Yeshaya 3:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

MUKANDA WA MYIDI MUKULU

⁹ Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

Yeshaya 3:9 교차 참조

Genese 13:13

Bantu ba mu Sodoma bakadi babi, bakatamba kuhidia Yehowa.

Genese 19:34

Hakatshiabu muanʼa bute wakambila muanʼa mukala ne, Butuku bua lelu nakulala ne tatu wanyi, tumunuishe nvinyo butuku ebu kabidi, wewe ubuele, ulale bandi, bua tuetu tulelele tatu wetu bana.

Genese 4:5

kadi yeye wakahidia Kana ne mulambu wandi Kana wakadi ne tshiji, wakabungama

2 Bakalenga 9:30

Hakafika Yehu ku Yizelele, Izebele wakunvua lumu elu; wakalaba mukubu ku mesu, wakasuika tshitambala ku mutu, wakatangila ha disoso dia nsubu.

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

Nsumuinu 15:32

Udi ubenga diyisha udi uhetula muoyo wandi, kadi udi unvua dî dia bamubedi udi uheta lungenyi.

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Yeshaya 1:10

Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

Yeshaya 3:16

Yehowa udi wamba kabidi ne, Bualu bua bana bakashi ba mu Siona badi badisue, badi benda bolola nshingu yabo, bakenzakana mesu mabi, bazunzuka, bakuisha nkanu idi miela ku mikolo yabo;

Yeshaya 57:20

Kadi bantu babi badi bu mai manene adi asampuka, bualu bua kaena mua kubatama, ne mai au adi asampula bitotshi ne bivuanduvuandu.

Yeshaya 59:12

Bualu bua malu mabi etu akuvulangana ku mpala kuebe, ne mihi yetu idi ituhisha; bualu bua malu mabi etu adi ikala nʼetu, ne ludi bamanye mibi yetu:

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 3:3

Nunku Nzambi wakukanda nvula ya diambedi, ne nvula mishishe kayena miloke; kadi wewe udi ne mpala wa muena masandi, udi ubenga kukuatshika bundu.

Yirmeya 6:15

Bakakuatshika bundu hakadibo benze malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nehalenduke.

Yirmeya 8:12

Bakakuatshika bundu hakenzabo malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nebalenduke.

Muadi 5:16

Tshifulu tshia butumbi tshiakutuka ku mutu kuetu; tudi ne mulau! Bualu bua tuakuenza bibi.

Yezekiyele 16:30

Mukelenge Yehowa udi wamba ne, Tangila mudi mutshima webe mutekete, bualu bua udi wenza malu â onso, bu mudi mukashi wa masandi wa dikamakama wenza;

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Yezekiyele 23:16

Hakabatangileye, wakatamba kubananga, wakabatumina ba-messager bandi mu buloba bua Bena Kasada.

Danyele 7:20

Nakasua kumanya kabidi bualu bua nsengu ai dikumi yakadi ha mutu handi, ne be lusengu alu lukuabo luakamenabu, bakatulabo nsengu mikuabo isatu ku mpala kualu, lusengu alu mene luakadi ne mesu, ne mukana muamba mei a diambu, luakadi luhite mikuabo bunene.

Osheya 13:9

Bena Isalele, eku akubutuka kuenu, kuena ku luseke luanyi, meme mukuatshishi wenu.

Osheya 5:5

Dihetu dia Bena Isalele didi dibahisha ku mesu kuabo, Bena Efelayima nebalenduke mu bubi buabo; Bena Yuda nebalenduke nʼabo.

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

Didimanyisha 11:8

Ne bitalu biabo nebilale mu musesu wa musoko mimene, udibo babikila mu meshi a nyuma Sodoma ne Ejipitu, kuakadi kabidi Mukelenge wabo mushihibue ku mutshi mutshiamakane.

1 Samuele 15:32

Hashishe Samuele wakamba ne, Nulue kundi ne Agaga, mukelenge wa Bena Amaleka. Agaga wakalua kudiye ne disanka. Agaga wakamba ne. Bulelela, kanyinganyinga ka lufu kakashika.