Yeshaya 10:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yeye neatahe bihuka ne tshisui tshia tshiamu tshifike, ne Lebanona neahone ku mikumu ya Nzambi Mukole.

MUKANDA WA MYIDI MUKULU

³⁴ Badi basola muitu mitshi yonsu ne tshisuyi, mitshi ya sedre mile ya mu Lebanone idi panshi.

Yeshaya 10:34 교차 참조

Misambu 103:20

Nuvudishile Yehowa disanka, nuenu banjelo bandi, badi bena bukitu mu bukole buabo, badi benza dî didiye wamba, badi batumikila dî dia mukenji wandi

Yeshaya 10:18

Yeye neavingutule butumbi bua ditu diandi ne bua budimi buandi budi bulua ne bia kudia bia bungi ne muoyo wandi ne mubidi wandi. Bualu ebu nebuikale bu muntu musame unyananyana tô ne ku lufu.

Yeshaya 2:13

nedikale ku mitshi ya cèdre yonso ya ku Lebanona idi mile ne idi mileha mulu, ne ku mitshi ya telebinta yonso ya mu Bashana;

Yeshaya 31:8

Ne Muena Ashû neahone ku muele wa nvita, kauyi wa bantu; muele wa nvita, kauyi wa bantu, neumubutule. Yeye neanyeme muele wa nvita, ne nebabueshe bansongalume bandi mu mudimu wa buhika.

Yeshaya 33:9

Buloba budi ne muadi, budi buteketa; Lebanona udi ubuandakana, udi ufubidila; Shalona udi bu tshihela tshia tshianana; Bashana ne Kâmele bidi bilakata mabeshi.

Yeshaya 37:24

Wewe wakufunyina Mukelenge bulobo mukana mua bahika bebe, wakuamba ne, Meme nakubanda tô ne ku mutu kua mikuna ne tshisumbu tshinene tshia makalu anyi a mitu, tô ne ku nseke ya mu Lebanona idi misokome ku mesu; nenshimbule mitshi mile ya cèdre idimu, ne mitshi ya cyprès ya mushinga mukole idimu; nembuele tô ne mu nsubu wandi udi muhite kuikala mulu, mu ditu dia mamuma andi.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yirmeya 22:7

Nendongolole babutudi bua kubutulabo, muntu ne muntu ne bielelu bia nvita mu bianza biandi; bobo nebatahe mitshi yebe ya cédre idi itamba buimpe, nebayele mu kahia.

Yirmeya 48:2

Butumbi bua Moaba kabuenaku kabidi; mu Heshebona bakumuelela tshifufu ne, Tuye kubabutula, bua kabikadi ne muaba wabo munkatshi mua bisamba bikuabo! Wewe kabidi, Mademena, nebakulekeshe dî, bualu bua muele wa nvita neukuihate.

Yezekiyele 31:3

Mbu mutshi munene wa cèdre mu Lebanona, udi ne matamba manene malengele, ne dileshi diau didi bu dia mutshi wa muitu, bule buau budi buya mulu mule, katongabela kau kabidi kadi kafika mu matutu.

Danyele 4:23

Mukelenge wakamona mutangidi, muntu wa tshijila, uhueka hanshi mufume mu diulu, wamba ne, Shimbulai mutshi eu, ûkosololai; kadi shiyai tshikuku ne miji yatshi mu buloba, tshisuikibue ne mukaba wa tshiamu tshifike ne wa tshiamu tshia mitaku, munkatshi mua mashinde a lutende; muntu au aboleshibue ne dibungi dia mulu; adie mashinde a mu mpata bu nyama tô ne hahita bidimu muanda mutekete.

Nahume 1:12

Yehowa udi wamba dî edi ne, nansha bikalabo ne bukole buabo buonso, nansha bikalabo ba bungi, nebatahibue, nebajimine. Nansha meme mukukengeshe, tshiena nkukengesha kabidi.

2 Tesalonike 1:7

ne bua kunuheye nuenu badi bakengeshibua dikisha hohamue nʼetu, ku dibuluibua dia Mukelenge Yesu halueye mu diulu ne banjelo ba bukole buandi mu kahia kadi kakenka.

2 Petro 2:11

kadi banjelo, badi babahita bunene ne bukole, kabena balua ne dihisha didi dibahenda ku mpala kua Mukelenge.

Didimanyisha 10:1

Nakatangila muanjelo mukuabo mukole uhueka mu diulu, muluatshisha ne ditutu; ne muanzankongolo wakadi ha mutu handi, ne mpala wandi wakadi bu diba, ne makasa andi akadi bu ndimi ya kahia;

Didimanyisha 18:21

Muanjelo mukuabo mukole wakambula dibue bu dibue dinene dia kubela nʼadi, wakadiela mu mai manene, wamba ne, Nunku Babulona, musoko mimene, newedibue hanshi ne dihona dinene, ne kawena usanganyibua kabidi tshiendelele.