Yeshaya 33:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yehowa, utuleshe dinanga diebe; tuakukuindila; wikale diboko dietu dia bukole ku dinda ne ku dinda, ne luhandu luetu mu tshikondo tshia dikenga.

MUKANDA WA MYIDI MUKULU

² Maweja-Nangila, utunwuile luse. Tudi tukutekemena, tukuindila. Dinda dionsu, utukoleshe. Diba dia dikenga, utusungidile.

Yeshaya 33:2 교차 참조

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Misambu 143:8

Ungunvuishe luse luebe lujalame ne dinda dionso, bua ndi ngeyemena kûdi. Ummanyishe nshila undi ne bualu bua kuendela, bualu bua ndi mbisha muoyo wanyi kûdi.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Misambu 33:22

Yehowa, luse luebe lujalame luikale kutudi, bu mutudi tutekemena kudi.

Misambu 37:39

Kadi luhandu lua bantu bakane ludi lufuma kudi Yehowa; yeye udi tshinyemenu tshiabo halua tshikondo tshia dikenga.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Misambu 46:5

Nzambi udi munkatshi muau, kabena bamanye mua kûnyungisha; Nzambi neaukuatshishe hatshia butuku.

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 60:11

Utuheshe dikuatshisha diebe mu nvita yetu ne bena lukuna, bualu bua dikuatshisha dia bantu didi hatunu.

Misambu 62:1

Mutshima wanyi udi muhuwe talalâ windila Nzambi nkayandi; luhandu luanyi ludi lufuma kudiye;

Misambu 62:5

Mutshima wanyi, uhuwe biebe talalâ, windile Nzambi nkayandi; bualu bua ditekemena dianyi didi difuma kudiye.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Misambu 90:15

Utusankishe ne disanka didi diakanangana ne bungi bua matuku awakutukengeshamu, ne bungi bua bidimu bi tuakatangilamu diakabi.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Ekesode 14:27

Mose wakolola tshianza tshiandi ha mai, ne hakatshia butuku mai akahingana kabidi ne bukole buau, Bena Ejipitu bakanyema ne Yehowa wakahita Bena Ejipitu bukole mu bunene bua mai.

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yeshaya 25:4

Bualu bua wewe wakadi bu musoko wa ngumbu kudi bahele, bu muaba mukole kudi mukengi mu dikenga diandi, bu tshinyemenu tshia kunyemenamu tshikondo tshia tshihuhu, bu dileshi mu diba dia munya mukole, hikala muhuya wa bena tshinyangu babi bu dikuma dia tshihuhu ku tshimanu,

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 26:16

Yehowa, hakadibo mu makenga, bakakukeba; bakatuma milombu kûdi bakadi makengesha ebe hamʼbidi habo.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 37:3

Bakamuambila ne, Hezikiya udi wamba ne, Edi ndituku dia makenga ne dia kutubela ne dia kutufuisha bundu; bualu bua diba dia kulela bana diakufika, ne kakuenaku hukole bua kubalela.

Yeshaya 40:10

Monai! Mukelenge Yehowa nealue bu muena bukole, ne diboko diandi nedimukokeshile bantu. Monai! Bukenji buandi budi nʼandi, ne ditutu diandi didi ku mpala kuandi.

Yeshaya 51:5

Buakane buanyi nebusemene ha buihi tshituha tshihi, luhandu luanyi luakuya ku mpala, maboko anyi neakokeshe bantu; ba mu maloba a ku muelelu wa mai manene nebangindile, nebeyemene diboko dianyi.

Yeshaya 59:16

Yeye wakamona muakadiku kakuyi muntu, wakakema bualu bua kakuakadi muntu bua kuakuileye bushuwa ne buakane; nunku diboko diandi mene diakamuvuishila luhandu, ne buakane buandi buakamujadika.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

Yirmeya 14:8

Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

Muadi 3:23

bidi bihia-bihia ku dinda ku dinda, bujalami buebe budi butamba bunene!

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.