Yeshaya 26:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

MUKANDA WA MYIDI MUKULU

¹ Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 26:1 교차 참조

Ezela 3:11

Bakimba misambu, bakuabo batume, bakuabo bahungidishe, bakasakidila Yehowa bamba ne, Yeye udi muimpe, bualu bua luse luandi ludi lujalame tshiendelele kudi Bena Isalele. Bantu bonso bakela mbila ne dî dikole hakatumbishabo Yehowa, bualu bua bakajadika bishimikidi bia nsubu wa Yehowa.

Misambu 31:21

Yehowa avudishibue disanka, bualu bua wakundesha luse luandi lujalame ludi lunkemesha hanakadi mu musoko wa ngumbu ya nvita.

Misambu 48:12

Endakanai ku nseke yonso ya Siona, numunyunguluke, balai bungi bua bibumba biandi.

Misambu 48:4

Bua monai muakadisangisha bakelenge hamue, bakahitshilaku hohamue.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 14:31

Ela mukunda, wewe tshibuelelu tshia ku musoko; asa muadi, wewe musoko! Fingaluka ne buowa, wewe buloba bua Peleshete, buloba buebe buonso! Bualu bua muishi wa kahia udi uluhuka mu luseke lua nôde, ne kakuena muendi wa bitulu mu milongo ya bena mata bau.

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 2:20

Mu difuku adi bantu nebimashe mpingu yabo ya argent, ne mpingu yabo ya or, yakudifudilabo bua kuyitendelela, nebayimashe kudi bibulebule ne kudi tuhulukusu,

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 31:5

Bu mudi nyunyu ilembelela ha buihi ne masua ai, Yehowa wa misumba nealame Yelushalema; neamulame, neamuhandishe, neamushiye ne neanusungile.

Yeshaya 31:9

Neahite dibue diandi dia tshinyemenu, nediumuke bualu bua buowa, ne bilobo biandi nebitshine, nebinyeme dibendela, mmudi Yehowa wa misumba wamba, udi ne kahia kandi mu Siona ne tshikutu tshiandi mu Yelushalema.

Yeshaya 33:5

Yehowa udi mutumbishibue, bualu bua udi mushikame mu diulu; wakûsha Siona tente ne kulumbulula kuakane ne buakane.

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Yeshaya 4:2

Mu dituku adi lutonga lua Yehowa neluikale lulengele ne lua butumbi, ne mamuma adi buloba bumenesha neikale mimpe ne bu tshilenge kudi ba mu Isalele batshidi bashala ne muoyo.

Yeshaya 5:1

Ngimbile wanyi munanga musambu wanyi wa dinanga bua budimi buandi bua tumuma tua nvinyo: Wanyi munanga wakadi ne budimi bua tumuma tua nvinyo ha mutu ha mukuna wakadi ne buloba buimpe.

Yeshaya 56:5

Nembahe tshivulukidi ne dina mu nsubu muanyi ne munda mua ngumbu yanyi bidi bihita bana balume ne bana bakashi buimpe; nembahe dina dia tshiendelele didi kadiyi dijimishibua.

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Yeshaya 62:10

Hitai, hitai mu bibuelelu, longoluelai bantu nshila; elai, elai mabula mu tshibebe, umushaimu mabuo, bandishilai bantu dibendela.

Yeshaya 62:11

Monai, Yehowa wakuela mukenji tô ne kunfudilu kua buloba ne, Ambilai muana mukashi wa Siona ne, Tangila, luhandu luebe ludi lulua; tangila, yeye udi ulua ne bukenji buandi, ne udi utuma difutu diandi ku mpala kuandi.

Yirmeya 33:11

nebunvue kabidi dî dia kunaya ne dia disanka, dî dia mubaki wa mukashi ne dia mukashi mubaka, dî dia bantu badi bamba mei abo, haluabo ne milambu ya kusakidila nʼai Yehowa mu nsubu muandi ne, Sakidilai Yehowa wa misumba, bualu bua Yehowa udi muimpe, bua luse luandi ludi lujalame tshiendelele. Yehowa udi wamba ne, Bualu bua nenkudimune buhika bua mu buloba ebu bua kuhingasha diakalengele diakadibu nʼadi diambedi.

Yezekiyele 40:5

Nakamona lumbu lunyunguluke nsubu nseke yonso. Muntu au wakaluidikisha ne luidi luakadi mu tshianza tshiandi, bule bualu buikale coudées mile isambombo, coudée umue muikale bu coudée umue ne ntanta wa tshianza; wakidikisha mulumbu wa lumbu, wakausangana muikale luidi lumue, ne bule bualu bua mulu buakadi luidi lumue.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Zekâya 2:9

Monai, nenkume tshianza tshianyi ha mutu habo, ne bobo nebikale bintu bia kuhaulabo kudi bakadi babakuatshila mudimu; nenumanye ne Yehowa wa misumba wakuntuma.

Dibadika 21:17

Hashishe Bena Isalele bakimba musambu eu ne, Mai abande, nuenu nuimbile musambu;

Matayi 16:18

Ndi nkuambila kabidi ne, Wewe udi Petelo, ha dibue edi nengibake ekelesia wanyi; bibi bia ku mbelu kua Muaba wa Bafue kabiena bimuhita bukole.