Yeshaya 47:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ushikame muhuwe, buela mu midima, wewe muana mukashi wa Bena Kasada; bualu bua kabena bakubikila kabidi ne, Mukelenge mukashi wa makelenge.

MUKANDA WA MYIDI MUKULU

⁵ Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yeshaya 47:5 교차 참조

Misambu 31:17

Yehowa, kuitabushi bua meme kufuishibua bundu, bualu bua ndi nkubikila. Bantu babi bafuishibue bundu, bahueke, babuwe talalâ, mu Muaba wa Bafue.

Misambu 46:10

Imanai talalâ, numanye bienu ne, Meme ndi Nzambi. Nentumbishibue munkatshi mua bisamba bia bantu, nentumbishibue ha buloba.

Yeshaya 13:10

Bualu bua mitoto ya mu diulu ne bisumbu bia mitoto bidimu kabiena bitema, diba nedifikuluke habandadi, ne ngondo kena ukenka ha buloba.

Yeshaya 14:23

Yehowa wa misumba udi Wamba ne, Nenvuishe musoko eu muaba wa nkese ne muaba wa bintampi. Nenkombemu ne lukombo lua kubutula nʼalu.

Yeshaya 14:4

neubange kuimba musambu eu wa kutshimbisha nʼau mukelenge wa mu Babulona. Newambe biebe ne, Mona mudi mutukengeshi muholeshibue, ne mudi tshiji tshiandi tshiakudibandisheye nʼatshi tshihuwishibue!

Yeshaya 21:9

Ne mona, tshisumbu tshia bena tubalu tshidi tshilua, babandi ha nyima ha tubalu benda ku babidi ku babidi! Yeye wakampingishila dî ne, Babulona wakûhuka, wakûhuka; mpingu yonso ya nzambi yabo yakutshibuka bituha bituha, yakuhona hanshi ha buloba.

Yeshaya 23:2

Nuikale bu tumama, nuenu badi bashikame ku muelelu wa mai manene, nuenu bangendʼa mushinga ba ku Sidona, bakahita ha mutu ha mai manene, bakendulukila mushinga ha mutu ha mai a bungi;

Yeshaya 47:1

Hueka biebe, ushikame mu dinfuenkenya, wewe, Babulona, muana mukashi utshidi kamama; shikama hanshi ha buloba kuyi ne nkuasa wa bukelenge, wewe muana mukashi wa Bena Kasada! Bua kabena bakubikila kabidi nej Mutekete ne mulengele.

Yeshaya 47:7

Wewe wakamba ne, Nengikale mukelenge mukashi tshiendelele, kadi kuakateka malu â mu mutshima webe, ne kuakelangana meji bua kunfudilu kuau.

Yirmeya 25:10

Nembumushile dî dia tuseku, dî dia disanka, dî dia mubaki wa mukashi ne dia mukashi muena dibaka, ne tshiona tshia mabue a mpelu ya blé ne dinkenke dia muinda.

Yirmeya 8:14

Tudi bashikame hanshi bua tshinyi? Tudisankishe hamue, tubuele mu misoko idi ne ngumbu, tufuilemu; bualu bua Yehowa Nzambi wetu wakutuhisha bua tuetu kufua, wakutunuisha mai adi ne lulengu bua tuetu kunua, bualu bua tuakuenzela Yehowa bibi.

Muadi 1:1

Monai musoko wakadi tente ne bantu mudiu mushale mutuhu! Wowo wakadi munene munkatshi mua bisamba bia bantu wakulua bu mukashi wa mu lufuila! Yeye wakadi mukelenge mukashi munkatshi mua misoko mikuabo ya buloba ukadi uyilambula!

Muadi 2:10

Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Abakuke 2:20

Kadi Yehowa udi mu ntempelo wandi wa tshijila; ba ha buloba bonso bahuwe ku mpala kuandi!

Zekâya 2:13

Huwai ku mpala kua Yehowa, nuenu bonso ba ha buloba; bualu bua yeye wakatabala mu muaba wandi wa tshijila.

Yuda 1:13

badi mavuala makole a mu mai manene adi enza ntutu ya malu abo mine a bundu; badi mitoto idi yendakana mulu, yakatekelabo bufike bua mîdima tshiendelele.

Didimanyisha 17:18

Ne mukashi uwakatangila udi musoko munene udi ukokesha ku mutu kua bakelenge ba ha buloba.

Didimanyisha 18:7

Bu muakaditumbisheye ne muakadinemesheye, bu nunku kabidi munuhe makenga ne madilu; bualu bua yeye udi udiamba mu mutshima wandi ne, Ndi mushikame mukelenge mukashi, tshiena mukashi wa mu lufuila, ne tshiena ntangila madilu tô kashidi.

1 Samuele 2:9

Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.