Yeshaya 17:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu dituku diudi wikuna nansha wewe winyunguluka ne luhangu lua mitshi hatshiabu ne dinda wewe mumane kukuna nansha wewe muvuishe maminu ebe bilongo, kadi bintu bia kunowa nebikujimine mu dituku dialua masama ne kanyinganyinga kadi kakayi kamanye mua kuholeshibua.

MUKANDA WA MYIDI MUKULU

¹¹ Kadi nansha binuvua bakune bitoloke dituku adi, nansha bionsu binuvua bamiamine dinda, biele bilongu amu dituku adi, kanuena nunowa tshintu to. Dituku dia diakabi adi, nenumone amu makenga, muntu nansha umue kena mua kunuambuluisha.

Yeshaya 17:11 교차 참조

Yobe 4:8

Bu munakamana kutangila, badi bihila malu mabi, ne badi bakuna ntatu, nebahuole malu â muomumue.

Misambu 90:6

Adi adiunda bimpe ne dinda, adi akola; halua dilolo, adi mutahibue ne adi afubidila.

Yeshaya 17:5

Bualu ebu nebuikale bu mudibo benza hadi banowi ba blé banowa maminu adi ashala mu budimi, ne tshianza tshiandi tshidi tshinowa miehu ya blé, muomu, nebuikale bu mudibo benza hanowa muntu miehu ya blé mu tshibanda tshia Bena Lefa.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Osheya 8:7

Bua bobo badi bakuna luhehele, nebahuole nvunde; kakuena kuikala lukolakola lua manvua; lutonga kaluena lukuama tshintu; biakuamalu, bantu ba bende nebadie maminu alu.

Osheya 9:16

Ba mu Efelayima bakutahibua, muji wabo wakûma, kabena bakuama mamuma. E, nansha bialelabo bana, nenshihe bana bananga badibo balela.

Yowele 1:17

Maminu adi abola muinshi mua mabuwa a buloba, mayeba adi manyanguke, nsubu ya kuelamu bia kudia yakûhuka, bualu bua manvua akufubidila.

Lewitiki 26:20

nenuenze mudimu wenu tshianana bualu bua buloba kabuena bukuama bintu, ne mitshi ya mu buloba kayena ikuama mamuma.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Dielulula 28:39

Nenukune mitshi ya tumuma tukese, nenuyilame bimpe, kadi kanuena nunua nvinyo, kanuena nuhuola tumuma; bualu bua bishi nebitudie.