Yeshaya 28:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tshifulu tshia bunfumu tshia diambu tshia bakuatshiki ba maluvu ba mu Efelayima netshidiatshibue muinshi mua makasa.

MUKANDA WA MYIDI MUKULU

³ Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Yeshaya 28:3 교차 참조

2 Bakalenga 9:33

Yehu wakabambila ne, Numuele hanshi. Nunku hakamuela hanshi, ne mashi andi makuabo akamatshila ha lumbu ne ha tubalu; tuakamudiata muinshi mua bikono.

Yeshaya 25:10

Bua tshianza tshia Yehowa netshikole ha mukuna eu, ne nebatuale Moaba hanshi hadiye mushikame, bu mudibo badiata bisonsa hanshi mu mai a diala dia tunvi tua bimuna.

Yeshaya 26:6

Dikasa nediudiate muinshi muadi; makasa a bahele, ne bidiatshidi bia bakengi nenudiate hanshi.

Yeshaya 28:1

Mulau wikale kudi tshifulu tshia bunfumu tshia diambu tshia bakuatshiki ba maluvu ba mu Efelayima, kudi tshilongo tshidi ne bulengele buatshi bua butumbi tshidi tshifubidila, tshidi tshimena ha mutu ha luhongo luimpe lua bantu aba badi maluvu mahite bukole!

Yeshaya 28:18

Tshihungidi tshienu ne lufu netshishihibue, ne dî dinuakuhunga ne Muaba wa Bafue kadiena dijalama; hahitshilamu tshihuhu tshidi tshihongoloka, netshinudiate hanshi.

Yeshaya 5:11

Mulau wikale kudi bantu badi bajuka hatshiatshia bua kuya kukeba maluvu makole, kudi bantu badi batabale tô ne munda mua butuku, tô ne halua maluvu kutemesha mitshima yabo!

Yeshaya 63:3

Nakudiata tshikaminu nkayanyi, ne kakuakadi umue wa munkatshi mua bantu wakadi nʼanyi. Bulelela, nakabadiata mu tshiji tshianyi, nakabatua museba hanshi mu njiya yanyi; mashi a mioyo yabo akunsampukila ha bilulu bianyi, nakunyanga bivualu bianyi bionso.

Yeshaya 9:9

Bantu bonso nebadimanye, ba mu Efelayima ne badi bashikame mu Samalea mene, badi bamba mu kudisua kuabo ne mu dikamakama dia mu mitshima yabo ne,

Muadi 1:15

Mukelenge wakuyisha bena nvita banyi bakole bonso bu bantu ba hatuhu munkatshi mua musoko; yeye wakubikila tshisumbu tshia bantu bua kunduishabo, bua kubutulabo bansongalume banyi. Mukelenge wakudiata muana mukashi wa Yuda bu mudibo badiata tumuma tua nvinyo mu tshikaminu.

Danyele 8:13

Hashishe, nakunvua mukuabo wa tshijila wakula; muibidi wa tshijila wakakonka wakadi wakula diambedi ne, Kumusha kua mulambu wa kuosha wa buatshia-buatshia, bualu bubi budi buvuisha kabutu, ne kufila kua tshitendelelu ne musumba wa mu diulu bua kudiatshibuabi muinshi mua makasa, malu â akamueneka mu tshikena kumona neikaleku musangu bule munyi?

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Didimanyisha 11:2

Tshiendelu tshidi ha bule ha ntempelo, utshishîe ha bule, kutshîdikishi nasha; bualu bua bakutshiba bisamba bia bende; ne bobo nebadiate musoko wa tshijila munshi mua makasa abo ngondo makumi anai ne ibidi.