Yeshaya 26:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

MUKANDA WA MYIDI MUKULU

²¹ Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yeshaya 26:21 교차 참조

Yobe 16:18

Wewe buloba, kubuikidi mashi anyi, muadi wanyi kausanganyi muaba wa kuhuwilau talalâ!

Yobe 20:27

Diulu nedisokolole bubi buandi, buloba nebujuke bua kumuhisha.

Yeshaya 10:3

Nenuenze tshinyi mu difuku dia kunulumbuluisha, ne dia kubutuka kudi kufuma ku muaba mule? Nenunyemene kudi nganyi bua yeye ankuatshishe? Nenushiye biuma bienu kudi kunyi?

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 18:4

Bualu bua Yehowa wakungambila dî edi ne, Nentangile malu talalâ bandi mu muaba undi mushikame, bu luya ludi lubanda mu munya, lukenka bikole; bu ditutu dia dibungi mu luya lua mu tshikondo tshia kunowa.

Yeshaya 22:14

Yehowa wa misumba wakadimuenesha mu dî dinakunvua mu matshu anyi ne, Bulelela, bubi buenu kabuena bujimishibua tô ne ku lufu luenu; Mukelenge Yehowa wa misumba udi wamba nunku.

Yeshaya 29:6

Yehowa wa misumba nealue kûdi ne mikungulu, kukanka kua buloba, diyoyo dinene, nvunde ne tshihuhu, ne ludimi lua kadilu kadi kayi ngutula bintu bionso.

Yeshaya 65:6

Yehowa udi wamba ne, Tangila, dî edi didi difundibue ku mpala kuanyi ne, Tshiena mpuwa talalâ, kadi nembahingishile difutu; bulelela, nembahingishile difutu mu biadi biabo,

Yeshaya 65:7

malu mabi enu mene ne malu mabi a batatu benu diatshimue, bualu bua bakosha musenga wa manananshi ha mutu ha mikuna mile, ne bakampenda ha mutu ha mikuna mihi, nembidikishile difutu dia bienzedi biabo bia diambedi dikongoluela mu biadi biabo.

Yeshaya 66:6

Unvuai! Mutoyi udi ufuma ku musoko, dî didi difuma ku ntempelo! Ndî dia Yehowa udi uha badi nʼandi lukuna difutu diabo!

Yezekiyele 8:6

Yeye wakankonka ne, Muana wa muntu, udi umona bu mudibo benza, anyi? Malu a bundu adi ba mu tshisamba tshia Bena Isalele benza munemu, adi angihata ku nsubu wanyi wa tshijila, udi umona mene, anyi? Kadi neumone malu makuabo a bundu adi ahita â bunene.

Luke 11:40

Nuenu bahote, muenji wa munda kena muenji wa ha nyima kabidi, anyi?

Luke 11:50

nunku nebalombe mashi a baprofete bonso akamatshishabo hanshi ku tshibangidilu tshia buloba tô ne katataka bu dibanza dia bantu ba tshikondo etshi:

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Didimanyisha 18:24

Bakasangana mashi a baprofete ne a basanto ne a bonso bakashihibua ha buloba munkatshi muau.