Yeshaya 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

MUKANDA WA MYIDI MUKULU

¹ Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 12:1 교차 참조

Nehemya 8:10

Hashishe yeye wakabambila ne, Yai bienu kuenu, nudie bintu bia manyi, mume bintu bidi bishemakane, nutumine bantu badi hatuhu bintu bia kudia; bualu bua edi ndituku dia tshijila kudi Mukelenge wetu; kanunyingalashi mitshima yenu, bualu bua disanka dia Yehowa mbukole buenu.

Yobe 11:16

Bualu bua tshihua muoyo netshikukuate bua dikenga diebe, neudivuluke anu bu mai mamane kuhueka.

Yobe 13:16

Kadi bualu ebu nebuikale luhandu luanyi ne, Muntu udi ubenga Nzambi kena ne bukitu bua kulua ku mpala kuandi.

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Misambu 71:21

Uvudishe buneme buanyi, uhingane kabidi kundi, unsambe.

Misambu 85:4

Utuhingashe, Nzambi wa luhandu luetu, ulekele tshiji tshiudi nʼatshi kutudi.

Misambu 86:17

Undeshe tshimanyinu tshia disanka diebe kundi, bua badi nʼanyi lukuna bamanye mua kutshimona, bafuishibua bundu; bualu bua wewe, Yehowa, wakunkuatshisha, wakunsamba.

Misambu 9:1

Nensakidile Yehowa ne mutshima wanyi wonso; nengambile bantu bua malu ebe onso a kukema.

Yeshaya 10:25

Bualu bua, haleha anu tshituha tshihi, tshiji tshianyi tshiakadi tshinkuata bua bualu buenu netshihuwe, netshibakudimukile hua kubabutula.

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 11:16

Nshila munene mufume ku buloba bua Ashû neikaleku bua difuka dia bantu bandi diendelemu, bu muakadiku tshikuabo bua Bena Isalele bendelemu mu dituku diakahatukabo mu buloba bua Ejipitu.

Yeshaya 14:3

Hashishe, mu difuku adi hakukuha Yehowa dikisha ku dikenga diebe ne ku malu akadi akutatshisha ne ku mudimu mukole wakakuenzeshabo ku bukole,

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 25:1

Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 51:3

Bualu bua Yehowa wakusamba Siona, wakusamba miaba yau yonso yakadi bikulu, wakuvuisha tshihela tshiau bu budimi bua Edene ne tshihela tshiau tshia lusenga bu budimi bua Yehowa. Disanka ne disankidila nebikalemu, ne kusakidila ne dî dia kuimba kua misambu.

Yeshaya 54:7

Yehowa Muhikudi webe udi wamba ne, Nakukulekela katuha kihi, kadi nenkuhingashe kundi ne luse lunene.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Yeshaya 54:9

Bua bualu ebu budi bu muakadi matuku a Noa kundi; bua bu munakadi tshiha bua mai a nvula mu matuku a Noa ne, Kaena alua ha buloba kabidi, nunku nakuditshiha ne, Tshiena nkuata nʼebe tshiji kabidi, tshiena nkubela.

Yeshaya 60:10

Bantu ba mu bisamba bia bende nebibake ngumbu yebe kabidi, bakelenge babo nebakukuatshile mudimu; bualu bua nakakukuma mu tshiji tshianyi, kadi mu dinanga dianyi dinakukulesha nakukufuila luse.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yeshaya 64:5

Wewe udi wakidila muntu udi wenza bienzedi biakane ne disanka, udi wakidila badi bakuvuluka mu bienzelu biebe. Mona, wewe wakadi ne tshiji, ne tuakenza malu mabi; tuakadimu musangu mule, netusungidibue, anyi?

Yeshaya 65:18

Kadi nuikale bienu ne disanka, nusanke tshiendelele, mu muanda eu undi nfuka; bua monai, ndi nfuka Yelushalema bua kuikaleye disanka, ne ndi nfuka bantu bandi bua kuikalabo disanka.

Yeshaya 66:13

Bu mudi muntu udi mamuʼandi usamba, nennusambe muomumue; nenusambibue mu Yelushalema.

Yirmeya 30:19

Dî dia kusakidila nedihatuke munda muai, ne dî dia bantu badi basanka. Nembavudishe ne kabena bikala bantu babalê; nembatumbishe, ne kabena bikala bantu bahuekele.

Yirmeya 31:13

Hashishe mishikankunde itshidi kamama neyisanke mu kuja kua maja, ne bansongalume ne bakulumpe nebasanke diatshimue; bualu bua nengandamune madilu abo alue disanka, nembasambe, nembahingashile disanka bua kanyinganyinga kakadibo nʼaku.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Zekâya 1:16

Nunku Yehowa udi wamba ne, Nempingane ku Yelushalema ne luse; nebasemu nsubu wanyi kabidi. Yehowa wa misumba udi wamba ne, Nebolole muonshi bua kuidikisha nʼau Yelushalema.

Zekâya 14:20

Mu dituku adi nemuikale mei mafunda ha ndibu ya tubalu ne, BIA TSHIJILA BIA YEHOWA; ne ngesu ya mu nsubu wa Yehowa neyikale ya tshijila bu mudi malonga a milambu adi ku mpala kua tshioshelu.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Zekâya 8:11

Yehowa wa misumba udi wamba ne, Katataka tshiena bu munakadi mu matuku a diambedi kudi difuka dia bantu aba.

Zekâya 8:19

Edi ndî didi Yehowa wa misumba wamba ne, Kujila kua bia kudia kua mu ngondo muinai, kua mu ngondo muitanu, kua mu ngondo wa muanda mutekete ne kua mu ngondo wa dikumi, nekuikale bu masanka ne musangelu, ne bu bikondo bia bia kudia bia disanka kudi Bena Yuda. Nunku suai bushuwa ne ditalala.

Rome 11:15

Bua bikata kumushibua kuabo kuakulua dilengesha dia ba ha buloba ne Nzambi, ditabushibua diabo nedilue tshinyi tshikuabo, anu muoyo wa ku bafue mene?