Yeshaya 26:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Luai, bantu banyi, buelai mu nsubu yenu, nuinshile bibi bienu ku nyima kuenu; nusokome katuha kihi, tô ne hahita tshikondo tshia njiya.

MUKANDA WA MYIDI MUKULU

²⁰ Bena tshisamba tshianyi, buelayi munda mua nzubu yenu, nukange biibi. Nupaye mabaya ku bitupa bionsu bibidi bia tshiibi. Anjayi kusokoma katupa kipi, too ne pajika tshiji tshia Maweja-Nangila.

Yeshaya 26:20 교차 참조

Genese 7:1

Yehowa wakambila Noa ne, Buela biebe mu buatu ne bantu bonso ba mu nsubu muebe, bualu bua meme nakakumona muimpe ku mesu kuanyi munkatshi mua tshikondo etshi.

Genese 7:16

Biakabuela mulume ne mukashi ba bintu bionso, bu muakamuambila Nzambi, ne Yehowa wakamuinshidila tshibi.

Yobe 14:13

Nakadi kusua bua wewe unsokoke mu Muaba wa Bafue, bua wewe unsokoke to ne bumuka tshiji tshiebe, bua wewe unsunguile tshikondo tshijalame ne bua wewe unvuluke!

Misambu 143:9

Yehowa, umpandishe kudi badi nʼanyi lukuna; ndi nyemena kûdi bua kusokoma.

Misambu 17:8

Undame bu kamonyi ka disu diebe; unsokoke muinshi mua mundidimbi wa mahuahua ebe,

Misambu 27:5

Bualu bua halua dituku dia diakabi, yeye neansokoke mu tshisokomenu tshiandi; yeye neansokoke munda mua nsubu wandi wa ntenta, neambandishe, neanshikike ha mutu ha dibue.

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Misambu 31:20

Wewe udi ubasokoka mu tshisokomenu tshiebe ku bifufu bidi bantu babelela. Udi ubalama mu musokoko mu tshitandatanda ku matandu adi ahatuka ku ndimi yabo.

Misambu 32:7

Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

Misambu 57:1

Unfuile luse, Nzambi, unfuile luse, bualu bua muoyo wanyi udi unyemena kûdi. Bulelela, nennyemene mu mundidimbi wa mahuahua ebe bua kushalaki tô ne hahita dikenga dia kabutu.

Misambu 57:2

Nendile kudi Nzambi Mutambe Bunene wa mu diulu, kudi Nzambi udi ungenzela malu onso akunsunguileye.

Misambu 91:1

Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

Misambu 91:4

Neakubuikile ne masala andi, neusangane tshinyemenu muinshi mua mahuahua andi; bujalame buandi bua bushuwa budi ngabu wa ha tshiadi ne ngabu wa ku tshianza.

Misambu 94:13

bua kumuha biebe ditalala, bua yeye katatshi biandi mu matuku a dikenga, tô ne humbuilabo bantu babi dijimba.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Yeshaya 10:25

Bualu bua, haleha anu tshituha tshihi, tshiji tshianyi tshiakadi tshinkuata bua bualu buenu netshihuwe, netshibakudimukile hua kubabutula.

Yeshaya 10:5

Tangila, wewe Muena Ashû, mulangala wa tshiji tshianyi, tshibonge tshia njiya yanyi!

Yeshaya 13:5

Badi bafuma ku buloba budi kule, kunfudilu kua diulu, Yehowa mene ne bielelu bia nvita bia tshiji tshiandi bua kubutula buloba buonso.

Yeshaya 34:2

Bualu bua Yehowa udi ne bisamba bionso bia bantu tshiji, udi ne misumba yabo yonso tshiji tshikole; wakumana kubahisha bua kufuabo, wakubafila ku kubutuka.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 51:4

Unvuai dî dianyi, nuenu bantu banyi; telejai matshu enu kundi, nuenu ba mu tshisamba tshianyi; bualu bua diyisha dia mikenji nedihatuke kundi, ne kulumbulula kuanyi kuakane nekuikale munya kudi bantu.

Yeshaya 66:14

Nenumone malu â, ne mitshima yenu neyisanke; mifuba yenu neyidiunde bimpe bu mashinde a lutende. Bukole hua tshianza tshia Yehowa nebumanyibue kudi bantu bandi, ne tshiji tshiandi netshikale kudi badi nʼandi lukuna.

Yirmeya 31:14

Yehowa udi wamba ne, Nengukutshishe mitshima ya bakuidi ne manyi, ne bantu banyi nebukute ne buimpe buanyi.

Yirmeya 7:23

Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

Yezekiyele 11:16

Nunku amba biebe ne, Yehowa udi wamba ne, Nansha bingikala mubatume kule munkatshi mua bisamba bia bantu, nansha bingikala mubamuangalashe munkatshi mua maloba makuabo, nakadi kudibo bu tshitendelelu tshidi katshiyi tshianze kukumbana munkatshi mua maloba akayabo;

Danyele 11:36

Mukelenge au nênze bu mudi mutshima wandi musue; neadinemeshe, neadibandishe ba mutu ba nzambi yonso, neadiule Nzambi wa nzambi ne mei adi matambe bubi. Neatute dikasa dimpe tô ne hashika tshiji tshia Nzambi, bualu bua malu akahangidisheye nênjibue.

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Matayi 6:6

Kadi wewe, hawatendelela Nzambi, ubuele mu kasubu kebe ka tshisokomenu, winshile tshibi, utendelele Tatu webe, udi biandi mu tshisokomenu, ne Tatu webe udi umona mu musokoko neakuhe.

2 Korente 4:17

Bualu bua dikenga dietu dikese dia tshituha tshihi didi ditamba kutuenzeshela bujitu bua butumbi bua tshiendelele musangu ne musangu;