Yeshaya 47:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nakadi ne bantu banyi tshiji, nakanyanga buhianyi buanyi, nakabafila mu tshianza tshiebe; wewe kuakabafuila luse; wakuteka mutshi webe wa tshikokedi ha nshingu ya bantu banunu, wakubanemeshila bujitu.

MUKANDA WA MYIDI MUKULU

⁶ Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 47:6 교차 참조

2 Samuele 24:14

Davidi wakambila Gada ne, Ndi munkatshi mua malu manene: tuhone mu bianza bia Yehowa, bualu bua luse luandi ludi lunene; tshihonyi mu bianza bia bantu.

2 Kulondolola 10:11

Tatuʼanyi wakavudisha tshikokedi tshienu, kadi meme nenkumbashe bintu ha mutu hatshi; tatuʼanyi wakanukengesha ne nsokotshi, kadi meme nennukengeshe ne tuminyiminyi.

2 Kulondolola 28:9

Kadi muprofete wa Yehowa wakadiku, dina diandi Odede; yeye wakaya kusangakena ne tshisumbu tshia bantu bakadi bahingana ku Samalea, wakabambila ne, Monai, bualu bua Yehowa, Nzambi wa bankambua benu, wakadi ne Bena Yuda tshiji, yeye wakabafila mu bianza bienu, nuenu nuakabashiha ne tshiji tshikole tshiakafika tô ne mu diulu.

2 Kulondolola 36:17

Nunku yeye wakatuma mukelenge wa Bena Kasada bua kuluanganeye nʼabo, bakashiha bansongalume babo ne muele wa nvita mu muaba wabo wa tshijila; kabakafuila bansongalume ne bansongakashi bakatshidi kamama nansha bantu banunu bakoke luse; wakabafila bonso mu bianza biandi.

2 Kulondolola 36:20

Bakaya ne bantu bakahanduka ku muele wa nvita ku Babulona; bakadi bahika ba mukelenge ne ba bana bandi tô ne hakalua bukelenge bua Pelasa;

Ezela 5:12

Kadi hakafuisha bankambua betu Nzambi wa mu diulu tshiji, yeye wakabafila mu bianza bia Nebukadenesâ, Muena Kasada, mukelenge wa mu Babulona, nguakahaula nsubu eu ne nguakaya ne bantu aba mu Babulona.

Misambu 69:26

Bualu bua badi bakengesha muntu uwakukuma; badi bambila bantu bua dikenga dia bawakutaha mputa.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 13:16

Nebele bana batekete ba bantu aba hanshi, babahanda nseke ku mesu kuabo; nebahaule nsubu yabo, nebakuate bakashi babo ku bukole.

Yeshaya 14:17

Eu nyeye wakavuisha buloba bu tshihela, wakabutula misoko yabu, wakahidia kulekela bena lukanu hua kuhinganabo kuabo, anyi?

Yeshaya 14:6

bakadi bakuma bantu mu tshiji tshiabo, babakuma ne mikumu yakadi kayiyi ne ndekelu, bakadi bakokesha ba mu bisamba bia bantu ne luonji, babakengesha ne dikenga diakadi muntu kayi mua kukanda.

Yeshaya 43:28

Nunku nakubihisha bakokeshi bebe bakujidikabo kundi; nakujidila Yakoba bua kuikaleye tshintu tshia kubutula, ne Isalele bu tshintu tshia kuhendabo.

Yirmeya 50:42

Badi batubula buta ne difuma, badi ne lukinu ne kabena ne luse. Dî diabo didi dikungula bu tshiona tshia mai manene; badi babanda ha nyima ha tubalu, buonso buabo badi badilongolola mu mualu wa nvita bu muntu umue bua kuluangana nʼebe, wewe muana mukashi wa Babulona.

Muadi 1:14

Mibi yanyi yakusuikibua bu mutshi wa tshikokedi; tshianza tshiandi tshiakuyisuika ha nshingu hanyi; yeye wakutekesha hukole buanyi. Mukelenge wakunfila mu bianza bia bantu bandi tshiyi mumanye mua kuluisha.

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Muadi 2:2

Mukelenge wakubutula nsubu yonso ya Yakoba, kayi uyilesha luse; mu njiya yandi wakushimbula miaba ya muana mukashi wa Yuda yakadi minyunguludibue ne ngumbu; wakuyuhula hanshi, wakunyangisha bukelenge ne bakokeshi babu.

Muadi 4:16

Tshiji tshia Yehowa tshiakubamuangalasha; yeye kena ubatangila kabidi; kabakunemeka bakuidi babo, kabakulesha bakulu kanemu.

Muadi 5:12

Badi balembeleshe bakokeshi kulu bakudika ku bianza biabo; kabena banemeka bakulu.

Yezekiyele 24:21

Ambila ba mu tshisamba tshia Bena Isalele ne, Mukelenge Yehowa udi wamba ne, Monai, nenyange muaba wanyi wa tshijila, muaba udi butumbi bua bukole buenu, udi usankisha mesu enu, udi mitshima yenu manga; ne bana benu ba balume ne bana benu ba bakashi banuakashiya ku nyima kuenu nebashihibue ku muele wa nvita.

Yezekiyele 28:16

Bualu bua divudisha dia bungendʼa mushinga buebe mutshima webe wakula tente ne ditomboka, ne wewe wakahona mu bubi. Bua muanda eu nakakuihata mu mukuna wa Nzambi bu tshintu tshia tshihendu kudi Nzambi, ne mukeluba, wakadi mulami wa budimi, wakakuihata bua wewe kuikadi munkatshi mua mabue adi akenka ne kahia.

Obadya 1:10

Bua tshimbambila tshiwakenzela muanʼenu Yakoba, bundu nebukukuate, ne neubutudibue tshiendelele.

Obadya 1:16

Bu munuakunua makenga ha mukuna wanyi wa tshijila, ba mu bisamba bionso bia bantu nebânue habo tshiendelele, e, nebanue, nebamine, nebikale bu bantu badi kabayi banze kuikalaku.

Zekâya 1:12

Ha diba adi muanjelo wa Yehowa wakamba ne, Yehowa wa misumba, musangu neulehe bule munyi bua wewe kufuila ha mu Yelushalema ne ba misoko ya mu Yuda luse, hawakakuatshila tshiji bidimu ebi bionso makumi muanda mutekete?

Zekâya 1:15

Ntshidi ne tshiji tshikole kudi bisamba bidi bishikame tshianana bualu bua hanakadi ne tshiji tshikese, malu mabi akatshibandisha.

Matayi 7:2

Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Dielulula 28:50

badi ne luonji ku mpala kuabo, kabena banemeka bantu banunu, kabena ne luse kudi bana batekete;

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.