Yeshaya 19:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nyuma wa ba mu buloba bua Ejipitu neahange munda muabo, ne nentuhakashe meji adibo nʼau; nebaye kudi mpingu bua kudikebela lungenyi, ne kudi batempi ba mbuku, kudi bena mbuku ya mibangu, ne kudi bena muhongo.

MUKANDA WA MYIDI MUKULU

³ Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 19:3 교차 참조

2 Samuele 15:31

Bakambila Davidi ne, Ahitofele udi munkatshi mua bena tshifufu ba Abashaloma. Davidi wakamba ne, Yehowa, ndi nkusengelela ne, Kudimuna lungenyi lua Ahitofele lulue luhote.

2 Samuele 17:14

Abashaloma wakambila Bena Isalele bonso ne, Lungenyi luakatuambila Hushai, Muena Aka, ludi luhita lua Ahitofele buimpe. Bualu bua Yehowa wakahangidisha bua kukudimuna mei mimpe akamba Ahitofele bua Yehowa enzele Abashaloma bualu bubi.

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Bakalenga 1:2

Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

1 Kulondolola 10:13

Nunku Shaula wakafua bualu bua bubi buandi buakenzeleye Yehowa ne bua dî dia Yehowa diakahidieye; ne bualu bua yeye wakakeba lungenyi kudi muena buloshi,

Misambu 107:27

Bakatenkakana eku ne eku, bakadi balendukalenduka bu muntu mukuatshike maluvu, meji abo onso akabuelakana.

Misambu 33:10

Yehowa udi uvuisha meji adi ba mu bisamba bia bantu bahangidisha malu a hatuhu; udi uhumbisha malu adi bantu bahangidisha bua kuenzabo.

Misambu 76:12

udi ukanda kudisua kua bakokeshi, udi ukuatshisha bakelenge ba ha buloba buowa.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Yeshaya 14:27

Bualu bua Yehowa wa misumba wakuhangidisha bualu, ne muntu kai neamanye mua kubuvuisha hatuhu? Yeye wakuolola tshianza tshiandi, muntu kai neatshihingashe ku nyima?

Yeshaya 15:2

Muana mukashi wa Dibona wakubanda ku bitendelelu bia mu mukuna bua kudilaku; ba mu Moaba badi badila ha mukuna wa Nebo, ne ha mukuna wa Medeba. Ha mitu yabo yonso hadi mabala, muedi wonso udi mubeyibue.

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yeshaya 44:25

Ndi yeye udi uhumbisha bimanyinu bia bena mashimi, udi uvuisha batempi ba mbuku bu bahale; udi wakikisha bena meji tshianyima, udi uvuisha meji abo buhote.

Yeshaya 47:12

Shala mueyemene kulowa kuebe, ne bungi bua malu ebe a buloshi, biwakuditondesha nʼabi katshia bakuela; bumue neumanye mua kudikuatshisha, ne bumue neumanye mua kukuatshisha bakuabo buowa.

Yeshaya 57:16

Bualu bua tshiena ntandangana nʼandi tshiendelele, tshiena ngikala ne tshiji matuku onso; bua nyuma wa muntu udi ufuma kundi, ne nakufuka muhuya wa muoyo.

Yeshaya 8:19

Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Yirmeya 46:15

Bualu kai bakihata bena bukitu bebe? Kabakimanaku, bualu bua Yehowa wakabahonesha hanshi.

Yezekiyele 21:7

Hakukonkabo ne, Bualu kai udi uhumuna muoyo? Wewe ubakudimune dî ne, Bualu bua lumu ludi lulua; ne halunvuabo, mitshima ya bantu bonso neyihandike, maboko onso neikale matekete, mioyo ya bantu bonso neyihange, binu bionso nebitekete-teketê bu mai. Mukelenge Yehowa udi wamba ne, Tangila, bualu ebu hudi bulua, nebuenjibue.

Yezekiyele 22:14

Mutshima webe udi mua kushindama ne bianza biebe bidi mua kushala bikole mu dituku dindi nkubikila ku tshilumbu, anyi? Meme, Yehowa, nakuamba dî edi, nendijadike kabidi.

Danyele 1:20

Mu malu onso a meji ne lungenyi lule biakabebesha mukelenge, wakabasangana bahite bena mbuku ne bena buloshi bonso ba mu bukelenge buandi misangu dikumi.

Danyele 2:2

Hashishe, mukelenge wakela dî bua kubikilabo batempi ba mbuku, bamanyi ba malu a mitoto, bena muhongo ne Bena Kasada, bua bobo bajinguluile mukelenge bilota biandi. Nunku bakabuela, bakimana ku mpala kua mukelenge.

Danyele 5:7

Mukelenge wakela dî dikole ne, Balue ne bamanyi ba malu a mitoto, Bena Kasada, ne batempi ba mbuku. Mukelenge wakambila bena meji ba mu Babulona ne, Muntu yonso wabala tshifundu etshi, wandesha dijingulula diatshi nebamuluatshishe bilulu bikunzubile, nebamuele lukanu lua or mu nshingu muandi, nebamuteke bu muisatu munkatshi mua bakokeshi na bukelenge ebu.

1 Samuele 25:37

Hakatshiabu, kukuatshika kua maluvu kua Nabala kuakashika, mukashi wandi wakamuambila malu â onso; mutshima wandi wakafua dihumpa munda muandi ne yeye wakandamuka bu dibue.