Yeshaya 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

MUKANDA WA MYIDI MUKULU

⁶ Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 10:6 교차 참조

2 Samuele 22:43

Hashishe nakababotesha bu kasoka ka buloba, nakabadiata bu bitotshi bia mu misesu, nakabamuanga lasha.

2 Bakalenga 18:25

Meme nakuluila bua kuhaula muaba eu Yehowa kayi nʼanyi, anyi? Yehowa wakungambila ne, Uye biebe, uhaule buloba ebu.

Yeshaya 19:17

Buloba bua Yuda nebuhatshishe Ejipitu buowa. Muntu yonso wa ku muaba kudibo batela dina dia Yuda neatshine, bualu bua muanda udi Yehowa muhangidishe, udiye mudisunguile bua kuenzela Ejipitu.

Yeshaya 22:5

Bualu bua edi ndituku dia tshintompatompa, dia kudiata bantu muinshi mua makasa, dia kulubakana kua mitshima, difume kudi Mukelenge, Yehowa wa misumba, mu tshibanda tshia tshikena kumona; ndituku dia kushimbula ngumbu ya musoko, ne dia muadi udi ufika tô ne ku mikuna.

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Yeshaya 32:6

Bualu bua muhote neakule biakulakula, mutshima wandi newele meji bua kuenzeye bibi, bua kuenzela Yehowa malu a dikamakama, bua kuamba mashimi bualu bua Yehowa, bua kuyuisha mutshima wa muena nzala munda mutuhu, ne bua kuhidisha badi ne nyota mai.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 33:14

Bantu babi ba mu Siona badi batshina; lukanku luakukuata badi kabayi bitabusha Nzambi. Muntu kai wa munkatshi muetu udi mua kushikama hehi ne kadilu kadi kashidisha? Muntu kai udi mua kushikama hehi ne kahia kadi kosha tshiendelele?

Yeshaya 41:25

Nakubisha muntu wa ku nôde, ne yeye wakumana kulua; nakubisha muntu ku muaba wa kudi kuhatuka diba udi ubikila dina dianyi. Yeye nealue kudiata bakokeshi bu tshimama, bu mudi mufumbi udiata dima.

Yeshaya 49:17

Bana bebe badi balua lukasa; bakukushiha ne bakukubutula nebumuke kûdi.

Yeshaya 49:25

Kadi Yehowa udi wamba ne, E, nebanyenge muena bukitu bantu badiye ukuata mu nvita, nebahandishe badi muena tshinyangu ukuata. Bualu bua nenfuilangane ne muntu udi ufuilangana nʼebe, nensungile bana bebe.

Yeshaya 5:25

Bua malu â tshiji tshia Yehowa tshiakatema kudi bantu bandi, ne yeye wakolola tshianza tshiandi bua kubakuma nʼatshi, wakabatuta; mikuna yakazakala, ne bitalu biabo biakalala munkatshi mua misesu bu bintu bia kuela ku diala. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 5:29

Tshibingu tshiabo netshikale bu kudila kua nyama wa ntambue mukashi, nebele tshibingu bu mudi bana ba nyama wa ntambue badila ne nebakungule, nebakuate tshintu tshidibo banyenga, nebanyeme nʼatshi, kakuyi muntu wa kutshihandisha.

Yeshaya 5:5

Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

Yeshaya 63:3

Nakudiata tshikaminu nkayanyi, ne kakuakadi umue wa munkatshi mua bantu wakadi nʼanyi. Bulelela, nakabadiata mu tshiji tshianyi, nakabatua museba hanshi mu njiya yanyi; mashi a mioyo yabo akunsampukila ha bilulu bianyi, nakunyanga bivualu bianyi bionso.

Yeshaya 63:6

Nakadiata bantu hanshi mu tshiji tshianyi, nakabavuisha bu bantu bakuatshika mu tshiji tshianyi, nakahumuna mashi a mioyo yabo hanshi ha buloba.

Yeshaya 7:17

Yehowa neafikishe kûdi wewe, ne kudi bantu bebe, ne kudi ba mu nsubu wa tatu webe, matuku mabi adi kayi manji kulua diambedi, katshia difuku diahanduluka Bena Efelayima kudi Bena Yuda, neanutumine mukelenge wa Ashû mene.

Yeshaya 8:4

Bualu bua diambedi muana eu kayi muanji kumanya mua kudila ne, Tatu wanyi, ne, Baba wanyi, biuma bia Damaseke ne bintu binyengibue mu Samalea nebiumushibue; nebaye nʼabi ku mpala kua mukelenge wa Ashû.

Yeshaya 8:8

Newende ku mpala tô ne habuelau mu Yuda, neuhasalale ne neuhitshilemu, neufike tô ne ku nshingu ya bantu. Kuolola kua mahuahua au nekûshe nseke yonso ya buloba buebe, Imanuele!

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:19

Bualu bua tshiji tshia Yehowa wa misumba buloba buakulua, ne bantu badi bu nkunyi ya kuela mu kahia, kakuena muntu udi Usungila muanʼabo.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 3:10

Yehowa udi wamba ne, Malu â onso akamueneka, kadi muanʼabo mukashi Yuda, muena dikamakama, kakahingana kundi ne mutshima wandi mujima, kadi wakashala ne lubombo.

Yirmeya 34:22

Yehowa udi wamba ne, Monai, ndi ngela mukenji, nengahingashe ku musoko eu, nealuangane ne benʼau, neabatambe bukole, neawoshe ne kahia; ne nenvuishe misoko ya mu Yuda bu bikulu, kayiyi ne bantu.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yezekiyele 29:20

Mukelenge Yehowa udi wamba ne, Nakumuha buloba bua Ejipitu bu difutu dia mudimu wakungenzeleye, bualu bua bakunkuatshila mudimu.

Yezekiyele 38:12

Neuhangidishe bua kuhaula ne kunyenga bintu biabo ku bukole, bua kuhingasha tshianza tshiebe kabidi ku bihela bidi ne bantu bashikamemu mpindiu bua kubinyanga, bua kuluishamu bantu aba bakahatulabo munkatshi mua bisamba bia bantu, bakamana kuangata bimuna ne luhetu, badi bashikame munkatshi mua buloba.

Yezekiyele 38:13

Sheba ne Dedana ne bangendʼa mushinga ba ku Tâshishi ne bana babo banene nebakuele dikonka ne, Wakulua biebe bua kuhaula bantu aba, anyi? Wakusangisha bisumbu biebe bia masalayi bua kunyenga bintu biabo, ne bua kuya ne biamu bia argent ne bia or ne bimuna ne luhetu ne bintu biwakunyenga, anyi?

Mika 7:10

Hashishe, umena lukuna wanyi neamone muanda eu, bundu nebumukuate, yeye wakadi unkonka ne, Yehowa, Nzambi webe, udi kudi kunyi? Mesu anyi neamumone bimpe, ne tshituha tshilu nebamudiate munda mua makasa bu bitahikidi bia mu misesu.

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Zekâya 10:5

Nebikale bu bena bukitu mu nvita badi badiata badi nʼabo lukuna mu bitahikidi bia misesu; nebaluangane nvita bualu bua Yehowa udi nʼabo, nebafuishe babandi ba ha nyima ha tuhalu bundu.

Matayi 15:7

Nuenu bena lubombo, bulelela, Yeshaya wakamba bualu buenu ne,