Yeshaya 30:2 - Mukanda wa Nzambi Dihungila Dikulukulu ne Dihungila Dihia-dihia 2003

² Badi bahisha luendu bua kuhuekabo mu Ejipitu, ne kabena bakonka lungenyi mukana muanyi. Badi basue kunyemena tshinyemenu kudi Palô, ne kudisokoka muinshi mua mundidimbi wa Ejipitu!

MUKANDA WA MYIDI MUKULU

² Nudi nuya ku Ejipitu, kadi kanuena nunkonka lungenyi. Nudi nukeba bua mukalenga wa bena Ejipitu anuambuluishe. Nudi nukeba tshisokomenu, kadi amu mu ditunga dia Ejipitu!

Yeshaya 30:2 교차 참조

1 Bakalenga 22:7

Kadi Yehoshafata wakakonka ne, Kakuena muprofete wa Yehowa mukuabo kunoko utudi mua kuebesha, anyi?

2 Bakalenga 17:4

Mukelenge wa Ashû wakamanya ne, Hoshea udi ungelela tshifufu; bualu bua yeye wakatuma ba-messager kudi So, mukelenge wa Ejipitu, kakafila milambu kudi mukelenge wa Ashû bu muakadiye wenza ku tshidimu ku tshidimu; nunku mukelenge wa Ashû wakamukuata, wakamusuika mu nsubu wa lukanu.

2 Bakalenga 18:21

Wewe udi weyemena ku mulangala mutshibuke, bukelenge bua Ejipitu mene: bieyemenahu muntu tshianza tshiandi, neubuele mu tshianza tshiandi, neutshisompoke; Palô, mukelenge wa Ejipitu, udi nunku kudi bonso badi bamueyemena.

Yeshaya 16:3

Nebambe ne, Utuleshe lungenyi, utukosele tshilumbu tshietu ne kulumbulula kuakane; uvuishe mundidimbi webe bu butuku mu diba dia munda-munya; usokoke bantu aba badibo bihata, kusokolodi bisokomenu bia badi banyema.

Yeshaya 18:1

Ke, buloba budi ne tshiona tshia kuhahala kua masala a bishi, budi ku nyima kua misulu ya Atiopa,

Yeshaya 36:6

Mona, wewe udi weyemena disele ditshibuke, Ejipitu mene; biadieyemena muntu, netubuele mu tshianza tshiandi, neditshisompoke. Palô, mukelenge wa Ejipitu, udi nunku kudi bonso badi bamueyemena.

Yeshaya 36:9

Munyi mudi mumanye mua kusesuishe kapitene kamue ka munkatshi mua bantu ba mukelenge wanyi batambe kuhuekela, haweyemena Bena Ejipitu bua kuheta makalu a nvita ne bena tubalu?

Yeshaya 8:19

Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Yirmeya 2:18

Katataka kuya kuebe mu Ejipitu kudi kumuhetesha tshinyi? Anu bua kunua mai a musulu wa Nile, anyi? Kuya kuebe mu Ashû kudi kukuhetesha tshinyi? Anu bua kunua mai a musulu wa Pelata, anyi?

Yirmeya 21:2

Ndi nkusengelela bua kutukonkelaku Yehowa bua bualu buetu; bualu bua Nebukadenesâ, mukelenge wa Babulona, udi uluangana nʼetu mata. Bumue Yehowa neatuenzele bimpe bu mudi midimu yandi yonso ya kukema, bua muntu eu umuke kutudi.

Yirmeya 37:5

Masalayi a Palô akamana kumuka mu Ejipitu; hakunvuabo Bena Kasada bakadi batshintshimika musoko wa Yelushalema lumu luau, bakumuka ku Yelushalema.

Yirmeya 42:14

binuamba ne, Nansha, netuye mu buloba bua Ejipitu mutudi katuyi tumona nvita, katuyi tunvua muadi wa mpungi wa nvita, katuyi ne nzala ya bia kudia, netushikamemu;

Yirmeya 42:2

bakambila Yelemiya muprofete ne, Tudi tukusengelela bua kunvua kutendekena kuetu, utulombele Yehowa Nzambi webe, tuetu bantu aba bonso badi bashala, bualu bua tuakushala anu bakese ba ku bantu ba diambedi, bu mudi mesu ebe amona.

Yirmeya 42:20

Nuakudienzela nkayenu bibi. Bualu bua nuakuntuma kudi Yehowa Nzambi wenu ne, Utulombele Yehowa Nzambi wetu; utuambile dî dionso didi Yehowa wamba, ne tuetu netudienze.

Yirmeya 43:7

Bakalua mu buloba bua Ejipitu; bualu bua kabakatumikila dî dia Yehowa; bakafika ku Tapanehese.

Muadi 4:20

Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Osheya 7:13

Mulau wikale kudibo, bualu bua bakuhambuka! Kubutuka kuikale kudibo, bualu bua bakuntombokela! Nakadi kubuhikula, kadi bakunshiminyina malu.

Osheya 8:10

Nansha biadiabo bulunda ne ba munkatshi mua bisamba bia bantu, nembasangishe kabidi tshituha tshihi, nebabange kukenga muinshi mua tshikokedi tshia mukelenge wa bakokeshi.

Osheya 8:9

Bualu bua bakuhanda ku Ashû, bu mpunda wa mu mpata wa diendankaya wenda. Bena Efelayima bakufila bintu bua kuheta banangi.

Dibadika 27:21

Yeye neimane ku mpala kua Eleazâ muakuidi, yeye neamukonkele kulumbulula kua Ulima ku mpala kua Yehowa, ku dî diandi bobo nebaluhuke, ne ku dî diandi bobo nebabuelemu, ne yeye ne Bena Isalele bonso badi nʼandi.

Dielulula 28:68

Yehowa neanuhingashe mu Ejipitu kabidi mu matu mu nshila unakanuambila ne, Kanuena numutangila kabidi. Nenukebeku mua kudihana kudi badi nʼenu lukuna bu bahika balume ne bahika bakashi, kadi kakuena muntu udi unusumba.

Yoshua 9:14

Bantu bakangata bintu biabo, kabakakonka lungenyi kudi Yehowa.

Balombodi 9:15

Mutshi wa meba wakambila mitshi yonso ne, Binuasua kungela manyi ha mutu bua meme kuikala mukelenge ku mutu kuenu bulelela, hashishe nulue nushikame mu diledi dianyi, kadi binuahidia, kahia kahatuke ku mutshi wa meba bua kuosha mitshi ya cédres ya mu Lebanona.