Yeshaya 24:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wanyema ku diyoyo didi dimukuatshisha buowa neahone mu dijimba; ne waluhuka munda mua dijimba neakuatshibue mu buteyi; bualu bua bibi bia mu diulu bidi kunzulula, ne bishimikidi bia buloba bidi bizakala.

MUKANDA WA MYIDI MUKULU

¹⁸ Muntu yonsu wanyema, bua mbila idi mukuatshisha bowa, neapone mu dijimba. Kadi pikalaye mupatuke mu dijimba, buteyi nebumukuate. Mvula wa bungi nealoke mulu. Buloba nebuzakale ne kuinshi kuabu.

Yeshaya 24:18 교차 참조

Genese 19:24

Hashishe, Yehowa wakamatshisha mu Sodoma ne Amola soufre ne kalua bia mu diulu kudi Yehowa.

Genese 7:11

Hakadi Noa mu tshidimu tshia nkama isambombo tshia muoyo wandi, mu ngondo muibidi ne dituku dia dikumi ne muanda mutekete dia ngondo, mu dituku adi mene, mishimi yonso ya mu mai manene yakahongoloka ne bibi bionso bia mu diulu biakunzuludibua.

2 Bakalenga 7:2

Hashishe kapitene kakadi mukelenge weyemena ku tshianza tshiandi kakambila muntu wa Nzambi ne, Biatunzuluila Yehowa bibi bia mu diulu, bualu ebu nebuikale munyi? Yeye wakamuambila ne. Mesu ebe neamone bualu ebu, kadi kuena uhidia nansha.

Yobe 20:24

Neanyeme bua kuhanduka ku tshielelu tshia nvita tshia tshiamu tshifike, nebamuase mukete ne buta bua tshiamu tshia mitaku, mumusompoke.

Misambu 18:15

Hashishe, nshila ya mu mai manene yakamueneka ku mesu, ne bishimikidi bia buloba biakasokolodibua, bua kubela kuebe, Yehowa, ne bua kuhuja kua muhuya wa mu diulu diebe.

Misambu 18:7

Ka buloba buakazakala ne buakanyunga, bishimikidi bia mikuna mile biakazakala kabidi ne biakakanka, bualu bua yeye wakadi ne tshiji.

Misambu 18:8

Muishi wa kahia mufume mu diulu diandi wakabanda mulu, kahia kakahatuka mukana muandi kakosha bintu. Makala a kahia matemesha kudiye akakalundula.

Muambi 9:12

Muntu kena mumanye tshikondo tshiandi; bu mudi minyinyi ya mu mai ikuatshibua mu kahamba kabi, ne bu mudi nyunyu ihia masoka, nunku bana ba bantu badi bakuatshibua mu tshikondo tshibi haluatshi kudibo lukasa.

Yeshaya 13:13

Nunku nenzakashe bintu bia mu diulu, nenkankishe buloba tô ne humukabu mu muaba wabu, bualu bua tshiji tshia Yehowa wa misumba mu dituku dia tshiji tshiandi tshikole.

Yeshaya 2:19

Bantu kabidi nebabuele mu mbuebue ya mu mabue ne mu nyongolo ya mu buloba, bua kusokomabo ku mesu a Yehowa adi abakuatshisha buowa, ne ku butumbi bua buneme buandi, hajukeye bua kuzakasha buloba bikole.

Yeshaya 2:21

bua bobo bine kubuelabo mu mbuebue, ne mu mitanta ya mbuebue, bua kusokomabo ku mesu a Yehowa adi abakuatshisha buowa, ne ku butumbi bua buneme buandi, hajukeye bua kuzakasha buloba bikole.

Yeshaya 42:22

Kadi aba mbantu badibo banyenga bintu biabo ne babahaula, buonso buabo badi bakuatshibue mu majimba, badi basokokibue mu nsubu ya lukanu; bakulua bu bintu bidi bakuabo banyenga ku bukole, kakuyi muntu wa kubahandisha; badi bu bintu bia kuhaudibua, kakuena muntu udi wamba ne, Ubahingashe kutudi.

Yeshaya 8:14

Yeye nealue muaba wa tshijila, ne dibue dia kukumaku dikasa, ne mutunda wa dibue wa kubalenduisha kudi ba mu nseke ibidi ya Isalele; neikale bukuondo ne buteyi kudi badi bashikame mu Yelushalema.

Yirmeya 48:43

Yehowa udi wamba ne, Buowa, dijimba ne buteyi bidi biamba kukukuata, wewe udi mushikame mu Moaba.

Yirmeya 48:44

Yehowa udi wamba ne, Udi unyema buowa neahone mu dijimba, wahanduka mu dijimba neakuatshike mu buteyi; bualu bua nentumine ba mu Moaba malu â mu tshidimu tshia kubala malu mabi abo.

Muadi 3:47

Buowa ne dijimba bidi ku mpala kuetu, diyoyo ne kubutuka kabidi.

Yezekiyele 11:8

Yehowa udi wamba ne, Nudi nutshina muele wa nvita; nenvishe muele wa nvita hamʼbidi henu.

Yezekiyele 12:13

Nengande bukuondo ku mpala kuandi, yeye neakuatshibue mu buteyi buanyi; nenye nʼandi ku Babulona, ku buloba bua Bena Kasada; kena ubumona ku mesu, kadi neafuilemu.

Yezekiyele 15:7

Nembahidie; bakuhatuka mu kahia, kadi kahia kakuabo nekabavingutule; nenumanye ne, Ndi Yehowa, hanabahidia.

Amosa 5:18

Mulau unukuate nuenu badi ba sue dituku dia Yehowa dimuenekele! Nudi ntekemena tshinyi mu dituku dia Yehowa? Didi mîdima, kadiena munya nansha.

Amosa 5:19

Didi bu muntu munyeme nyama wa ntambue ne udi usambakena ne nyama wa nkashama! Anyi didi bu muntu mubuele mu nsubu muandi, muteke tshianza tshiandi ku tshimanu tshia nsubu, ne nyoka udi umusuma!