Yeshaya 11:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

MUKANDA WA MYIDI MUKULU

⁴ Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 11:4 교차 참조

2 Samuele 8:15

Davidi wakakokesha Bena Isalele bonso; Davidi wakalumbuluila bantu bandi bonso biakane, wakabenzela malu makane.

Yobe 15:30

Yeye kena wehuka midima; ludimi lua kahia nelufubishe ntonga yandi; ku muhuya wa mukana mua Nzambi yeye neahehuke.

Yobe 4:9

Badi bafua ku muhuya udi uhatuka mukana mua Nzambi, bua bukole bua tshiji tshiandi badi babutudibua.

Misambu 110:2

Yehowa neolole bukokeshi buebe bu dikombo kule bubangile mu Siona. Ukokeshe biebe munkatshi mua badi nʼebe lukuna.

Misambu 18:8

Muishi wa kahia mufume mu diulu diandi wakabanda mulu, kahia kakahatuka mukana muandi kakosha bintu. Makala a kahia matemesha kudiye akakalundula.

Misambu 2:9

Wewe neubatshibule ne dikombo dia tshiamu; neubasunsulule bu mudibo basunsula luesu lua mufumbi wa ngesu.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Yeshaya 1:17

nuyile mua kuenza malu makane; nukebe kulumbulula kuakane, nuenzeshe mukengeshi bua yeye kuenza biakane; nulumbulule bilumbu bia bana ba nshiya ne kulumbulula kuakane, nuakuile bakashi ba mu lufuila mu bilumbuluidi.

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 14:30

Banʼa bute ba bahele nebikale ne bia kudia, ne bakengi nebalale tulu kabayi ne ntatu; kudi nenshihe ba ku muji webe ne tshiole, ne bantu bebe badi bashala ne muoyo nebashihibue.

Yeshaya 16:5

mu diba adi nkuasa wa bukelenge neajadikibue mu kuleshangana kua luse. Mukuabo neashikamemu mu kujalama kuandi kua bushuwa, mu ntenta wa Davidi mene, neikale mulumbuluishi udi ukeba kulumbulula ne kulumbulula kuakane, muikale ne lukunukunu lua kuenza bienzedi biakane.

Yeshaya 2:4

Yeye nealumbulule bilumbu bia munkatshi mua bisamba bia bantu, neakosele bantu ba bungi bilumbu biabo; bobo nebafule nkasu ya kudima nʼai ku miele yabo ya nvita, nebatule miele ya kukosa nʼai matamba mafubidila a mitshi ku mafuma abo; tshisamba tshikuabo katshiena tshibisha muele wa nvita bua kuluisha nʼau tshisamba tshikuabo, ne kabena bayila lungenyi lua kuluangana nʼalu nvita kabidi.

Yeshaya 26:6

Dikasa nediudiate muinshi muadi; makasa a bahele, ne bidiatshidi bia bakengi nenudiate hanshi.

Yeshaya 29:19

Bena kalolo kabidi nebavudishe disanka diabo mu Yehowa, bahele ba munkatshi mua bantu nebasanke mu Wa Tshijila wa Isalele.

Yeshaya 3:14

Yehowa neabande bankolomo ne bakokeshi babo ba bantu bandi ne, Nuenu mene bakudia tumuma tuonso tua mu budimi bua tumuma tua nvinyo; bintu binuakunyenga kudi bahele bidi mu nsubu yenu.

Yeshaya 30:28

Muhuya wandi udi bu musulu udi uhasalala mielelu yau, udi ufika tô ne mu nshingu wa muntu. Udi ulua bua kusenga bisamba bia bantu mu munyingu wa kubabutula nʼau; lukanu ludi lubahambuisha neluikale mu mbanga ya bantu aba.

Yeshaya 30:31

Bua dî dia Yehowa Muena Ashû neikale ne buowa bukole; neamukume ne tshibonge tshiandi.

