandomba mikenji idi mua kuyuisha buakane, badi basanka bua kusemena ha buihi ne Nzambi.

Yeshaya 62:8

Yehowa wakuditshiha ku tshianza tshiandi tshia balume, ne ku diboko diandi dikole ne, Bulelela, tshiena nfila maminu ebe kabidi bu bia kudia kudi badi nʼebe lukuna; ne bantu ba bende kabena banua nyinyo webe muhia-muhia uwakukuatshila mudimu.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

Yeshaya 65:16

Nunku muntu udi udivudishile disanka mu buloba neadivudishile disanka mu Nzambi wa bushuwa, ne muntu udi uditshiha mu buloba neaditshihe mu Nzambi wa bushuwa; bualu bua makenga a diambedi adi akuata tshihua muoyo, ne bualu bua adi masokoka ku mesu kuanyi.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Yirmeya 44:26

Nunku unvuai dî dia Yehowa, nuenu ba mu Yuda badi bashikame mu buloba bua Ejipitu! Yehowa udi wamba ne, Monai, meme nakuditshiha mu dina dianyi dinene ne, Kabena batela dina dianyi kabidi mukana mua muntu munkatshi mua Bena Yuda badi mu buloba buonso bua Ejipitu, wamba ne, Bu mudi Mukelenge Yehowa ne muoyo.

Yirmeya 5:2

Nansha biaditshihabo ne, Bu mudi Yehowa ne muoyo, badi baditshiha ne mashimi.

Lewitiki 19:12

Kanuditshihi ne mashina ne dina dianyi, kanutedi dina dianyi tshitelatela, meme ndi Yehowa.

Mika 2:7

Nebamanye mua kunukonka, nuenu Bena Yakoba, ne, Nyuma wa Nzambi kena ne lutulu, anyi? Ebi mbienzedi biandi, anyi? Mei andi kaena alengesha muntu udi wenda mu buakane, anyi?

Sefanya 1:5

ne badi batendelela bintu bia mu diulu ha mitu ha nsubu yabo; badi batendelela ne badi baditshiha kudi Yehowa, ne badi baditshiha kudi Milekoma diatshimue.

Zekâya 5:3

Ahu yeye wakangambila ne, Eu udi mulau udi utangalaka ha buloba buonso. Bualu bua muntu yonso udi wiba neumushibue ku luseke elu bu mudiu wamba; ne muntu yonso udi uditshiha ne mashimi neumushibue ku luseke alu bu mudiu wamba.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Dibadika 24:7

Mai adi aluhuka mu milondo yandi, bana bandi nebikale munkatshi mua mai a bungi, mukelenge wandi neahite Agaga bunene, bukelenge buandi nebutumbishibue.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

Yowanane 1:47

Yesu wakatangila Natanaele ulua kudiye, wakamuamba ne, Tangilai, yeye udi Muena Isalele bulelela, udi kai ne lubombo.

Yowanane 4:24

Nzambi udi Nyuma; budi bamutendeledi nʼabu mbua kumutendelela mu nyuma ne mu bulelela.

Rome 2:17

Kadi biwikala muidike ne, Muena Yuda, udi weyemena mikenshi, udi uditumbisha bua Nzambi,

Rome 9:6

Kadi bualu ebu kabuena bulesha ne, Dî dia Nzambi diakuhanga. Bualu bua bonso ba mu Isalele kabena Bena Isalele bulelela, ne buonso buabo kabena bana bandi:

Rome 9:8

Nunku, kembana badi baledibua ku mubidi badi bana ba Nzambi, kadi bana ba mulayi badi babadibua bu tunkanunuma.

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Dielulula 33:28

Isalele udi ushikama biandi talalâ, mpokolo wa Yakoba udi ha nkayandi mu madimi a blé ne a nvinyo mihia-mihia: ne matutu andi adi amatshisha dibungi.

Dielulula 5:28

Yehowa wakunyua mei enu hanuakadi basombe nʼanyi; ne Yehowa wakangambila ne, Nakunvua mei a bantu aba, akukuambilabo; mei onso akuambabo adi mimpe.

Dielulula 6:13

Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

1 Timote 4:2

bualu bua lubombo lua bantu badi bamba mei a mashimi, badi boshibua mu muoyo-mukese wabo ne tshiamu tshibia ne kadilu.

Didimanyisha 2:9

Ndi mumanye dikenga diebe ne buhele buebe (kadi wewe udi mubanshi) ne bihendu bia badi badiamba ne, Tudi Bena Yuda, ne kabena Bena Yuda; kadi badi nsunagoga wa Satana.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.