Yeshaya 13:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Nyama ya bimungu neyidile mu mbalasa ya bukelenge babo, mibuabua neyidile mu nsubu yabo ya mushinga mukole. Tshikondo tshiandi tshia kubutuka tshidi tshiamba kufika, ne matuku andi kaena aleha.

MUKANDA WA MYIDI MUKULU

²² Nyama ya bimungu neilale mu nzubu minene ya mu tshimenga. Nyama ya mibuabua neidile mu nzubu ya bakalenga. Tshikondu tshia kubutula Babilone tshikadi pabuipi. Bakadi bamane kubala matuku ende.

Yeshaya 13:22 교차 참조

Misambu 44:19

bua wewe wakuntshibula bituha bituha bua muanda eu mu muaba wa mizeu, ne bua wewe wakutubuikila mu mîdima mikole.

Yeshaya 14:23

Yehowa wa misumba udi Wamba ne, Nenvuishe musoko eu muaba wa nkese ne muaba wa bintampi. Nenkombemu ne lukombo lua kubutula nʼalu.

Yeshaya 25:2

Bualu bua wakuyisha musoko munene dikolo, wakuvuisha musoko wa ngumbu ya nvita dibutuka, wakuyisha muaba mukole wa bantu ba bende hatuhu bua kawikadi musoko kabidi, ne kabena bawibaka kabidi tshiendelele.

Yeshaya 32:14

Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

Yeshaya 34:13

Meba neatoloke mu mbalasa yabo ya bunfumu, mpesa ne mingonge nebitoloke munda mua ngumbu yabo ya nvita; nebuikale muaba wa mibuabua kuendakanayimu, tshiendelu tshia nyunyu ya nfiondo.

Yeshaya 34:14

Nyama ya mu tshihela neyisangakaneku ne nyama mikuabo idi idila, mbushi wa mu tshisuku nêle muanʼabo dî; nyama munene mukashi udi wendakana butuku neashikameku, neahete tshikishilu tshiandi mu muaba au.

Yeshaya 35:7

Lusenga ludi lubalakana neluandamuke dishiha dia mai, ne buloba budi kabuyi ne mai nebuikale ne mishimi ya mai; mu miaba yakalala mibuabua nemuikale muaba wa masele ne malenge.

Yeshaya 43:20

Nyama ya mu mpata neyintumbishe, mibuabua ne nyunyu ya nfiondo muomumue, bualu bua ndi mpatula mai mu tshihela, ne misulu mu tshihela tshia lusenga bua kunuisha bantu banyi banakusungula,

Yirmeya 48:16

Kubutuka kua Moaba kudi kuamba kufika, dikenga diandi didi dilua lukasa.

Yirmeya 51:33

Bualu bua Yehowa wa misumba, Nzambi wa Isalele, udi wamba ne, Muana mukashi wa Babulona udi bu tshishihuidi mu tshikondo tshidibo bashihula blé, hahita musangu muihi, tshidimu tshia kuhuola bintu biandi netshifike.

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Muadi 4:3

Nyama ya mibuabua mene mene idi yamusha bana bai mabele; kadi muana mukashi wa bana betu wakulua bu muena lukinu, bu nyunyu ya nfiondo ya mu tshihela tshia lusenga.

Mika 1:8

Bua muanda eu nengase muadi, nendile, nengende butaka ne ku makasa kutuhu; nengase muadi bu wa mibuabua, nendile ne kudila bu kua nyunyu wa nfiondo.

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Sefanya 2:14

Bisumbu bia nyama nebilale hanshi munkatshi muau, nyama ya mu mpata ya mishindu yonso. Mpunga tshikola ne nkese nebishikame ha mutu ha bibumba; nyunyu mikuabo bu tshihungulu ne tshikololo neyele dî mu masoso a nsubu; dibutuka nedikale mu mbelu yonso, bualu bua yeye wakamuenesha hatoke tô miaba yakalengeshabo ne mabaya a cêdre.

Dielulula 32:35

Kusombuela kudi kuanyi, ne difutu kabidi, halua dituku didi dikasa diabo difinuka, bualu bua dituku dia dikenga diabo diakalua, ne malu akadi ha kulua kudibo nealue lubilu.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.