Yeshaya 47:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku makenga neakukuate, ne kuena mua kuihata ne kutempa kuebe kua mbuku; kabutu nekahone hamʼbidi bebe, kuena mumanye mua kuamusha kûdi; kubutuka nekulue kûdi lukasa kûdi kuyi mumanye mua kuehula.

MUKANDA WA MYIDI MUKULU

¹¹ Nenku, makenga neakukuate, audi kuyi mua kuepuka. Kabutu nekapone pambidi pebe, kaudi kuyi mua kunyema. Mvula wa tshipupu neakutokele diakamue, uudi kuyi muelele meji.

Yeshaya 47:11 교차 참조

Nehemya 4:11

Bakadi nʼetu lukuna bakamba ne, Kabena bamanye bualu, kabena batutangila tô ne hatuamueneka munkatshi muabo bua kubashiha ne bua kubalekesha mudimu.

Misambu 35:8

Dibutuka dimukuate mu mpukahuka; bukuondo buandi buasokokeye bumukuate yeye muine; abuele biandi mu dibutuka adi mene.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 55:15

Dibutuka dikuluke hamʼbidi habo, bahueke biabo ne muoyo tô ne ku Muaba wa Bafue, bualu bua malu mabi adi mu nsubu yabo ne munkatshi muabo.

Misambu 73:19

Mona mudibo babutuke kabutu mu katuha ka diba! Badi bajimishibue tshiendelele ku buowa bua bungi.

Nsumuinu 13:21

Diakabi didi dilonda benji ba malu mabi, kadi diakalengele didi difutu dia bantu bakane.

Yeshaya 13:6

Asai muadi! Bualu bua dituku dia Yehowa didi ha buihi; nedilue bu kubutuka kudi kufuma kudi Nzambi wa Bukole Buonso!

Yeshaya 29:5

Kadi tshisumbu tshia badi nʼebe lukuna netshikale bu dinfuenkenya dibotesha, tshisumbu tshia badi bakuatshisha bantu buowa netshikale bu bisote bidi bihehuka kudi luhehele. Bulelela, bualu ebu nebumueneke lubilu, mu kubunya kua disu:

Yeshaya 30:13

nunku bualu bubi ebu nebuikale kunudi bu mutanta wa mu lumbu lule udi uhuekahuekamu, utantakana tô ne lushimbuka lumbu, ne dishimbuka dialu didi difika lukasa, mu katuha ka diba mene.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 45:7

Ndi ngenza munya, ndi nfuka midima kabidi; ndi nvuisha ditalala, ndi nvuisha makenga; meme ndi Yehowa udi wenza malu â onso.

Yeshaya 47:9

Kadi malu â abidi neakukuate mu tshituha tshia diba tshia dituku dimue, lufu lua bana, ne lufu lua bayebe diatshimue; mu tshiuwidi tshiau tshionso malu â nealue kûdi munkatshi mua bungi bua malu ebe a buloshi, ne malu a bungi a kulowa kuebe.

Yeshaya 48:8

Bushuwa, wewe kuena munvue, kuena mumanye malu â, ne tô ne ku mpindiu matshu ebe kakanza kujikuka. Bualu bua nakamanya ne wewe udi utamba kuikala muena bunsonge, ne wakamanyibua bu muntombokedi katshia bakulela.

Yeshaya 57:1

Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

Yirmeya 51:29

Buloba budi buzakala, budi ne dikenga, bualu bua malu adi Yehowa muhangidishe bua kuenzela Babulona adi majalame, bua kuvuisheye buloba bua Babulona bu tshikisu, kakuyi muntu mushikamemu to.

Yirmeya 51:43

Misoko yabo yakushala bikulu, buloba bûme, ne tshihela tshia lusenga, buloba budi kabuyi ne bantu bashikamemu, budi kabuyi ne muana wa muntu uhitshilamu kabidi.

Yirmeya 51:8

Babulona wakushimbuka lukasa, wakubutudibua, numuashile muadi! Numuangatshile buanga bua kulaba ha mputa handi; bumue disama diandi nedishihe.

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Yezekiyele 7:26

Kubutuka nekulonde ha nyima ha kubutuka kukuabo, ne lumu nelulonde ha nyima ha lumu lukuabo; nebakebe tshikena kumona kudi muprofete, kadi diyisha dia mikenji kudi muakuidi nedishike, ne bakulu kabena bikala ne bukole bua kulesha bakuabo meji.

Matayi 18:34

Mukelenge wandi wakadi ne tshishi; wakamufila mu bianza bia bakengeshi ne, Ashalemu tô ne hafuteye dibanza dionso.

Luke 12:59

Ndi nkuambila ne, Kuena uluhukamu tô ne hawafuta dibanza dionso, nasha kakuta kakese kushala.

Luke 17:27

Bakadi badia, bakadi banua, bakadi babaka, bakadi babakibua tô ne hakalua ditutu diakabuela Noa mu buntu bunene, hakalua mai a bungi, hakafuabo buonso buabo.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.