Yeshaya 30:33

Bualu bua bakumana kulongolola tshioshelu tshia kuoshelahu bitalu; e, bakutshilongoluela mukelenge; bakutshivuisha tshile ne tshinene; bakutentekashaku makala ne nkunyi ya bungi; muhuya wa Yehowa, udi bu musulu wa soufre, udi ubitemesha.

Yeshaya 32:1

Monai, mukelenge neakokeshe mu buakane, ne bakokeshi nebakokeshe mu kulumbulula kuakane.

Yeshaya 32:7

Bielelu bia nvita bia muena budimu bidi bibi; udi udihangidishila biandi bienzedi bibi bua kubutula nʼabi bahele ku mei a mashimi, nansha hamba muntu muhele mei adi malelela.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yeshaya 40:7

Mashinde adi afubidila, tshilongo tshidi tshitutuka, bualu bua Yehowa udi wela muhuya wandi hamʼbidi habi; bulelela, bantu badi bu mashinde.

Yeshaya 49:2

Wakuvuisha mukana muanyi bu muele wa nvita udi musakisha bimpe; wakunsokoka mu dileshi dia tshianza tshiandi; wakunvuisha mukete musenene, wakunsokoka mu musaka wandi wa mikete.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yirmeya 33:15

Mu matuku au ne mu tshikondo atshi nemmeneshile Davidi Lutonga lua buakane, yeye neajadike kulumbulula kuimpe ne buakane mu buloba.

Yirmeya 5:28

Badi ne mafuta a bungi hamʼbidi habo, dikoba diabo didi dinuna; badi batamba kuenza malu mabi; kabena bakuila bana ba nshiya bilumbu biabo bua bana bikale ne diakalengele, kabena bakuatshisha bakengi bua kuhetabo bintu bidibo nʼabi bualu.

Osheya 6:5

Nunku nakubafila ku mei a baprofete, nakubashiha ku mei a mukana muanyi; ne kulumbulula kuanyi kudi kuhatuka bu mudi munya uhatuka.

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Malaki 4:6

Yeye neakudimune mitshima ya batatu bua ihingane kudi bana babo, neakudimune mitshima ya bana bua ihangane kudi batatu babo; bua meme tshilu kubutula buloba ku mulau.

Matayi 11:5

bafofo badi batabala, balema badi benda, bena nsudi badi balengeshibue, bena mahaha badi bunvua, bafue badi babishibua ku lufu, badi bambila bahele lumu luimpe lua Nzambi,

Matayi 5:5

Badi ne mitshima mihuekela badi ne disanka, bua bobo nebahiane buloba.

Bienzedi 9:1

Shaula wakatshidi ufunyina bayidi ba Mukelenge bua kubashiheye, wakaya kudi muakuidi munene.

2 Korente 10:1

Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

Ngalate 5:23

kudihuekesha, kudikanda; kakuena mukandu ku malu â.

2 Tesalonike 2:8

Hashishe muntu wa buhidia neabuluibue, udi Mukelenge Yesu ulua kushiha ne muhuya wa mukana muandi, neamuvuishe bu tshintu tshia tshianana ku dimueneka dia kulua kuandi.

Tite 3:2

kabakudi mei mabi bua muntu; kabikadi ne kutandangana: bikale ne buhole, baleshe bantu bonso kalolo konso.

Yakobe 3:13

Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.

Didimanyisha 1:16

Wakadi ne mitoto muanda mutekete mu tshianza tshiandi tshia balume, ne mukana muandi muakahatuka muele wa nvita mutue mutuisha nseke ibidi; ne mpala wandi wakadi bu diba hatemadi ne bukole buadi.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Didimanyisha 19:15

Muele wa nvita mutuisha udi uhatuka mukana muandi, bua kutaheye nʼau bisamba bia bantu, ne yeye neabakokeshe ne dikombo dia tshiamu; ne yeye udi udiata tshikaminu tshia bukole bua tshishi tshia Nzambi wa Bukole Buonso.

Didimanyisha 2:16

Nunku, ukudimune mutshima webe; anyi nendue kûdi lubilu, ne nenduangane nʼabo nvita ne muele wa nvita wa mukana muanyi.