Yeshaya 22:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Udi wenza tshinyi kunoko, ne udi ne muntu kai kunoko, bua wewe wakudiumbuila majambu? Wakudiumbuila majambu ha mukuna, wakadisongela muaba mu dibue bua yeye kulalamu!

MUKANDA WA MYIDI MUKULU

¹⁶ Bumfumu buudi nabu muaba ewu mbumfumu kaayi? Bulela buudi nabu apa mbulela kaayi? Udi udiumbuila lukita, udiumbuila majambu pa mukuna, udiumbuila webe muaba wa ndekelu munda mua lubuebue bishi?

Yeshaya 22:16 교차 참조

Genese 50:5

Tatu wanyi wakuntshihisha ne, Hanafua unjike mu muaba unakasumba mu buloba bua Kanâna. Nunku witabushe bua meme kuya bua kujika tatu wanyi, nempingane kûdi kabidi.

2 Samuele 18:18

Hakadi Abashaloma ne muoyo, yeye wakadishimikila dibue dinene mu tshibanda tshia mukelenge, wamba ne, Tshiena ne muana mulume bua kujadikeye dina dianyi; yeye wakidika dibue adi dina diandi; badi badibikila ne, Tshivulukidi tshia Abashaloma tô ne katataka.

2 Kulondolola 16:14

Bakamujika mu lukita luakadiumbuileye mu musoko wa Davidi; bakamuladika ha bulalu buakadi ne bintu bia bungi bia muhuya muimpe biakalongololabo kudi bantu ba lungenyi lule; bakamuelela bintu bia bungi mu madilu andi.

Yobe 3:14

hohamue ne bakelenge ne bena meji ba ha buloba, bakadiashila majambu ku mishiki ya mabue;

Yeshaya 14:18

Banfumu bakuabo ba bisamba bia bantu, buonso buabo mene, badi balala munkatshi mua butumbi, muntu ne muntu mulale mu majambu andi;

Yeshaya 14:19

kadi wewe wakumushibua mu majambu ebe bu muana wa kabishi udibo bahetula, udi muluatshishibue bitalu bia bantu bashihibue, bakasompolabo ne muele wa nvita, badi bahueka tô ne ku mabue a mu Tshina, bu tshitalu tshidiatshibue muinshi mua makasa.

Yeshaya 22:17

Mona, wewe muntu mukole, Yehowa neakuhidie kule ne bukole buandi buonso. Neakukuate bikole,

Yeshaya 52:5

Nunku mpindiu Yehowa udi ukonka ne, Ndi mmona tshinyi kunoko, bualu bua bakuya ne bantu banyi mu buhika tshianana? Yehowa udi wamba ne, Badi babakokesha badi bela bibingu, ne dina dianyi ditu diahendibua dinda tô ne dilolo.

Mika 2:10

Jukai, yai bienu! Ebu kembuloba bua nuenu kuikisha; bualu bua bubi buenu nenubutudibue kabutu!

Matayi 27:60

wakatshiladika mu lukita luandi luhia-luhia, luakadiye mumane kumbula mu dibue; wakabungulusha dibue dinene, wakaditeka ku mushiku wa mbelu wa lukita, wakaya biandi.