Yeshaya 47:2 - Mukanda wa Nzambi Dihungila Dikulukulu ne Dihungila Dihia-dihia 2003

² Angata mpelu ya mabue, hela nʼai bukula; umushe tshilulu tshidi tshikudika ku mpala, uvule tshilulu tshiebe tshile hamʼbidi hebe, uvule tshilulu tshia ku mikolo yebe, uhitshile mu misulu.

MUKANDA WA MYIDI MUKULU

² Angata mabue abidi a kupela nawu, upele bukula. Umbushe tshilamba tshidi tshikubuikila mpala. Ubandishe muntumpu uudi muele, uleje bantu mikolu yebe, bua umone mua kusabuka musulu.

Yeshaya 47:2 교차 참조

Genese 24:65

Yeye wakakonka muhika ne, Eu mulume kai udi wendakana mu budimi bua kusambakana nʼetu? Muhika wakamukudimuna dî ne, Nyeye mukelenge wanyi Lebeka wakangata tshilulu tshikudika, wakatshiteka ku mishiku yandi.

1 Kulondolola 19:4

Nunku Hanuna wakakuata bantu ba Davidi, wakababeya nsuki, wakabakosa bilulu biabo hankatshi ku mataku abo mene, wakabihata.

Yobe 31:10

nunku, mukashi wanyi ahelele bakuabo bukula, ne bakuabo bantu bamuinangile mu mutu!

Ekesode 11:5

banʼa bute bonso ba mu buloba bua Ejipitu nebafue, ku muanʼa bute wa Palô udi ushikama ha nkuasa wandi wa bukelenge tô ne kudi muanʼa bute wa mukashi udi uhela manvua andi, banʼa bute ba bimuna bionso nebafue kabidi.

Muambi 12:4

ne bibi bionso bia ku misesu bidi binshila; tshiona tshia dihela dia manvua tshidi tshitekete; muntu neajuke anu bua muadi wa nyunyu; bana ba bakashi bonso, bimbi ba misambu, nebahungile;

Yeshaya 20:4

nunku mukelenge wa Ashû neaye kuabo ne bantu badiye mukuate mu Ejipitu ne badiye mumushe mu Atiopa bua kubalela kule, bana ne bakulumpe diatshimue, bikale butaka ne kabayi ne hisabata, kabayi ne bilulu bia kubuikila ku mataku abo, bua kufuisheye ba mu Ejipitu bundu.

Yeshaya 3:17

nunku Mukelenge neameneshe nsudi ha mbombo ya mitu ya bana bakashi ba mu Siona, Yehowa neabavule bilulu biabo bua kusokolola butaka buabo.

Yeshaya 3:23

ndimuenu ya kukuata ku bianza, bilulu bia mushinga mukole bia lin, bifulu ne bilulu bia kubuikila ha mpala.

Yeshaya 32:11

Hampakanai ne buowa, nuenu bakashi badi banema; zakalai, nuenu badi kabayi ne ntatu; nuvule bilulu bienu, nushale butaka; nudijingile bilulu bikayabala mu bimono bienu.

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yirmeya 13:26

Nunku nenkuvule bilulu ku mesu kuebe, bundu buebe nebumueneke.

Yirmeya 25:10

Nembumushile dî dia tuseku, dî dia disanka, dî dia mubaki wa mukashi ne dia mukashi muena dibaka, ne tshiona tshia mabue a mpelu ya blé ne dinkenke dia muinda.

Yirmeya 27:7

Ba mu bisamba bionso nebamukuatshile mudimu ne muanʼandi mulume, muana wa muanʼandi mulume, tô ne hakumbana tshikondo tshia buloba buandi bua kufuabu; hashishe ba mu bisamba bia bungi ne bakelenge banene nebamuvuishe biandi muhika wabo.

Muadi 5:13

Bansongalume badi benza mu dimu wa kuhela blé ha dibue, batshidi bana badi balenduka bua bujitu bua nkunyi.

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Mika 1:11

Hita biebe, muana mukashi udi mushikame butaka, udi mufuishibue bundu mu musoko wa Shafila. Muana mukashi wa mu musoko wa Sânana kena muanji kuluhukamu. Muadi wa Bete-esele neunuhumbishe bua kuimana hehi nʼandi.

Matayi 24:41

bakashi babidi nebikale bahela, nebangate mukuabo, nebashîe mukuabo.

Luke 17:35

Bakashi babidi nebikale bahela; nebangate munga, nebashie mukuabo. [

1 Korente 11:5

Kadi mukashi yonso udi utendelela anyi udi wambila bakuabo dî dia Nzambi ne mutu wandi kawi mubuikila, udi uhuekesha butumbi bua mutu wandi; bualu ebu budi muomumue ne yeye muikale ne mutu wandi mubeya.

Balombodi 16:21

Bena Peleshete bakamukuata, bakatunyina mesu andi, bakahueka nʼandi ku Gaza, bakamusuika ne nkanu ya tshiamu tshia mitaku; yeye wakadi uhela mu nsubu wa lukanu.