Yeshaya 11:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

MUKANDA WA MYIDI MUKULU

⁹ Kabakuenzelangana kabidi bibi, nansha kunyangilangana bintu pa mukuna mujima wa tshijila wa Maweja-Nangila. Ditunga dijima nediuwule ne dimanya dia Maweja-Nangila, amu bu mudi mayi uwuja mayi manene.

Yeshaya 11:9 교차 참조

Yobe 5:23

Bualu bua neuhunge tshihungidi ne mabue bua kânyangi madimi ebe, ne nyama ya mu mpata neyikale nʼebe ditalala.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Misambu 78:54

Wakasankisha ku butshika bua buloba buandi bua tshijila, tô ne ku mukuna eu wakadi tshianza tshiandi tshia bukole tshihete.

Yeshaya 11:13

Efelayima nealekele mukau wandi, ne badi batatshisha Yuda nebajimine. Efelayima kena wikala ne Yuda mukau, ne Yuda kena utatshisha Efelayima.

Yeshaya 11:8

Muana utshidi wamua mabele neanayile ha mutu ha buina bua nyoka wa dikala, muana mumane kujila mabele neateke tshianza tshiandi ha buina bua nyoka wa ntoka.

Yeshaya 2:4

Yeye nealumbulule bilumbu bia munkatshi mua bisamba bia bantu, neakosele bantu ba bungi bilumbu biabo; bobo nebafule nkasu ya kudima nʼai ku miele yabo ya nvita, nebatule miele ya kukosa nʼai matamba mafubidila a mitshi ku mafuma abo; tshisamba tshikuabo katshiena tshibisha muele wa nvita bua kuluisha nʼau tshisamba tshikuabo, ne kabena bayila lungenyi lua kuluangana nʼalu nvita kabidi.

Yeshaya 30:26

Bualu bukuabo kabidi, munya udi ufuma ku ngondo newikale bu munya udi ufuma ku diba, ne munya wa ku diba neuvudishibue misangu muanda mutekete, newikale bu munya wa matuku muanda mutekete, mu dituku didi Yehowa ujingila mputa ya bantu bandi, ne udi ukamisha mputa yakatahibuabo.

Yeshaya 32:16

Mu diba adi kulumbulula kuakane nekushikame mu tshihela, buakane nebushale mu budimi budi bulua ne bia kudia bia bungi.

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Yeshaya 35:9

Kakuena kuikalamu nyama wa ntambue, nyama mukuabo udi utuasangana kena ubandamu; kabena bayisanganamu; kadi bakuhikudibua ku buhi nebendelemu.

Yeshaya 45:6

bua bantu ba kudi kuhatuka diba, ne ba kudi kubuela diba bamanye ne kakuena mukuabo muomumue nʼanyi. Meme ndi Yehowa, ne kakuena mukuabo nansha.

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Yeshaya 54:5

Bua Mufuki webe udi bayebe, Yehowa wa misumba ndina diandi. Wa Tshijila wa Isalele udi Muhikudi webe; nebamubikile ne, Nzambi wa buloba buonso.

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yeshaya 59:19

Nunku nebatshine dina dia Yehowa ku wesete, nebanemeke butumbi buandi ku luseke ludi diba dibanda; bualu bua yeye nealue bu musulu wa mai adi ahueka lubilu, udi muhuya wa Yehowa wendesha.

Yeshaya 65:25

Tshimungu ne muana wa mukoko nebikale hohamue bua kudia, nyama wa ntambue neadie mashinde bu ngombe, ne dinfuenkenya nedikale bia kudia bia nyoka. Yehowa udi wamba ne, Kabiena bienzela bintu bibi ne kabiena bibishiha mu mukuna wanyi wa tshijila wonso.

Yeshaya 66:18

Bualu bua ndi mumanye midimu yabo ne meji abo, ndualua bua kusangisha bisamba bionso bia bantu ne nuaku yonso; nebalue, nebamone butumbi buanyi,

Yeshaya 66:20

Nebalue ne bana benu bakuhatulabo mu bisamba bionso bia bantu bua kubafila bu mulambu kudi Yehowa, babendesha ha nyima ha tubalu, mu makalu, mu bihoyi, ha nyima ha nyama ya mpunda, ne ha nyima ha tumelo. Yehowa udi wamba ne, Nebalue nʼabo ku mukuna wanyi wa tshijila, Yelushalema mene, bu mudi Bena Isalele balua ne mulambu wabo wa bia kudia mu dilonga ditoke ku nsubu wa Yehowa.

Yirmeya 31:23

Yehowa wa misumba, Nzambi wa Isalele, udi wamba ne, Hanabumusha mu buhika bua kubaha diakalengele, nebambe mei â mu buloba ne mu misoko ya mu Yuda ne, Yehowa akusankishe, wewe nsubu wa buakane, wewe mukuna wa tshijila!

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.

Yezekiyele 47:5

Ku nyima wakidikisha tshinunu tshinai, ne akadi musulu unakadi tshiyi mumanye mua kusabuka ku makasa; bualu bua mai akamana kubanda, mai a dilembue a kuowela, musulu wakadi muntu kayi mumanye mua kusabuka ku makasa.

Danyele 11:45

Hashishe, neashimike ntenta yandi ya bukelenge hankatshi ha mai manene ne mukuna wa tshijila ne wa butumbi. Kadi neafike kunshikidilu kua muoyo wandi, kayi ne muntu wa kumukuatshisha.

Danyele 12:4

Kadi wewe, Danyele, lama mei a, uteke tshimanyishilu ku mukanda eu, bishale nunku tô ne ku tshikondo tshia kunshikidilu. Ba bungi nebatambakane, lungenyi neluvulangane.

Osheya 2:18

Mu dituku adi kabidi nembahungile tshihungidi ne nyama ya mu mpata, nyunyu ya mulu ne bintu bidi bidikoka hanshi; nentshibule buta ne muele wa nvita ne bielelu bia nvita, nemmumushe mu buloba, nembaladike hanshi kabayi ne ntatu.

Yowele 3:17

Nunku nuenu nenumanye ne, Meme, Yehowa Nzambi wenu, ndi mushikame mu Siona, mukuna wanyi wa tshijila. Yelushalema neikale muaba wa tshijila, bantu ba bende kabena bahitshilamu kabidi.

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Zekâya 8:3

Yehowa udi wamba ne, Nempingane ku Siona, nenshikame munkatshi mua Yelushalema; nebabikile Yelushalema ne, Musoko wa kungeyemena; nebabikile mukuna wa Yehowa wa misumba ne, Mukuna wa tshijila.

1 Tesalonike 5:15

Numone ne muntu kahingishidi mukuabo bubi ku bubi buandi; kadi misangu yonso nulondelangane malu adi mimpe muntu ne muntu, ne kudi bonso.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.