Yeshaya 16:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua madimi a mu Heshebona adi amba kuhanga, ne muonshi wa mu Sibema udi uhanga kabidi; bakokeshi ba bisamba bia bantu bakuahula matamba au, matamba a muonshi wawa akafika tô ne ku Yazê, wakendakana tô ne ku tshihela, ntonga yau yakenda mu miaba mikuabo, yakasabuka mai manene.

MUKANDA WA MYIDI MUKULU

⁸ Madimi a mu Eshebone adi munda mutupu! Mionji ya mvinyo ya mu Sibma idi mifubidile. Bakalenga ba matunga, bavua bakuatshika maluvu a ku mionji ayi. Mionji ayi ivua yela matamba too ne ku Yazere, ibuela too ne mu tshipela. Ntonga yayi idi ilamba, too ne dia muamua dia Mayi manene a luepu.

Yeshaya 16:8 교차 참조

2 Samuele 1:21

Nuenu, mikuna ya Gileboa, mume ne nvula kabinumatshidi, madimi kikadi ne bia kudia. Bualu bua bakimashaku ngabu wa muena bukitu, ngabu wa Shaula mene, bu muntu wakadi kayi ne manyi mela ha mutu.

Yeshaya 10:7

Kadi yeye kena welangana meji nunku, ne mutshima wandi kawena ne meji â; kadi mu mutshima wandi mudi anu muanda wakuhangidisheye, wa kubutula, ne wa kumana bisamba bia bungi.

Yeshaya 15:4

Ba mu Heshebona ne ba mu Eleale badi badila bikole, mei abo adi unvuika tô ne ku Yahasa; nunku bena nvita ba mu Moaba badi basa muadi bikole, ne mutshima wa Moaba udi uzakala.

Yeshaya 16:9

Nunku nendidile muonshi wa mu Sibema ne muadi wa Yazê; nennuboleshe ne binsonshi bianyi, nuenu Heshebona ne Eleale; bualu bua mbila ya bena nvita yakunvuika mu muaba wa tumuma tuenu ne ha diba dia kunowa kuenu.

Yeshaya 24:7

Nvinyo muhia-muhia udi ujinga, muonshi wa tumuma tua nvinyo wakulekela, bonso badi ne mitshima ya disanka badi bahumuna.

Yirmeya 48:32

Wewe, muonshi wa tumuma tua nvinyo wa mu Sibema, nenkuashile muadi muhite unakuashila Yazê! Matamba ebe akahita ha mutu ha mai manene, akafika tô ne ku Yazê; muhaudi wakudiela ha mamuma ebe a mu tshikondo tshia luya ne ha tumuma tuebe tua nvinyo

Dibadika 21:32

Mose wakatuma bantu bua kutentekelabo buloba bua Yazê, ne bakanyenga misoko ei kabidi, bakihata Bena Amole bakadimu.

Dibadika 32:3

Atalota ne Dibona ne Yazê ne Nimela ne Heshebona ne Eleale ne Sebama ne Nebo ne Beone,

Dibadika 32:35

Atalota shofana ne Yazê ne Yogebeha,

Dibadika 32:38

ne Nebo ne Bâla-meona (bakidika misoko ei mena mahia-mahia) ne Sibema; bakidika misoko mikuabo yakasabo mena mahia-mahia.

Yoshua 13:19

Kiyatayima ne Sibema ne Selete-shaha udi munkatshi mua tshibanda,

Yoshua 13:25

Mukalu wabo wakadi ku Yazê ne misoko yonso ya Gilada ne tshituha tshia buloba bua Bena Amona tô ne ku Aloe udi ku mpala kua Laba;