Yeshaya 11:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Buakane nebuikale mukaba wa mu tshimono tshiandi, kujalama kuandi kulelela nekuikale mukaba wa ku tshifuka tshiandi.

MUKANDA WA MYIDI MUKULU

⁵ Bu mudi muntu ne mukaba musuike mu tshimonu diba dionsu, udi ne muoyi umue, wenza amu bidi bimpe kayi ulekela.

Yeshaya 11:5 교차 참조

Misambu 109:19

Wikale biau kudiye bu tshmialu tshidiye udiluatshisha nʼatshi, bu mukaba udiye udijingila nʼau matuku onso.

Misambu 45:4

Mu butumbi buebe wende biebe utamba bukole mu nvita bua malu a bushuwa, a kalolo ne a buakane. Tshianza tshiebe tshia balume tshikuyishe bienzedi bidi bikuatshisha bantu buowa.

Misambu 89:9

Udi ukokesha kutuntumuka kua mai manene; habanda mavuala au, wewe udi wabutamisha.

Misambu 93:1

Yehowa udi ukokesha; udi muluate butumbi; Yehowa udi muluate bukole, wakudijingila nʼabu. E, buloba budi bujadikibue, kabuena bunyungishibua.

Yeshaya 25:1

Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

Yeshaya 32:1

Monai, mukelenge neakokeshe mu buakane, ne bakokeshi nebakokeshe mu kulumbulula kuakane.

Yeshaya 59:17

Yeye wakavuala buakane bu kazaku ka tshiamu ka nvita, wakasa tshifulu tshia luhandu ha mutu handi, wakavuala bivualu bia disombuela bu bilulu biandi, wakadiluatshisha lukunukunu lua nvita bu tshikowelu.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Osheya 2:20

Nenkubangile ne kuditshiha kûdi mua kueyemena, ne wewe neumanye Yehowa.

Zekâya 8:16

Nudi ne bua kuenza malu â. Ambilanganai mei a bushuwa, buonso buenu, muntu ne muntu ne muena mutumba nʼandi; kosai bilumbu mu bilumbuluidi bidi ku bibuelelu bia musoko ne kulumbulula kua bushuwa ne kua ditalala.

2 Korente 6:7

ne mu dî dia bushua, ne mu bukole bua Nzambi; ne ku bintu bia nvita bia buakane bikuata ku tshianza tshia balume ne ku tshianza tshia bakashi,

Efeze 6:14

Nunku imanai bienu, bamane kusuika bulelela mu bifuka bienu bu mukaba, bamane kuteka buakane bu tshibuikilu tshia ha tshiadi;

Ebrewu 2:17

Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

1 Petro 4:1

Nunku, bualu bua Kilisto wakakenga mu mubidi, nuenu nudiluatshishe ne meshi momumue; bua wakakenga mu mubidi wakumana kulekela malu mabi,

1 Yone 1:9

Bituatonda mibi yetu, yeye udi wa kueyemenyibua ne udi ne buakane bua kubuikidila mibi yetu, ne bua kutulengesha ku malu mabi onso.

Didimanyisha 1:13

ne munkatshi mua bitekelu bia minda nakamona mukuabo mufuana muana wa muntu, muluate tshilulu tshifika tô ne ku makasa, ne munyungulula ne mukaba wa ngolo ha tshiadi tshiandi.

Didimanyisha 3:14

Fundila muanjelo wa ekelesia wa ku Laodikiya ne, Udi Amen, mumanyishi wa kueyemena ne mulelela, tshibangidilu tshia bufuki bua Nzambi ne,