Yeshaya 34:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu ba mu bisamba bia bantu, luai bienu ha buihi bua kunvua; nungunvuile, nuenu bantu bonso! Buloba bunvue, ne tshiuwidi tshiabu tshionso; buloba buine ne bintu bionso bidi bifuma kudibu.

MUKANDA WA MYIDI MUKULU

¹ Nuenu bukua bisamba, semenayi pabuipi, numvue. Ntelejayi, nuenu bantu bonsu. Buloba buteleje, buteleje ne bintu bionsu bidipu! Buloba buonsu bujadike bualu ebu, bobu ne bintu bionsu bidi bimenapu.

Yeshaya 34:1 교차 참조

Genese 6:13

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Misambu 24:1

Buloba budi bua Yehowa ne tshiuwidi tshiabu, buloba buine ne badi bashikamamu.

Misambu 50:1

Wa Bukole, Nzambi, Yehowa mene, wakuamba dî diandi, wakubikila buloba kudi kuhatuka diba tô ne kudi kubueladi.

Misambu 96:10

Nuambe munkatshi mua bisamba bia bantu ne, Yehowa udi ukokesha e, buloba budi bujadikibue, kabuena mua kunyungishibua. Yeye nealumbuluishe bantu kayi ne kansungusungu.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Yeshaya 18:3

Nuenu bonso ba ha buloba bua bukua bantu, ne nuenu badi bashikame ha buloba, habandishabo dibendela ha mutu ha mukuna, tangilai! Helabo mpungi, unvuai bienu!

Yeshaya 33:13

Unvuai bu munakuenza, nuenu badi kule; nuenu badi ha buihi, nuitabushe ne, Yeye udi ne bukole.

Yeshaya 41:1

Nuenu, maloba a ku muelelu wa mai manene, huwai bua kuteleja; bantu badimu basangashe bukole buabo; balue ha buihi nʼanyi, hashishe bambe dî diabo; tulue bietu hohamue bua kulumbuluishangana.

Yeshaya 43:9

Bisamba bionso bidisangishe hohamue, ne bantu badikunguishe kadi muntu kai wa munkatshi muabo neamanye mua kutulesha malu a diambedi? Balue ne bamanyi babo bua kujadika mei abo ne, Adi mei a bushuwa, bua kunvua mei abo ne kuamba biabo ne, Ebu mbulelela.

Yeshaya 48:16

Semenai ha buihi nʼanyi, unvuai bualu ebu! Ku tshibangidilu tô ne mpindiu tshiakuamba dî mu busokoko; katshia ku tshikondo tshiakenjibuabu meme nakadiku; ne katataka Mukelenge Yehowa wakuntuma ne Nyuma wandi.

Yeshaya 49:1

Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yeshaya 63:1

Eu nganyi udi ufuma ku Edome, mufume ku Bosela ne bivualu bikunze-kunzû, yeye eu ne bivualu bia butumbi, wenda biandi mu bunene bua bukole buandi? Mmeme muine, ngudi wamba bianyi mei a buakane, muikale ne bukole bukumbane bua kusungila bantu.

Yirmeya 22:29

Wewe buloba, buloba, buloba, unvua dî dia Yehowa!

Yirmeya 49:7

Bualu bua Edome. Yehowa wa misumba udi wamba ne, Meji kaena mu Temana kabidi, anyi? Lungenyi lua bena meji babo luakufua, anyi? Meji abo onso akujimina, anyi.

Yezekiyele 38:17

Mukelenge Yehowa udi wamba ne, Wewe kuena muntu unakambila bantu malu ebe mu matuku a kale, bantu banyi baprofete ba Bena Isalele, bakadi bamba mei abo mu matuku au tô ne ku bidimu bia bungi, babalesha mundualua nʼebe bua wewe kubaluisha, anyi?

Obadya 1:1

Tshikena kumona tshia Obadaya. Mukelenge Yehowa udi wamba dî edi bualu bua Bena Edome ne, Tuakunvua lumu lufume kudi Yehowa, ne bakutuma muloho munkatshi mua bisamba bia bantu, wamba ne, Jukai, tuyai kuluangana ne Bena Edome.

1 Korente 10:26

bualu bua buloba mbua Mukelenge ne tshiuwidi tshiabu.

Dielulula 32:1

Diulu, teleja matshu, nengambe, buloba bunvue mei a mukana muanyi.

Dielulula 4:26

ndi mbikila diulu ne buloba bu bamanyi ba bualu kunudi lelu ne, Nenujimine ha buloba bunudi nuhiana dishiya dia Yadene tshituha tshihi; kanuena nuvudishangana matuku enu ha buloba, kadi nebanujimishe bulelela.

Didimanyisha 2:7

Udi ne matshu unvue budi Nyuma wambila ekelesia. Kudi udi uhita bukole, kudi yeye mene, nemuhe bua kudieye mutshi wa muoyo udi mu Paladiso wa Nzambi.

Balombodi 5:3

Unvuai, nuenu bakelenge, telejai matshu, nuenu bana ba bakelenge; meme mene, meme nengimbile Yehowa musambu; nengimbile Yehowa, Nzambi wa Isalele, musambu wa kumutumbisha nʼau.

Balombodi 5:31

Yehowa, bantu bonso badi nʼebe lukuna bafue nunku; kadi bantu badi bakusue bikale bu diba habandadi ne bukole buadi buonso. Buloha buakadi talalâ bidimu makumi anai.