Yeshaya 30:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badi bambila bamonyi ba bikena kumona ne, Kanubimonyi; badi bambila baprofete ne, Kanutuambidi mei a malu makane, nutuambile mei mashemakane, nutuambile malu adi mua kufu dinga!

MUKANDA WA MYIDI MUKULU

¹⁰ Badi bambila bambi ne: “Kanututatshishi ne malu adibu banuleja!” Kabena basue bua bambi babambile malu a bulelela. Badi bajinga bua babambile amu malu adi abasankisha. Badi basue bua babalaye amu diakalenga, nansha diodi dia dishima.

Yeshaya 30:10 교차 참조

1 Bakalenga 21:20

Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Bakalenga 22:27

nubambile ne, Mukelenge udi wamba ne, Nubueshe muntu eu mu nsubu wa lukanu, numudishe bia kudia bia badi mu dikenga, numunuishe mai a badi mu dikenga tô ne hanahingana talalâ.

2 Kulondolola 16:10

Ha diba adi Asa wakadi ne mumonyi wa malu tshiji, wakamubuesha mu nsubu wa lukanu; bualu bua tshiji tshikole tshiakamukuata bua bualu ebu. Asa wakakengesha bantu bakuabo mu tshikondo atshi tshiotshimue.

2 Kulondolola 25:16

Hashishe, hakadiye wakula nʼandi, mukelenge wakamuebesha ne, Tuetu tuakukuvuisha mufidi wa meji wa mukelenge, anyi? Uhuwe biebe, butudi nʼabu mbua kukutaha bishi? Hashishe muprofete wakahuwa, wamba ne, Ndi mumanye ne, Nzambi wakulongolola bua kukushiha bua wewe wakuenza bualu ebu, kuena mutumikile mei anyi.

Yobe 41:3

Yeye neakutendekene ne mitendekenu ya bungi, anyi? Neakule hebe ne mei a kalolo, anyi?

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Yeshaya 29:10

Bualu bua Yehowa wakatshihisha nyuma udi ne tulu tukole hamʼbidi henu; wakubuikila mesu enu, mbaprofete mene, wakubuikila mitu yenu, mbamonyi ba bikena kumona mene.

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Yirmeya 11:21

Bua bualu ebu Yehowa udi wamba bua bantu ba ku Anatota badi bakeba muoyo wanyi ne badi bamba ne, Kuambi dî mu dina dia Yehowa kabidi bua wewe kufu ku bianza bietu!

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yirmeya 26:11

Mu diba adi bakuidi ne baprofete bakambila baminyampala ne bantu bonso ne, Muntu eu udi ne bualu bua kufua; bualu bua yeye wakuamba mei mabi bua musoko eu, bu munuakunvua ku matshu enu.

Yirmeya 29:27

Nunku bualu kai kuena muanze kubela Yelemiya, muena musoko wa Anatota, udi udivuisha muprofete munkatshi muenu?

Yirmeya 36:29

Bua Yehoyakima, mukelenge wa Yuda, wambe biebe ne, Yehowa udi wamba ne, Wakuosha mukanda eu wamba biebe ne, Bualu kai wakufundamu mei a ne, Mukelenge wa Babulona nealue bushuwa, neabutule buloba ebu, neashihemu bantu ne nyama kabidi?

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Amosa 2:12

Kadi nuakenzesha Banazi bua kunuabo maluvu a nvinyo, nuakelela baprofete mukenji ne, Kanuambi mei enu a buprofete nansha.

Amosa 7:13

Kadi kuedi dî diebe kabidi mu Betele tshiendelele; bualu bua eu mmuaba wa tshijila wa mukelenge, ne mbalasa wandi wa bukelenge udimu.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Mika 2:6

Badi bambila baprofete ne, Lekelai tshiakulakula tshienu; lekelai kuakula malu â; bihendu kabiena bishika.

Yowanane 7:7

Ba ha buloba kabena bamanye mua kuikala nʼenu lukuna; kadi badi nʼanyi lukuna, bualu bua ndi mbamba ne, Malu adibo benza nmabi.

Yowanane 8:45

Kadî bualu bua meme ntu ngamba bualu bulelela, kanuena nungitabusha.

Bienzedi 4:17

Kadi bua bualu ebu kabutangadiki munkatshi mua bantu, tubakanyinai ne, Kanuambidi muntu bualu mu dina edi kabidi tshiendelele.

Bienzedi 5:28

Tuakunukandika bikole ne, Kanuyishi bantu mu dina edi; ne tangilai, nuenu nuakûsha Yelushalema tente ne diyisha dienu, nudi basue kuteka mashi a muntu eu hamʼbidi hetu.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

Ngalate 4:16

Nunku nakulua muena lukuna wenu bualu bua ndi nuambila bualu bulelela, anyi?

2 Timote 4:3

Bualu bua tshikondo netshilue hikalabo kabai bunvua diyisha dilenge ne lutulu; kadi bualu bua matshu abo adi asasakana, bobo nebadikebele bayishi ba bungi bu mudi disamina dibi dia mitshima yabo;

2 Timote 4:4

nebumushe matshu abo ku malu malelela, nebasesukile ku nsumuinu.

Didimanyisha 11:7

Ne hamanabo kushikisha bumanyishi buabo, nyama wa luonji udi uhatuka mu tshina tshidi katshi ne nshikidilu nealuangane nʼabo nvita, neabahite bukole, neabashihe.

1 Samuele 9:9

(Kale kale mu Isalele hakaya muntu bua kukonkeye Nzambi bualu, wakadi wamba ne, Tuye bietu kudi mumonyi wa malu: bualu bua udibo babikila muprofete katataka, diambedimbedi bakadi bamubikila mumonyi wa malu.)