Yeshaya 3:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Ba mu bibuelelu bia ku Siona nebase madilu, nebadie; ne yeye udibo bahaula neashikame hanshi ha buloba.

MUKANDA WA MYIDI MUKULU

²⁶ Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 3:26 교차 참조

Yobe 2:13

Hashishe, bakashikama nʼandi mu buloba tô minya muanda mutekete ne mafuku muanda mutekete. Kakuena muntu mukuabo wakamuambila dî, bualu bua bakamona bu muakadi dikenga diandi dihita bukole.

Yobe 2:8

Yeye wakangata tshiyoyi tshia luesu bua kudikuanya nʼatshi hakadiye ushikama mu diala dia butue.

Yeshaya 14:31

Ela mukunda, wewe tshibuelelu tshia ku musoko; asa muadi, wewe musoko! Fingaluka ne buowa, wewe buloba bua Peleshete, buloba buebe buonso! Bualu bua muishi wa kahia udi uluhuka mu luseke lua nôde, ne kakuena muendi wa bitulu mu milongo ya bena mata bau.

Yeshaya 29:2

Hashishe nentatshishe Aliele, ne madilu ne muadi nebikalemu; ne musoko eu newikale kundi bu diku dia tshioshelu.

Yeshaya 32:14

Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

Yeshaya 33:9

Buloba budi ne muadi, budi buteketa; Lebanona udi ubuandakana, udi ufubidila; Shalona udi bu tshihela tshia tshianana; Bashana ne Kâmele bidi bilakata mabeshi.

Yeshaya 47:1

Hueka biebe, ushikame mu dinfuenkenya, wewe, Babulona, muana mukashi utshidi kamama; shikama hanshi ha buloba kuyi ne nkuasa wa bukelenge, wewe muana mukashi wa Bena Kasada! Bua kabena bakubikila kabidi nej Mutekete ne mulengele.

Yeshaya 6:11

Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Yirmeya 14:2

Ba mu Yuda badi basa muadi, ne ba mu bibi biandi badi bateketa, bashikame hanshi ha buloba baluate bilulu bifike; ne muadi wa Yelushalema udi ubanda kulu.

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Muadi 1:1

Monai musoko wakadi tente ne bantu mudiu mushale mutuhu! Wowo wakadi munene munkatshi mua bisamba bia bantu wakulua bu mukashi wa mu lufuila! Yeye wakadi mukelenge mukashi munkatshi mua misoko mikuabo ya buloba ukadi uyilambula!

Muadi 1:4

Nshila ya ku Siona idi idila muadi, bualu bua kakuena badi bendelamu bua kuya ku masanka a tshijila a Yehowa; bibuelelu biandi bidi bishala hatuhu; bakuidi bandi badi batua mikemu. Mishikankunde yandi yakukengeshibua, ne yeye muine wakushala mu kanyinganyinga.

Muadi 2:10

Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Muadi 2:8

Yehowa wakahangidisha bualu bua kubutula lumbu lua muana mukashi wa Siona; wakaluidikisha ne muonshi; kakukanda tshianza tshiandi bua katshilûhuidi; wakashisha tshibumba tshikole ne lumbu muadi, bidi biteketa diatshimue.

Yezekiyele 12:20

Misoko idi ne bantu neyibutudibue, buloba nebuandamuke tshihela tshia tshianana; nunku nenumanye ne, Ndi Yehowa.

Yezekiyele 26:16

Mu diba adi bakokeshi ba ku muelelu wa mai manene nebatuluke mu nkuasa yabo ya bukelenge, nebavule bilulu biabo, nebakohole bivualu biabo bidi ne malenda; nebashale ne dizakala; nebashikame hanshi ha buloba, nebazakale diba dionso, nebakuatshike buowa bualu buenu.

Mika 1:9

Bualu bua mputa wakumutahabo kena mua kuondahibua, bualu bua wakufika tô ne ku Yuda; wakufika ku tshibi tshidi bantu hanyi babuelela, ku Yelushalema mene.

Matayi 11:17

Tuakunuelela nshiba, kanuena baje, tuakudila, kamina badikume mu biadi.

Luke 19:44

nebakukume hanshi ne bana badi nʼebe; kabena bashîa dibue dimue ha mutu ha dikuabo, bualu bua wewe kuakumanya dituku diakalua Nzambi kûdi.