Yeshaya 28:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Neayishe muntu kai lungenyi? Neajinguluile muntu kai dî diandi? Neayishe bana badi bajidika mabele, badi bumushibua mu biadi bia bamamuʼabo, anyi?

MUKANDA WA MYIDI MUKULU

⁹ Badi baseka, bakonka ne: “Yeshaya ewu, udiye musue kulongesha nnganyi? Udiye musue kumvuija bidibu bamuleja nnganyi? Tudi bana ba mu tshiadi badibu balekesha dibele amu mpindiewu anyi?

Yeshaya 28:9 교차 참조

Misambu 131:2

Bulelela, nakuholesha mutshima wanyi, nakûtalasha, bu muana mujile mabele utshidi kudi mamuʼandi. Muoyo udi munda muanyi udi bu muana mujile mabele.

Misambu 50:17

Bualu bua wewe udi ukina diyisha, udi wimasha mei anyi ku nyima kuebe.

Nsumuinu 1:29

Bualu bua bakakula lungenyi, kabakasungula ditshina dia Yehowa.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Yeshaya 28:26

Bualu bua Nzambi wandi udi umulesha lungenyi luimpe lua kulondeye, udi umuyisha.

Yeshaya 30:20

Nansha biakuha Mukelenge bia kudia bidi bikeha mu tshikondo tshibi, ne mai adi akeha mu tshikondo tshia makenga. Muyishi webe kena usokoma kabidi, mesu ebe neamone Muyishi webe.

Yeshaya 48:17

Yehowa, Muhikudi webe, Wa Tshijila wa Isalele udi wamba ne, Meme ndi Yehowa Nzambi webe, udi ukuyisha bua wewe wikale ne diakalengele, udi ukulombola mu nshila ûdi ne bualu bua kuendelamu.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.

Yeshaya 53:1

Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Yirmeya 35:13

Yehowa wa misumba, Nzambi wa Isalele, udi wamba ne, Ya wambile Bena Yuda ne ba mu Yelushalema ne, Yehowa udi ukonka ne, Kanuena nuitabusha diyisha bua nuenu kutumikila mei anyi, anyi?

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yirmeya 6:10

Nengambile banganyi mei, nendimushe banganyi bua kunvuabo? Monai, ditshu diabo kadiena dijidila, kabena mua kunvua bimpe; monai, dî dia Yehowa diakulua bu tshihendu kudibo; kabena ne disanka bualu buadi.

Matayi 11:25

Dituku adi Yesu wakandamuna dî, wakamba ne, Tatu Wanyi, Mukelenge wa diulu ne wa buloba, ndi nkusakidila bualu bua wewe wakusokoka bena meshi ne bena budimu malu â, wakuasokolola kudi bana bakese;

Marke 10:15

Bulelela, ndi nuambila ne, Muntu yonso udi kai witabusha bukelenge bua Nzambi bu muana mukese, kena ubuelamu.

Yowanane 12:38

bua dî diakamba muprofete Yeshaya dishike ne, Mukelenge, wakitabusha dî dietu nganyi? Diboko dia Mukelenge diakamueneka kudi nganyi?

Yowanane 3:19

Etshi ntshilumbu tshia bantu ne, Munya wakalua ha buloba, kadi bantu bakasua midima, kabakasua munya, bua bienzedi biabo biakadi bibi.

1 Petro 2:2

bu bana balela katataka, nujinge mabele a meshi adi kâi ne kudinga, bua nuenu nudiundeku tô ne ku luhandu;