Yeshaya 25:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nunku ba mu tshisamba tshia bantu bakole nebakutumbishe; ba mu misoko ya bisamba bidi bikuatshisha bantu buowa nebakunemeke.

MUKANDA WA MYIDI MUKULU

³ Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Yeshaya 25:3 교차 참조

Misambu 66:3

Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 24:15

Bua malu â tumbishai bienu Yehowa mu maloba a ku esete, tumbishai dina dia Yehowa, Nzambi wa Isalele, mu maloba a ku muelelu wa mai manene.

Yeshaya 29:5

Kadi tshisumbu tshia badi nʼebe lukuna netshikale bu dinfuenkenya dibotesha, tshisumbu tshia badi bakuatshisha bantu buowa netshikale bu bisote bidi bihehuka kudi luhehele. Bulelela, bualu ebu nebumueneke lubilu, mu kubunya kua disu:

Yezekiyele 38:23

Nemmueneshe bunene buanyi ne tshijila tshianyi, nendimanyishe ku mesu kua bisamba bia bungi bia bantu. Nunku nebamanye ne, Meme ndi Yehowa.

Mika 7:17

Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.

Zekâya 14:16

Mu tshikondo atshi kabidi bantu bonso badi bashale munkatshi mua bisamba abi bionso biakaluisha Bena Yelushalema nebabandeku ku tshidimu ku tshidimu bua kutendelelabo Mukelenge Yehowa wa misumba, ne bua kujidila bidia bia disanka dia bitandatanda.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Didimanyisha 11:13

Mu diba adi dikanka dinene dia buloba diakadiku, ne tshituha tshia dikumi tshia musoko tshiakûhuka; ne bantu binunu muanda mutekete bakafua mu dikanka dia buloba; bakuabo bonso bakadi bashale bakatshinyishibua, bakatumbisha Nzambi wa mu diulu.