Yeshaya 17:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu dituku adi butumbi bua Yakoba nebutekeshibue, ne mafuta a mubidi wandi nealue tshinyanu.

MUKANDA WA MYIDI MUKULU

⁴ Dituku adi, bena Izrayele, nebikale banyane, bashale amu mifuba nkayayi.

Yeshaya 17:4 교차 참조

Genese 41:3

Wakamona kabidi ngombe mikuabo muanda mutekete minyane, kayakadi ne manyi nansha, yakabanda mu mai, yakimana ne ngombe mikuabo kukala kua mai.

2 Bakalenga 17:3

Shalamanese, mukelenge wa Ashû, wakaluangana nʼandi; Hoshea wakalua muntu wandi, wakamulambula milambu.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

Yeshaya 10:16

Nunku Mukelenge, Yehowa wa misumba mene, neatume disama dia tshinyanu munkatshi mua bena nvita bandi badi ne mafuta, ne muinshi mua butumbi buandi nebatemeshe tshidi tshitema bu kuosha kua kahia.

Yeshaya 10:3

Nenuenze tshinyi mu difuku dia kunulumbuluisha, ne dia kubutuka kudi kufuma ku muaba mule? Nenunyemene kudi nganyi bua yeye ankuatshishe? Nenushiye biuma bienu kudi kunyi?

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 17:3

Nebumushile Efelayima musoko wandi wa lumbu wakadi tshieyemenu tshiandi mu nvita, nebumushile Damaseke bukelenge buandi; ne bantu ba mu Sulia batshidi bashalamu ne muoyo nebikale bu butumbi bua Bena Isalele.

Yeshaya 24:13

Bualu nebuikale nunku munkatshi mua buloba, munkatshi mua bantu badimu, bu mudi kunyukula kua mutshi wa olive, bu mudi kuhumbulula kua tumuma tua nvinyo ku nyima kua kuhuola kuatu kua diambedi.

Yeshaya 24:16

Tuakunvua misambu mufume kunfudilu kua buloba mimbe ne, Muntu Muakane atumbishibue! Kadi nakamba ne, Tshinyanu tshidi tshinkuata, tshinyanu tshidi tshinkuata, mulau wankuatshi! batundianganyi ba tshitungu badi bantungila tshitungu, e, batundianganyi ba tshitungu badi batamba kuritungila tshitungu.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:8

Mukelenge wakutumina Yakoba dî, nedihone hamʼbidi ha Bena Isalele.

Yezekiyele 34:20

Bua malu â Mukelenge Yehowa udi ubambila ne, Monai, meme, meme nkayanyi, nendumbulula bilumbu bidi hankatshi ha mikoko idi ne manyi ne mikoko idi minyane.

Amosa 3:12

Yehowa udi wamba ne, Bu mudi mulami wa mikoko udihula maboko abidi anyi tshihesa tshia ditshu mukana mua nyama wa ntambue, nunku nebahandishile Bena Isalele badi bashikame mu Samalea ku ditumba dia bulalu, ne ha biata bia mu Damaseke.

Sefanya 2:11

Yehowa neabakuatshishe buowa; bualu bua neatekeshe nzambi yonso ya ha buloba ne tshiole; nebamutendelele muntu ku muaba wandi, muntu ku muaba wandi, tô ne ku maloba onso adi ku muelelu wa mai manene.