Yeshaya 3:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ ndimuenu ya kukuata ku bianza, bilulu bia mushinga mukole bia lin, bifulu ne bilulu bia kubuikila ha mpala.

MUKANDA WA MYIDI MUKULU

²³ mintumpu, mitelu mimpe, bitambala bia mu nshingu, ne bia ku mutu.

Yeshaya 3:23 교차 참조

Genese 24:65

Yeye wakakonka muhika ne, Eu mulume kai udi wendakana mu budimi bua kusambakana nʼetu? Muhika wakamukudimuna dî ne, Nyeye mukelenge wanyi Lebeka wakangata tshilulu tshikudika, wakatshiteka ku mishiku yandi.

Genese 41:42

Palô wakakohola kakanu ka tshimanyinu tshiandi tshifundahu ku munu wandi, wakakela ku munu wa Yosefe, wakamuluatshisha bilulu bia lin, wakamuela lukanu lua or mu nshingu muandi,

1 Kulondolola 15:27

Davidi wakadi uluata tshilulu tshia lin muimpe, ne Bena Lewi bonso bakadi batuala mushete ne bimbi ba misambu ne Kenaniya, mulombodi wa bimbi ba misambu, bakaluata lin muimpe; Davidi wakadi uluata efoda wa lin kabidi.

Ekesode 38:8

Wakenza tshiowelu tshia mai ne tshiamu tshia mitaku, ne mesa atshi ne tshiamu tshia mitaku, wakatshienza ne ndimuenu ya ba kashi bakadi benza mudimu ku mbelu kua nsubu wa tshitendelelu.

Musambu wa Solomo 5:7

Bansentedi badi bendakana ku musoko, bakasangakena nʼanyi; bakankina, bakantaha mputa; balami bakadi bashikame ha mutu ha ngumbu bakanyenga tshilulu tshianyi.

Yeshaya 3:22

bilulu bia dibanji ne bia kuela ha maha, bibombi,

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yeshaya 47:2

Angata mpelu ya mabue, hela nʼai bukula; umushe tshilulu tshidi tshikudika ku mpala, uvule tshilulu tshiebe tshile hamʼbidi hebe, uvule tshilulu tshia ku mikolo yebe, uhitshile mu misulu.

Yezekiyele 16:10

Nakakuluatshisha ne mayeka akadi ne malenda mimpe, nakabuesha bisabata bia tshiseba tshia nyama wa mu mai ku makasa ebe, nakakujingila tshilulu tshia lin tshinefuke, nakakuluatshisha tshilulu tshia soie.

Zekâya 3:5

Nakamba ne, Bamujingile tshitambala tshitoke ku mutu kuandi. Nunku bakamujinga tshitambala tshitoke ku mutu kuandi, bakamuluatshisha bisalu biakane; ne muanjelo wa Yehowa wakadi muimane ha buihi.

Luke 16:19

Muntu mubanshi wakadiku uluata bilulu bikunze ne bia mushinga mukole, wakadi ne disanka diandi ne butumbi ku dituku ku dituku.

Didimanyisha 19:14

Bena nvita ba mu diulu bakamulonda ba nyima ha tubalu tutoke, baluatshisha bilulu bia line bitoke ne bilengele.

Didimanyisha 19:8

Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Rute 3:15

Yeye wakamba ne, Ulue ne tshi lulu tshiudi nʼatshi, utshikuate yeye wakatshikuata, ne wakamubadila bihiminu bia orge bisambombo wakamutekeye, yeye wakaya ku musoko.