Yeshaya 38:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Au mmei akafunda Hezikiya, mukelenge wa Yuda, hakasameye ne hakasangaleye ku disama diandi:

MUKANDA WA MYIDI MUKULU

⁹ Ke musambu uvua mukalenga wa bena Yuda Izkiya muimbe, pakajika disama diende ewu:

Yeshaya 38:9 교차 참조

2 Kulondolola 29:30

Mukelenge Hezikiya ne bantu banene bakela mukenji kabidi bua Bena Lewi batumbishe Yehowa ne misambu ya mei a Davidi ne a Asafa, mumonyi wa malu. Bakimba misambu ne disanka, bakinama mitu yabo, bakatendelela.

Yobe 5:18

Bualu bua yeye udi utaha mputa, kadi udi umujingila kabidi; udi ukuma, kadi bianza biandi bidi bishikisha disama.

Misambu 18:1

Ndi nkunanga, wewe Nzambi, bukole buanyi.

Yeshaya 38:10

Nakuamba ne, Nembuele mu bibuelelu bia ku Muaba wa Bafue mu matuku a munda munya a bidimu bianyi; bakunyenga tshituha tshia bidimu bia muoyo wanyi tshiakadi tshishala.

Yeshaya 38:8

Tangila, nempingashe mundidimbi wa diba wa ha tshibandilu, wakuhueka ha tshidikishilu tshia mpolo ya diba tshia Ahaza hakuhueka diba, bua kuhinganau bidiatshilu dikumi bia tshibandilu. Nunku mundidimbi wa diba wakahingana bidiatshilu dikumi ha tshidikishilu tshia diba ku tshidiatshilu kuakabangau kuhueka diambedi.

Dielulula 32:39

Katataka, tangilai, anu meme nkayanyi, nYeye mene, kakuena nzambi mukuabo, anu meme; meme ndi nshiha bantu, ndi mbabisha ku lufu; meme ndi ntaha bantu mputa, ndi mbondaha kabidi; kakuena muntu udi mua kubasungila mu tshianza tshianyi.