Yeshaya 40:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

MUKANDA WA MYIDI MUKULU

² Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 40:2 교차 참조

Genese 34:3

Mutshima wandi wakalamata Dina, muana mukashi wa Yakoba, yeye wakananga nsongakashi eu, wakamuambila mei a kalolo.

2 Kulondolola 30:22

Hezikiya wakasamba Bena Lewi bonso bakadi ne meji makane mu mudimu wa Yehowa. Nunku bakadia bidia abi matuku muanda mutekete, bafile milambu ya kuosha ne milambu ya kuvuisha nʼai ditalala, batonde mibi yabo kudi Yehowa, Nzambi wa bankambua babo.

Misambu 32:1

Disanka didi kudi muntu udi ne ditomboka diandi diumushibue, ne udi ne bubi buandi bubuikidibue!

Misambu 85:3

Wakumusha njiya yebe yonso, wakadikudimuna bua wewe kuikadi ne tshiji tshiebe tshidi tshitema.

Ekesode 22:3

Biamukuatabo mu munya, nebamusombuele, yeye neahingashe bintu, ne bikaleye kayi ne bintu, nebamuhane bua buibi buandi.

Muambi 3:4

tshikondo tshia kudila ne tshikondo tshia kuseka; tshikondo tshia kuasa madilu ne tshikondo tshia kuja maja;

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 14:3

Hashishe, mu difuku adi hakukuha Yehowa dikisha ku dikenga diebe ne ku malu akadi akutatshisha ne ku mudimu mukole wakakuenzeshabo ku bukole,

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yeshaya 33:24

Muena musoko kena wamba ne, Ndi ne disama, bantu badi bashikamemu nebikale ne mihi yabo mijimishibue.

Yeshaya 35:4

Nuambile badi ne mitshima ikuma lubilu lubilu ne, Nuikale bakole, kautshinyi! Monai, Nzambi wenu udiku! Nealue ne disombuela, nealue ne ditutu dia Nzambi dia kunufuteye; nealue bua kunusungila.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yeshaya 49:25

Kadi Yehowa udi wamba ne, E, nebanyenge muena bukitu bantu badiye ukuata mu nvita, nebahandishe badi muena tshinyangu ukuata. Bualu bua nenfuilangane ne muntu udi ufuilangana nʼebe, nensungile bana bebe.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.

Yeshaya 53:5

Kadi bakamutaha mputa bua mibi yetu, bakamukuma bua malu mabi etu; dikenga didi divuisha ditalala dietu diakadi hamʼbidi handi, ne tuakukoleshibua ku mibundabunda yandi.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Yeshaya 54:15

Mona, biakutekela muntu diyoyo, kadiena difuma kundi; muntu yonso udi ukulekela diyoyo neabutuke bua bualu buebe.

Yeshaya 54:17

kakuena tshielelu tshia nvita tshidibo batula bua kukuluisha nʼatshi tshidi mua kuikala ne diakalengele; wewe neutuishe ludimi luonso ludibo babandisha bua kukubanda nʼalu mu tshilumbu. Ebu mbuhianyi bua badi bakuatshila Yehowa mudimu, ne eku nkubingishibua kuabo kudi kufuma kundi.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yeshaya 6:7

Wakaditua mukana muanyi, wakamba ne, Mona, edi diakulua mishiku yebe; bubi buebe budi bûmushibue, ne malu mabi ebe adi mabuikidibue.

Yeshaya 61:7

Mu muaba wa bundu buenu nenuikale ne nseke ibidi ya buhianyi, mu muaba wa dikeheshibua nebikale ne disanka mu buhianyi buabo; nunku nebikale ne bituha bibidi bia buhianyi mu buloba buabo; disanka diabo nedikale disanka dia tshiendelele.

Yeshaya 66:13

Bu mudi muntu udi mamuʼandi usamba, nennusambe muomumue; nenusambibue mu Yelushalema.

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

Yirmeya 17:18

Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

Yirmeya 29:11

Yehowa udi wamba ne, Bua ndi mumanye meji andi nnuelela, adi meji a kunuvuisha ditalala, kaena a kunuvuisha diyoyo; adi bua kunuha ditekemena mu matuku atshidi ku mpala.

