Yeshaya 23:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Wakamba ne, Kuena usanka kabidi, wewe muana mukashi wa Sidona udi mukengeshibue. Juka biebe, uhitshile mu mai manene tô ne ku Kitima; nansha wewe muikale kuakua kuine kuena uheta dikisha.

MUKANDA WA MYIDI MUKULU

¹² Maweja-Nangila uvua muambe ne: “Nuenu bena Sidone, kanuena mua kusanka kabidi to. Tshimenga tshienu tshidi bu nsongakaji, udibu babuelela mu nzubu ku bukole. Nansha nuenu baye, basabuke mayi manene, bafike ku tshidiila tshia Kitime, kanuakupeta dikisha nansha kakese.

Yeshaya 23:12 교차 참조

Genese 10:4

Bana balume ba Yawana badi nunku Elisha ne Tâshishi ne Kitima ne Dodamma.

Genese 49:13

Zebuluna neashikame kukala kua mai manene muaba wandi newikale muaba wa mabi manene, mukalu wandi neufike tô ne ku Sidona.

Yeshaya 23:7

Eu mmusoko wenu wakadi ne disanka, wakadi tshibangidilu tshiau mu bidimu biakahita kale, nguakadi makasa au aya nʼau kule bua kushikamaku, anyi?

Yeshaya 37:22

edi ndi didi Yehowa muambe bua bualu buandi ne, Muana mukashi wa Siona utshidi kamama udi kulengulula, udi ukubuidia; muana mukashi wa Yelushalema udi ukuha mutu wandi ku nyima kuebe.

Yeshaya 47:1

Hueka biebe, ushikame mu dinfuenkenya, wewe, Babulona, muana mukashi utshidi kamama; shikama hanshi ha buloba kuyi ne nkuasa wa bukelenge, wewe muana mukashi wa Bena Kasada! Bua kabena bakubikila kabidi nej Mutekete ne mulengele.

Yeshaya 47:5

Ushikame muhuwe, buela mu midima, wewe muana mukashi wa Bena Kasada; bualu bua kabena bakubikila kabidi ne, Mukelenge mukashi wa makelenge.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 2:10

Nusabuke ku bisanga bia Kitima, numone; tumai bantu ku Kedâ, nuelangane meji bimpe; numone ne bualu bua mushindu eu bukadi bumueneke diambedi, anyi?

Yirmeya 46:11

Banda ku Gilada, wangateku buanga bua kulaba, wewe Ejipitu, muana mukashi utshidi kamama! Udi udikebela manga a bungi hatuhu, bualu bua kakuena buanga bua kushikisha disama diebe.

Muadi 1:15

Mukelenge wakuyisha bena nvita banyi bakole bonso bu bantu ba hatuhu munkatshi mua musoko; yeye wakubikila tshisumbu tshia bantu bua kunduishabo, bua kubutulabo bansongalume banyi. Mukelenge wakudiata muana mukashi wa Yuda bu mudibo badiata tumuma tua nvinyo mu tshikaminu.

Muadi 1:3

Bakuya ne Yuda mu buhika bua kuikaleye ne dikenga ne bua kuenzeye mudimu mukole wa buhika; udi mushikame munkatshi mua bisamba bia bantu, kena uheta dikisha, bakadi bamuihata bakamukuata mu ntatu yandi.

Muadi 4:15

Bakabela mbila ne, Umukai kutudi! Nudi banyanguke! Unvuai, unvuai, kanutulengi! Nunku bakalua banyemi ne bendakanyi; bantu bakamba munkatshi mua bisamba bia bantu ne, Kabena mua kushala nʼetu kabidi.

Yezekiyele 27:6

Bakasonga nkaya yebe ku mitshi ya telebinta ya ku Bashana; bakenza biendedi biebe ne mabaya a nsanga ya ku bisanga bia Kitima, mikale ne mibanga milamikaku.

Danyele 11:30

Bualu bua matu a ku Kitima nealue kudiye ne nvita, ne mutshima wandi neuneme bujitu. Bua muanda eu neahidie tshihungidi tshia tshijila, nênze bu mudiye musue. Nealukile kuabo neunvuangane ne bantu aba badi bahidia tshihungidi tshia tshijila.

Dibadika 24:24

Kadi matu manene nealue kukala kua buloba bua Bena Kiti, nebakengeshe Bena Ashû, nebakengeshe Bena Ebê kabidi, yeye neikale muhaudibue kabidi.

Yoshua 11:8

Yehowa wakabafila mu bianza bia Bena Isalele, bakabashiha, bakabihata tô ne ku Sidona, musoko munene, ne ku Miselefota-mayima, ne ku tshibanda tshia Misepa tshia ku esete; bakabashiha tô, kabakashiya nansha umue.

Didimanyisha 18:22

Kabena bunvua dî dia bimbi ba nkombe ne dia bena misambu ne dia bedi ba nshiba ne ba mpungi munkatshi muebe kabidi tshiendelele; kabena basangana nsende, nasha wa mushindu wonso, munkatshi muebe kabidi tshiendelele; kabena bunvua tshiona tshia mpelu munkatshi muebe kabidi tshiendelele,