Yeshaya 11:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

MUKANDA WA MYIDI MUKULU

¹⁰ Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Yeshaya 11:10 교차 참조

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

1 Kulondolola 2:12

Boaza wakalela Obeda, ne Obeda wakalela Yishai;

Misambu 116:7

Alukila ku dikisha diebe, wewe muoyo wanyi, bualu bua Yehowa wakukuenzela malu mimpe makumbane.

Misambu 145:11

Nebambilangane bua butumbi bua bukelenge buebe, nebakulangane bua bukole buebe,

Misambu 149:5

Bantu handi bahanga basankile mu butumbi, bimbe ne disanka halalabo ha malalu abo.

Misambu 91:1

Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

Misambu 91:4

Neakubuikile ne masala andi, neusangane tshinyemenu muinshi mua mahuahua andi; bujalame buandi bua bushuwa budi ngabu wa ha tshiadi ne ngabu wa ku tshianza.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 11:12

Yeye neabishile ba mu bisamba bia bantu dibendela, neasangisheku ba mu Isalele bakihatabo kudi bantu ba bende, neasangishe honso bamuangalashibue ba mu Yuda hohamue, ba ku matengu anai a buloba.

Yeshaya 14:3

Hashishe, mu difuku adi hakukuha Yehowa dikisha ku dikenga diebe ne ku malu akadi akutatshisha ne ku mudimu mukole wakakuenzeshabo ku bukole,

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 2:2

Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Yeshaya 28:12

Wakumana kubambila ne, Etshi ntshikondo tshia kuikisha, nuheshe muntu muhungile dikisha; etshi ntshikondo tshia kukankamika. Kadi kabakasua kunvua nansha.

Yeshaya 42:4

Kena uhanga kushindama, mutshima wandi kawena unema bujitu, tô ne hajadikeye kulumbulula kuakane ha buloba; ne ba mu maloba a ku muelelu wa mai manene nebindile diyisha dia mikenji yandi.

Yeshaya 49:22

Mukelenge Yehowa udi wamba ne, Tangila, meme nengolole tshianza tshianyi kudi bisamba bia bantu, nembandishe dibendela dianyi bu tshimanyinu kudi bantu. Nebalue ne bana bebe ba balume mu tshiadi tshiabo, nebatuale bana bebe ba bakashi ha maha abo.

Yeshaya 59:19

Nunku nebatshine dina dia Yehowa ku wesete, nebanemeke butumbi buandi ku luseke ludi diba dibanda; bualu bua yeye nealue bu musulu wa mai adi ahueka lubilu, udi muhuya wa Yehowa wendesha.

Yeshaya 60:3

Bisamba bia bantu nebilue ku munya webe, bakelenge nebalue ku dinkenke dia kubanda kua munya webe.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

Yeshaya 62:10

Hitai, hitai mu bibuelelu, longoluelai bantu nshila; elai, elai mabula mu tshibebe, umushaimu mabuo, bandishilai bantu dibendela.

Yeshaya 66:19

nenteke tshimanyinu munkatshi muabo. Nentumine bamue badi bahanduka munkatshi muabo kudi bisamba bia bantu, ku Tâshishi, ku Pula, ku Luda, bobo badi banana buta, ku Tubala ne ku Yawana, ku maloba a kule adi ku muelelu wa mai manene, hadi kabayi banze kunvua lumu luanyi lunene, kabayi banze kumona butumbi buanyi. Nebabambile bua butumbi buanyi munkatshi mua bisamba bia bantu.

Yirmeya 6:16

Yehowa udi wamba ne, Imanai mu nshila, numone, nukonke bua nshila ya diambedi, kudi nshila muimpe, nuendelemu, nenuhete dikisha mu mitshima yenu. Kadi bobo bakamba ne, Katuena tuendelamu.

Agayi 2:9

Yehowa wa misumba udi wamba ne, Butumbi bua nsubu eu bua matuku alualua nebuhite butumbi buandi bua diambedi bunene; mu muaba eu nempeshe bantu ditalala.

Zekâya 6:13

Yeye mene nease ntempelo wa Yehowa, neikale ne butumbi, neashikame mu nkuasa wandi wa bukelenge, neakokeshemu; neikale muakuidi mu nkuasa wandi wa butumbi; midimu ei ibidi neyikuatshishangane.

Dibadika 10:33

Bakabika ku mukuna wa Yehowa, bakaya mu luendu matuku asatu, ne mushete wa tshihungidi tshia mei a Yehowa wakaya ku mpala kuabo matuku asatu bualu bua kubakebela muaba wa kuikisha.

Matayi 12:21

Bisamba bia bende nebitekemene dina diandi.

Matayi 8:11

Ndi nuambila ne, Bantu ba bungi nebalue ku esete ne ku wesete, nebadie bidia ne Abalahama ne Isaka ne Yakoba mu bukelenge bua mu diulu;

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Yowanane 12:32

Ne meme, biambishabo ha buloba, nenkoke bantu bonso kundi.

Bienzedi 11:18

Hakunvuabo malu â, bakahua, bakatumbisha Nzambi ne, Nzambi wakuha bisamba bia bendekabidi kukudimuna kua mutshima bua kuikalabo ne muoyo.

Bienzedi 28:28

Numanye bienu ne, Luhandu ebi luakutumibua kudi bantu ba bende, bobo kabidi nebumate. [

Ebrewu 4:1

Nunku, tutshine bietu, bakavua bamane kutushila mulayi wa tuetu kubuela mu dikisha diandi, bumue umue wenu kalu kumueneka bu mudiye kai mufikeku.

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

Didimanyisha 22:16

Meme Yesu nakutuma muanjelo wanyi bua kunumanyisha malu â bua bualu bua ekelesia. Ndi muji ne kankanunuina bia Davidi, mutoto udi ukenka, wa nkesha.

Didimanyisha 5:5

Ne umue wa bakulu udi ungambila ne, Kudidi nasha; tangila, Nyama wa Ntambue udi wa mu tshisamba tshia Yuda, Muji wa Davidi, wakatamba bukole bua kubululeye mukanda ne bimanyishilu biau muanda mutekete.