Yeshaya 10:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yehowa wa misumba neababishile nsokotshi bu muakakumeye Bena Midiyana ku Dibue dia Olebe; ne bu muakabisheye tshibonge tshiandi ha mutu ha mai manene, nunku yeye neatshioshile kabidi bu muakenzenzeye mu Ejipitu.

MUKANDA WA MYIDI MUKULU

²⁶ Maweja-Nangila muena bukole buonsu neakengeshe bena Ashure, bu muvuaye muenzele bena Madiyane pa lubuebue lua Orebe. Neolole dikombu diende pa mayi manene, bu muvuaye munyoke bena Ejipitu.

Yeshaya 10:26 교차 참조

2 Bakalenga 19:35

Butuku abu mene muanjelo wa Yehowa wakaya munkatshi mua tshitudilu tshia Bena Ashû, wakashiha bantu binunu lukama ne makumi muanda mukulu ne bitanu; hakabika bantu ne dinda dionso, bakasangana bitalu bia bantu bamane kufua bonso.

Misambu 35:23

Udisonsole, utabale bua kukosa nsambu yanyi biakane; bua kunkuatshisha mu tshilumbu tshianyi, Nzambi wanyi ne Mukelenge wanyi.

Misambu 83:11

Uvuishe bantu babo banene bu Olebe ne Zêbe, uvuishe bakokeshi babo bonso bu Zeba ne Salemuna.

Ekesode 14:16

Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Yeshaya 10:24

Nunku Mukelenge, Yehowa wa misumba, udi wamba ne, Nuenu bantu banyi badi bashikame mu Siona, kanutshinyi Bena Ashû, nansha bianukumabo ne mulangala, ne biabishabo tshibonge tshiabo bua kunututa nʼatshi, bu muakenza Bena Ejipitu.

Yeshaya 11:16

Nshila munene mufume ku buloba bua Ashû neikaleku bua difuka dia bantu bandi diendelemu, bu muakadiku tshikuabo bua Bena Isalele bendelemu mu dituku diakahatukabo mu buloba bua Ejipitu.

Yeshaya 30:30

Yehowa neunvuishe bantu dî diandi dia butumbi, neamueneshe dihueka dia diboko diandi hanshi mu kuvulangana kua tshiji, mu ludimi lua kahia kadi kashidisha, mu kuhumuka kua nvula, mu tshihuhu ne mu mabue a nvula.

Yeshaya 30:31

Bua dî dia Yehowa Muena Ashû neikale ne buowa bukole; neamukume ne tshibonge tshiandi.

Yeshaya 30:32

Mukumu wonso wa mulangala wa mulau udi Yehowa umukuma nʼau newikale ne tshiona tshia makasa ne nzenze; nealue kudibo ne diboko diela mulu, utshintshila bua kuluangana nʼabo.

Yeshaya 9:3

Wewe wakuvudisha ba mu tshisamba etshi, wakudiundisha disanka diabo. Badi basanka ku mpala kuebe bu mudi bantu basanka hahuolabo bia kudia mu madimi, bu mudi bena nvita basanka habanyanganabo bintu binyenga mu nvita.

Yeshaya 9:4

Bualu bua wewe wakutshibula mutshi wa tshikokedi wakadi bujitu buabo, ne mulangala wakadi ututa diaha diandi, ne tshibonge tshia mukengeshi wandi, bu muwakenza mu dituku diakahitabo Bena Midiyana bukole.

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

Didimanyisha 19:15

Muele wa nvita mutuisha udi uhatuka mukana muandi, bua kutaheye nʼau bisamba bia bantu, ne yeye neabakokeshe ne dikombo dia tshiamu; ne yeye udi udiata tshikaminu tshia bukole bua tshishi tshia Nzambi wa Bukole Buonso.

Balombodi 7:25

Bakakuata bana ba mukelenge wa Midiyana babidi, Oleba ne Zêbe; bakashiha Oleba ku dibue dia Oleba ne bakashiha Zêbe ku tshikaminu tshia Zêbe; bakihata Bena Midiyana. Bakalua ne mutu wa Oleba ne wa Zêbe kudi Gideona dishiya dia Yadene.