Yeshaya 17:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ba mu bisamba bia bantu badi mua kuenda lubilu bu dihueka dia lukasa dia mai a bungi, kadi Yehowa neababele, ne nebanyeme kule, nebihatshibue bu mudi bisote bia ku tshituilu tshia ha mukuna bihehudibua halua luhehele, ne bu mudi luhuishi lunyunguluka ne nvunde.

MUKANDA WA MYIDI MUKULU

¹³ Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 17:13 교차 참조

Yobe 21:18

Misangu ya bungi idibo bu bisonsa ku luhehele, ne bu bisote bidi nvunde uhehula?

Yobe 38:11

ne hanakamba bianyi ne, Nuemanye mua kufika aku, kadi kuhitshi nansha; ne kunu mene nebalekeshe kudibandisha kua mavuala ebe?

Misambu 1:4

Bantu babi kabena nunku nansha, kadi badi bu bisote bidi luhehele luhehula.

Misambu 35:5

Bikale biabo bu bisote ku mpala kua luhehele, hatshidi muanjelo wa Yehowa ubihata.

Misambu 65:7

Udi ukolesha tshiono tshia mai manene, ne tshiono tshia mavuala au, ne mutoyi wa bantu.

Misambu 65:8

Badi bashikame mu nseke ya kunfudilu kua buloba badi batshina hamonabo bimanyinu biebe. Wewe udi welesha dihatuka dia diba ne dibuela diadi mbila ya disanka.

Misambu 9:5

Wakabela bisamba bia bantu, wakubutula bantu babi; wakujimisha dina diabo tshiendelele.

Yeshaya 14:25

mbua kutshibula Muena Ashû bituha mu buloba buandi, nemmudiate muinshi mua makasa anyi ha mutu ba mikuna yanyi; hashishe, mutshi wandi wa tshikokedi neûmushibue ba nshingu ya bantu banyi, ne bujitu buandi nebûmuke ha maha abo.

Yeshaya 21:15

Bualu bua bakanyema miele ya nvita, bakanyema muele muhatula mu luhaha, ne buta bimana, ne dikenga dikole dia nvita.

Yeshaya 22:18

neakuvunge tshivungu bulelela, nenkuele bu mudiye wela ndundu mu buloba bunene. Mu muaba wawa neufue biebe, ne mu muaba wawa nemuikale makalu ebe a mushinga mukole, wewe mufuishishi wa nsubu wa nfumu webe bundu.

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Yeshaya 29:5

Kadi tshisumbu tshia badi nʼebe lukuna netshikale bu dinfuenkenya dibotesha, tshisumbu tshia badi bakuatshisha bantu buowa netshikale bu bisote bidi bihehuka kudi luhehele. Bulelela, bualu ebu nebumueneke lubilu, mu kubunya kua disu:

Yeshaya 30:28

Muhuya wandi udi bu musulu udi uhasalala mielelu yau, udi ufika tô ne mu nshingu wa muntu. Udi ulua bua kusenga bisamba bia bantu mu munyingu wa kubabutula nʼau; lukanu ludi lubahambuisha neluikale mu mbanga ya bantu aba.

Yeshaya 34:17

Yeye wakuyelela nshobo, tshianza tshiandi tshiakuyabanyina buloba ne luidi; neyibuangate tshiendelele; ku tshikondo tô ne ku tshikondo neashikamemu.

Yeshaya 40:15

Monai, bisamba bia bantu bidi bu dimata dia mai didi ditanduka ku luesu, yeye udi ubibala bu luhuishi lukese lua ha tshiamu tshia kuidikisha nʼatshi bujitu; monai, yeye udi wambula bisanga bia mu mai manene bu tshintu tshitamba bukese.

Yeshaya 40:24

Kabena banze kukunyibua musangu mule, kabena banze kumiaminyibua, kabena banze kuela miji yabo bikole mu buloba, heleye muhuya wandi hamʼbidi habo, ne badi bafubidila, ne nvunde udi ubumusha bu bisote.

Yeshaya 41:11

Monai, bonso badi bakukuatshile tshiji nebafuishibue bundu, nebabuelakane; badi bafuilangana nʼebe nebikale ba hatuhu, nebajimine.

Yeshaya 8:7

tangila, Mukelenge neabavuishile mai a ku Musulu wa Pelata, adi makole ne adi mavula-ngane, au mmukelenge wa Bena Ashû ne butumbi buandi buonso. Wowo neubande ha mutu ha mitubu yau yonso, neuhasalale mibungiji yau yonso.

Danyele 2:35

Hashishe, tshiamu tshifike, dima, tshiamu tshia mitaku, tshiamu tshia argent ne tshiamu tshia or biakatshibuka bituha bituha diatshimue; biakalua bu bisote bidi bihehuka mu bishihuidi mu tshidimu tshia munya. Luhehele luakabihehula, bua muanda eu kabakasangana nansha katuha kabi kabidi; kadi dibue adi diakakuma luhingu diakalua mukuna munene, diakusha buloba bujima tente.

Osheya 13:3

Bua muanda eu nebikale bu ditutu dia lunkelu, ne bu mume udi ukama lukasa, bu bisote bidi nvunde uhehula ku tshishihuidi, anyi bu muishi wa kahia udi uhatuka mu dididishi.

Sefanya 2:2

diambedi mukenji kauyi muanze kukola, diambedi dituku kadiyi dianze kuhita luhilu bu mudi bisote bihehuka, diambedi tshiji tshikole tshia Yehowa katshiyi tshianze kufika kunudi; diambedi dituku dia tshiji tshia Yehowa kadiyi dianze kufika kunudi.