Yirmeya 51:10

Yehowa wakulesha bantu dibingishibua dietu, luai, tuye kuambila ba mu Siona, bu mudi Yehowa Nzambi wetu mutuenzele!

Muadi 4:22

Wewe muana mukashi wa Siona, dikenga diebe bua bubi diakushika, kabena baya nʼebe mu buhika kabidi. Kadi wewe muana mukashi wa Edome, nebakukengeshe bua bubi buebe; nebasokolole malu mabi ebe.

Yezekiyele 16:42

Nunku nempuwishe tshiji tshianyi kûdi, mukau wanyi undi nʼau kûdi neûmuke, nengikale holâ, tshiena ngikale ne tshiji kabidi.

Danyele 11:35

Bamue ba munkatshi mua badi ne meji nebahone bua kulengeshibua, bua kuvuishibua balengele ne bua kutokeshibua, tô ne hafika tshikondo tshia kunshikidilu. Bualu bua tshikondo tshiakasungulabo tshitshidi ku mpala.

Danyele 12:4

Kadi wewe, Danyele, lama mei a, uteke tshimanyishilu ku mukanda eu, bishale nunku tô ne ku tshikondo tshia kunshikidilu. Ba bungi nebatambakane, lungenyi neluvulangane.

Danyele 12:9

Yeye wakamba ne, Danyele, ya biebe; bualu bua mei â adi masokoka ne adi mateka tshimanyishilu tô ne halua tshikondo tshia kunshikidilu.

Danyele 9:12

Yeye wakujadika mei andi akutuhisheye nʼau, ne akuhisheye nʼau bakokeshi betu bakadi batukokesha hakututumineye dikenga dikole. Kabena banze kuenza muanda muinshi mua diulu dionso bu muanda eu wakuenzelabo Yelushalema.

Danyele 9:2

mu tshidimu tshia kumudilu tshia bukokeshi buandi, meme Danyele, nakatangila mu Mifundu ya Nzambi ne bidimu makumi muanda mutekete nebihite diambedi dibutuka dia Yelushalema kadiyi dianze kushika bu bungi bua bidimu biakambila Yehowa Yelemiya muprofete.

Osheya 2:14

Nunku, mona, nemmuitabushishe, nemmulombole mu tshihela, nengambile mutshima wandi mei makane.

Osheya 2:16

Yehowa udi wamba ne, Mu dituku adi yeye neambikile ne, Bayanyi; kena umbikila ne, Nfumu wanyi.

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Sefanya 3:15

Yehowa wakûmusha bilumbu biebe, wakuihata badi nʼebe lukuna; Mukelenge wa Isalele, Yehowa mene, udi munkatshi muenu; kuena umona makenga kabidi.

Zekâya 1:13

Yehowa wa kandamuna muanjelo wakadi uyikila nʼanyi mei makese, mei a kumusamba nʼau.

Zekâya 1:15

Ntshidi ne tshiji tshikole kudi bisamba bidi bishikame tshianana bualu bua hanakadi ne tshiji tshikese, malu mabi akatshibandisha.

Zekâya 9:12

Hinganai bienu ku musoko udi ne ngumbu ya mabue, nuenu bena lukanu badi batekemena luhandu; dituku edi mene ndi nnuambila ne, Nennuvudishile disanka tshiakabidi.

Bienzedi 1:7

Yeye wakabambila ne, Kumanya kua bikondo ne bidimu biakusungula Tatu mu bukokeshi buandi kambualu buenu.

Ngalate 4:4

Kadi hakakumbana tshikondo, Nzambi wakatuma Muana wandi, muledibue kudi mukashi, muledibue munshi mua mikenshi,

Didimanyisha 18:6

Numuheshe bu muakahesheye bakuabo, ne numuhitshishile dikenga diandi misangu ibidi bu mudi bienzedi biandi; mu luhanza muakasangishileye bakuabo makenga numusangishile makenga misangu ibidi.