Yeshaya 27:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakubakuma bu muakakumeye bakuabo bakabakuma, anyi? Bakushihibua bu muakashiheye bakabashiha, anyi?

MUKANDA WA MYIDI MUKULU

⁷ Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Yeshaya 27:7 교차 참조

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 10:17

Munya wa Bena Isalele newandamuke kahia, ne wandi wa Tshijila neandamuke ludimi lua kahia; neluoshe, nelumane meba andi ne mingonge yandi mu dituku dimue.

Yeshaya 17:14

Habuela diba, monai, buowa bukole budiku! Dinda kadiyi dianji kulua, kabenaku! Edi ndikenga didi bantu badi batuhaula bahiana, ne bualu bubi buakusunguilabo badi banyenga bintu bietu.

Yeshaya 17:3

Nebumushile Efelayima musoko wandi wa lumbu wakadi tshieyemenu tshiandi mu nvita, nebumushile Damaseke bukelenge buandi; ne bantu ba mu Sulia batshidi bashalamu ne muoyo nebikale bu butumbi bua Bena Isalele.

Yeshaya 30:31

Bua dî dia Yehowa Muena Ashû neikale ne buowa bukole; neamukume ne tshibonge tshiandi.

Yeshaya 31:8

Ne Muena Ashû neahone ku muele wa nvita, kauyi wa bantu; muele wa nvita, kauyi wa bantu, neumubutule. Yeye neanyeme muele wa nvita, ne nebabueshe bansongalume bandi mu mudimu wa buhika.

Yeshaya 31:9

Neahite dibue diandi dia tshinyemenu, nediumuke bualu bua buowa, ne bilobo biandi nebitshine, nebinyeme dibendela, mmudi Yehowa wa misumba wamba, udi ne kahia kandi mu Siona ne tshikutu tshiandi mu Yelushalema.

Yirmeya 50:40

Yehowa udi wamba ne, Bu muakashiha Nzambi Sodoma ne Amola ne misoko yakadi ha buihi, nunku kakuena muntu washikamamu, kakuena muana wa muntu watulamu.

Yirmeya 51:24

Yehowa udi wamba ne, Nenfute Babulona ne bonso ba mu buloba bua Bena Kasada difutu ku mesu kuenu, bua malu mabi abo onso akuenzabo mu Siona.

Nahume 1:14

Yehowa wakuela mukenji bua bualu buebe ne, Kabaledi kankanunuina kakuabo ka dî mua kuangata dina diebe kabidi. Nengumushe luhingu lusonga ne luhingu luakatulabo mu nsubu wa nzambi yebe, nenkulongoluele lukita, bualu bua udi muhetudibue.

Nahume 3:19

Kakuena diondaha dia mputa webe, mputa webe wa lubangu kena ûma. Bonso badi bunvua lumu luebe nebakubingile bibingu, nganyi mene udi bubi buebe kabuyi buanze kufika kudiye ku musangu ne ku musangu?