Yeshaya 26:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa, neutujadikile ditalala; bualu bua wakutuenzela midimu yetu yonso.

MUKANDA WA MYIDI MUKULU

¹² Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 26:12 교차 참조

Misambu 29:11

Yehowa neaheshe bantu bandi bukole, Yehowa neasankishe bantu bandi ne ditalala.

Misambu 57:2

Nendile kudi Nzambi Mutambe Bunene wa mu diulu, kudi Nzambi udi ungenzela malu onso akunsunguileye.

Misambu 57:3

Yeye neantumine luhandu lufume mu diulu, neansungile, neafuishe badi bandiatakasha muinshi mua makasa bundu. Nzambi neantumine luse luandi lujalame ne lulamatu luandi lua bushuwa.

Misambu 68:28

Nzambi, lesha bukole buebe; Nzambi, jadika malu awakuenza bualu buetu.

Misambu 90:17

Dianyisha dia Mukelenge Nzambi wetu dikale kutudi, utujadikile mudimu wa bianza bietu; e, bulelela, ujadike mudimu wa bianza bietu tshishiki.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 27:5

Anyi muntu mubi alue biandi kuangata luhandu luanyi, bua adilengeshe nʼanyi; bulelela, adilengeshe nʼanyi.

Yeshaya 29:23

Kadi hamena bana bandi midimu inuakuenza ne bianza bianyi munkatshi muabo, nebajidile dina dianyi; bulelela, nebajidile Wa Tshijila wa Yakoba, nebikale ne ditshina ku mpala kua Nzambi wa Isalele.

Yeshaya 32:18

Bantu banyi nebashikame mu miaba ya ditalala, ne mu nsubu idi kayiyi ne njiu hehi, ne mu bikishilu bia ditalala.

Yeshaya 57:10

Wakadihangisha bualu bua bule bua luendu luebe, kadi kuakamba ne, Bualu ebu budi hatuhu! Wakamona bukole buebe buhingana kûdi, nunku kuakahunga nansha.

Yeshaya 57:19

Yehowa udi wamba ne, Ditalala, ditalala dikale kudi muntu udi kule ne kudi muntu udi ha buihi; nemmuondahe.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yirmeya 33:6

Monai, nempe ba mu musoko eu kusangala ne bukole bia mubidi, nenshikishe disama diabo; nembaleshe ditalala ne bushuwa bikumbana.

Yezekiyele 20:14

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu bakadi bantangila banakahatula Bena Isalele mu Ejipitu.

Yezekiyele 20:22

Kadi nakumusha tshianza tshianyi kudibo, nakabenzela malu â bua dina dianyi kadihendibu ku mesu kua ba mu bisamba bia bantu bakantangila hanakahatula Bena Isalele mu Ejipitu.

Yezekiyele 20:9

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu, kuakadibo bashikama, bantu mene bakadi bantangila hanakadimuenesha kudi Bena Isalele mu dituku dinakabahatula mu Ejipitu.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Dibadika 6:26

Yehowa abandishe mesu andi kunudi, anuhe ditalala.

Yowanane 14:27

Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,